ព័ត៌មានជាតិ
មុខម្ហូប ដែលជាអាហារប្រពៃណីវប្បធម៌ខ្មែរ ត្រូវបានបង្ហាញ នៅក្នុងកម្មវិធីប្រកួតកីឡាកងទ័ពអន្តរជាតិ នៅសហព័ន្ធរុស្ស៊ី
ការចំអិនម្ហូបអាហារប្រពៃណីជាតិ រួមទាំងការសម្តែងសិល្បៈ និងបង្ហាញសំលៀកបំពាក់ ដែលជាប្រពៃណីជាតិខ្មែរ ត្រូវបានបង្ហាញជូនដល់ថ្នាក់ដឹកនាំរុស្ស៊ី នៅក្នុងព្រឹត្តិការប្រកួតកីឡាកងទ័ពអន្តរជាតិលើកទី៧ ឆ្នាំ២០២១ នេះបើតាមការឲ្យដឹងពីសមាគមនិស្សិតខ្មែរប្រចាំសហព័ន្ធរុស្ស៊ី នារសៀលថ្ងៃទី២៦ ខែសីហា នេះ ដែលកម្មវិធីនោះ ចូលរួមបើកដោយលោក Vladimir Putin ប្រធានាធិបតីរុស្ស៊ី។
បើតាមសមាគមនិស្សិតខ្មែរ ព្រឹត្តិការណ៏នោះបានធ្វើឡើងកាលពីថ្ងៃទី២៣ ខែសីហា ឆ្នាំ២០២១នេះ ដោយមានការចូលរួមពីទីប្រឹក្សាតំណាងឯកអគ្គរាជទូត ព្រមទាំងមន្ត្រីការទូត បុគ្គលិក នៃស្ថានឯកអគ្គរាជទូតកម្ពុជាប្រចាំសហព័ន្ធរុស្ស៊ី និងក្រុមការងារសមាគមនិស្សិតខ្មែរប្រចាំសហព័ន្ធរុស្ស៊ី ផងដែរ។ កម្មវិធីនោះ ត្រូវបានឲ្យឈ្មោះថា “International Festival of National Cuisine 2021” ដែលជាផ្នែកមួយរបស់កម្មវិធីប្រកួតកីឡាកងទ័ពអន្តរជាតិលើកទី៧ ឆ្នាំ២០២១ “International Army Games VII (ARMI-2021)” និងវេទិកាបច្ចេកទេសយោធាអន្តរជាតិ ឆ្នាំ២០២១ “International Military-Technical Forum 2021” នៅទីលានហ្វឹកហាត់អាឡាប៊ីណូ (Alabino Training Ground) តំបន់មូស្គូ សហព័ន្ធរុស្ស៊ី។
សមាគមនិស្សិតខ្មែរអះអាងថា នៅក្នុងស្មារតីជួយជំរុញដល់គោលនយោបាយការទូតសេដ្ឋកិច្ចរបស់រាជរដ្ឋាភិបាលកម្ពុជា និងយុទ្ធសាស្ត្រការទូតសេដ្ឋកិច្ចឆ្នាំ២០២១-២០២៣ របស់ក្រសួងការបរទេស និងសហប្រតិបត្តិការអន្តរជាតិកម្ពុជា នៅក្នុងពិធីនោះ ស្ថានឯកអគ្គរាជទូតកម្ពុជាប្រចាំសហព័ន្ធរុស្ស៊ី និងសមាគមនិស្សិតខ្មែរប្រចាំសហព័ន្ធរុស្ស៊ី បានចូលរួមចំអិនម្ហូបអាហារប្រពៃណីជាតិ រួមទាំងការសម្តែងសិល្បៈ និងបង្ហាញសំលៀកបំពាក់ប្រពៃណីជាតិខ្មែរជូនដល់ថ្នាក់ដឹកនាំរុស្ស៊ី តំណាងប្រតិភូ នៃក្រសួងការពារជាតិបរទេសចំនួន១១៧ ប្រទេស តំណាងក្រុមហ៊ុនរុស្ស៊ី និងបរទេសមកពីជិត១០០ប្រទេស និងបណ្តាសាធារណជនរុស្ស៊ី បានភ្លក់រស់ជាតិម្ហូបខ្មែរដែលបានដកស្រង់ចេញពីសៀវភៅ “the Taste of Angkor” របស់ Ministry of Foreign Affairs and International Cooperation – Cambodia អមដោយការសម្តែងសិល្បៈជូនទស្សនា នាពេលនោះផងដែរ៕
ដោយ ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង