ព័ត៌មានជាតិ
សម្ដេច ស ខេង ណែនាំ ឱ្យក្រុមការងារខិតខំផ្សាភ្ជាប់ការងារនឹងជីវភាពរបស់ប្រជាពលរដ្ឋ
សម្ដេចក្រឡាហោម ស ខេង អនុប្រធានគណបក្សប្រជាជនកម្ពុជា មានប្រសាសន៍បែបនេះ ខណៈអញ្ជើញជាអធិបតី ក្នុងពិធី សម្រួលភារកិច្ច និងចាត់តាំងក្រុមការងារគណបក្សចុះមូលដ្ឋាន នៅខេត្តមណ្ឌលគិរី កាលពីថ្ងៃសុក្រម្សិលមិញ។
មានប្រសាសន៍នាឱកាសនោះ សម្ដេចក្រឡាហោម ស ខេង បានណែនាំឱ្យក្រុមការងារទាំងអស់ ត្រូវខិតខំផ្សាភ្ជាប់ការដឹកនាំ និងការងាររបស់ខ្លួន ទៅនឹងជីវភាពរស់នៅរបស់ប្រជាពលរដ្ឋ បម្រើប្រជាពលរដ្ឋឱ្យបានល្អ ធ្វើអំពើល្អជាមួយប្រជាជនឱ្យបានច្រើន ចៀសវាងការគាបសង្កត់ គំរាមកំហែង ឬប្រសិនបើពួកគាត់ជួបនៅបញ្ហាណាមួយត្រូវខិតខំដោះស្រាយតាមសមត្ថកិច្ចឱ្យបានល្អ និងយុត្តិធម៌។
សម្ដេចក្រឡាហោម សង្កត់ធ្ងន់ថា ថ្នាក់ដឹកនាំគ្រប់លំដាប់ថ្នាក់ មិនថាថ្នាក់ដឹកនាំរាជរដ្ឋាភិបាល ឬក៏គណបក្សនោះទេ ត្រូវតែបន្តចុះមកមូលដ្ឋានជាទៀងទាត់ ដើម្បីស្វែងយល់ពីជីវភាព រស់នៅ និងតម្រូវការរបស់ប្រជាពលរដ្ឋ ពីព្រោះតាមរយៈសកម្មភាពនេះហើយ ដែលថ្នាក់ដឹកនាំរាជរដ្ឋាភិបាល និងគណបក្សអាចប្រមូលបាននូវអ្វី ដែលជាកិច្ចការសំខាន់សម្រាប់ពលរដ្ឋ ហើយដោះស្រាយឱ្យបានទាន់ពេល និងមាន ប្រសិទ្ធិភាព។
មានប្រសាសន៍នៅក្នុងពិធីនោះដែរ សម្ដេចលើកឡើងអំពីកិច្ចការពារធនធានធម្មជាតិ ដោយសម្ដេចបានដៅចំៗថ្នាក់ដឹកនាំខេត្តមណ្ឌលគិរី ត្រូវតែធានាថា ការពារឱ្យបាននូវធនធានធម្មជាតិ ដែលការងារនេះ គឺជាយុទ្ធសាស្ត្រ ដើម្បីទាក់ទាញការគាំទ្រពីពលរដ្ឋ ទាក់ទាញទេសចរណ៍ ទាក់ទាញការវិនិយោគ ដោយមិនត្រូវចាត់ទុកបញ្ហានេះជាបញ្ហាធម្មតានោះឡើយ ពីព្រោះការងារនេះគឺជាការងារដើម្បីផលប្រយោជន៍ជាតិ ប្រជាជន និងកូនចៅជំនាន់ក្រោយ។
ពាក់ព័ន្ធនឹងកិច្ចការពារធនធានធម្មជាតិនេះ សម្ដេចក្រឡាហោមបានផ្ដល់ការលើកទឹកចិត្តឱ្យថ្នាក់ដឹកនាំក្រសួងពាក់ព័ន្ធ ព្រមទាំងអភិបាលខេត្ត ពិសេសខេត្តដែលសំបូរធនធានធម្មជាតិ ដូចជាព្រៃឈើជាដើម អាចពិចារណារៀបចំប្រតិទិនទៀងទាត់ ដើម្បីរួមគ្នាជិះឧទ្ធម្ភាចក្រពិនិត្យស្ថានភាពព្រៃឈើ និងធនធានធម្មជាតិ ដោយមិនត្រូវពឹងអាស្រ័យតែទៅលើការជិះរថយន្ត ឬដើរមើលនោះឡើយ។
សម្ដេចបានហៅថាធនធានធម្មជាតិថា “ជាទ្រព្យសម្បត្តិដូនតារបស់យើង” ដោយសម្ដេចបន្តដោយរំលឹក “ខ្ញុំបានទៅបំពេញទស្សនកិច្ចនៅចិន ហើយគេក៏បានធ្វើបទបង្ហាញប្រាប់ខ្ញុំអំពីគម្រោងអភិវឌ្ឍធំៗ។ ខ្ញុំក៏បានសួរថា តើលុយនោះបានមកពីណា ? ចម្លើយគឺលុយបានមកពី៣ប្រភព គឺទី១. លុយដូនតា ទី២. លុយយើង និងទី៣. លុយកូនចៅយើង”។
មុននឹងបញ្ចប់សម្ដេចក៏បានផ្ដាំផ្ញើឱ្យថ្នាក់ដឹកនាំ សមាជិក សកម្មជន គណបក្សទាំងអស់ ខិតខំបំពេញតួនាទី ភារកិច្ច និងការទួលខុសត្រូវ ដែលថ្នាក់ដឹកនាំគណបក្សប្រគល់ជូនឱ្យបានល្អ ដើម្បីបន្តឈានទៅទទួលបានជ័យជំនះសម្រាប់ការបោះឆ្នោតឃុំសង្កាត់ឆ្នាំ២០២២ និងបន្តឈានទៅទទួលបានជោគជ័យថែមទៀត សម្រាប់ការបោះឆ្នោតជ្រើសតាំងតំណាងរាស្រ្ត ឆ្នាំ២០២៣ ខាងមុខ៕
អត្ថបទ ៖ កោះកែវ
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)