ព័ត៌មានជាតិ
ស្នងការក្រុងភ្នំពេញធ្វើការហ្វឹកហាត់កម្លាំងពន្លត់អគ្គិភ័យពីជំនាញជួយសង្គ្រោះមនុស្សចេញពីរថយន្ដ
លោកវរសេនីយ៍ទោ ជូ លាងអេង នាយរងការិយាល័យ ដោយទទួលបានបទបញ្ជារបស់លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ នៅថ្ងៃទី១៦ ខែកញ្ញា ឆ្នា២០២១បានដឹកនាំកម្លាំងជំនាញពន្លត់អគ្គិភ័យដែលប្រចាំការគោលដៅអធិការដ្ឋាននគរបាលខណ្ឌទួលគោក ធ្វើការហ្វឹកហាត់ជំនាញជួយសង្គ្រោះប្រជាពលរដ្ឋ។
លោកវរសេនីយ៍ទោ ជូ លាងអេង បានមានប្រសាសន៍ថា ការហ្វឹកហាត់ដល់កម្លាំងជំនាញពន្លត់អគ្គិភ័យ ក្នុងនោះមានការបំពាក់បំពង់ខ្យល់អុកស៊ីសែនដែលហៅថា SCBA និងប្រើប្រាស់ម៉ូទ័រហែកទ្វារក្នុងការជួយសង្គ្រោះប្រជាពលរដ្ឋនៅពេលដែលផ្ទះជាប់សោទ្វារមិនអាចធ្វើការបើកចេញបាន រឺក៏ហែកទ្វាររថយន្តដើម្បីយកមនុស្សដែលជាប់ក្នុងរថយន្តផងដែរ។
លោកវរសេនីយ៍ទោ ជូ លាងអេង បានណែនាំដល់ជំនាញពន្លត់អគ្គិភ័យទាំងអស់ ត្រូវតែយកចិត្តទុកដាក់ខ្ពស់ក្នុងការជួយសង្គ្រោះប្រជាពលរដ្ឋឲ្យបានទាន់ពេលវេលា នឹងត្រូវចេះប្រើពាក្យសំដីសមរម្យដាក់ប្រជាពលរដ្ឋជានិច្ច។
ទន្ទឹមនឹងនេះ លោកវរសេនីយ៍ទោ ជូ លាងអេង បានផ្ដាំផ្ញើដល់មន្ត្រីជំនាញទាំងអស់ ត្រូវបន្តការអនុវត្តនូវវិធានការរបស់ក្រសួងសុខាភិបាល ៣កុំ ៣ការពារទាំងអស់គ្នាផងដែរ។
រយៈពេល៨ខែឆ្នាំ២០២១នេះ នៅរាជធានីភ្នំពេញមានគ្រោះអគ្គិភ័យបានកើតឡើងចំនួន៨៥លើកបណ្តាលឱ្យឆេះផ្ទះចំនួន៩៩ខ្នង តូបផ្សារ៣តូប ឃ្លាំទំនិញ៩កន្លែងអគាររដ្ឋបាល១កន្លែង រោងចក្រសិប្បកម្ម២កន្លែងស្លាប់មនុស្ស៨នាក់និងរបួស២៨នាក់៕
អត្ថបទ៖ សំអឿន
-
កីឡា១៧ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ
-
ព័ត៌មានអន្ដរជាតិ១ សប្តាហ៍ agoតម្លៃប្រេងអន្តរជាតិស្ទុះងើបឡើងវិញ ក្រោយអាមេរិកបើកការវាយប្រហារថ្មីប្រឆាំងអ៊ីរ៉ង់