ព័ត៌មានជាតិ

ប្រពន្ធប្តឹងប៉ូលិសរឿងប្តីវាយធ្វើបាបកូនស្រី ស្រាប់តែបែកធ្លាយរឿងប្តី រំលោភកូន

បានផុស

២ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

បុរសម្នាក់ដែលជាឪពុកទុរយស ត្រូវបានកម្លាំងសមត្ថកិច្ចឃាត់ខ្លួន បន្ទាប់ពីអតីតភរិយាប្តឹងរឿងវាយធ្វើបាបកូនស្រី បែរជាបែកធ្លាយរឿងចាប់រំលោភកូនស្រីមួយរឿងបន្ថែមទៀតទៅវិញ។

ជុំវិញបញ្ហានេះ គឺស្ត្រីម្នាក់បានរត់ទៅប្តឹងសមត្ថកិច្ចស្រុកកំរៀង ក្រោយពីអតីតប្តីរបស់ខ្លួនដែលបានលែងលះគ្នា បានវាយធ្វើ ទារុណកម្ម លើកូនស្រីរបស់ខ្លួន ដោយគ្រាន់តែមិនដាំបាយ បែរជាបែកធ្លាយរឿងចាប់រំលោភមួយករណីទៀត។

ក្រោយពីបែកធ្លាយរឿងចាប់រំលោភសមត្ថកិច្ចបានឃាត់ខ្លួនបុរសជាឪពុកភ្លាមៗ នៅផ្ទះរបស់ខ្លួនកាលពីម៉ោងជាង៧យប់ថ្ងៃទី២៩ ខែកញ្ញា ឆ្នាំ២០២១ ស្ថិតនៅចំណុច ភូមិថ្មី ឃុំត្រាង ស្រុកកំរៀងខេត្តបាត់ដំបង។

អ្នកស្រី កែវ ស្រីអូន អាយុ ៣១ឆ្នាំ បានឲ្យដឹងថា គាត់បានលែងលះប្តីរបស់គាត់ឈ្មោះ ស៊ឹម ស៊ី ដោយប្រគល់កូនទាំងពីររបស់គាត់ឲ្យរស់នៅជាមួយប្តី នៅភូមិថ្មី ឃុំត្រាងស្រុកកំរៀង ដែលកូនស្រីឈ្មោះ ស ស ល(ជនរងគ្រោះ)អាយុ១៤ឆ្នាំ និង កូនប្រុសអាយុ៨ឆ្នាំ។

អ្នកស្រីបានឲ្យដឹងថា ស្រាប់តែថ្ងៃទី២៨ ខែកញ្ញា កូនស្រីបានប្រាប់គាត់ថា ឪពុកបានវាយទារុណកម្ម លើនាងស្នាមពេញខ្លួន ដោយគ្រាន់តែមិនដាំបាយ ដោយឮដូច្នេះគាត់បានរត់ទៅប្តឹង សមត្ថកិច្ច ស្រុកកំរៀង នាព្រឹកថ្ងៃទី២៨ពីបទប្រើប្រាស់អំពើហិង្សាលើកូន។

អ្នកស្រីបានឲ្យដឹងថា ស្រាប់តែល្ងាចថ្ងៃទី២៩ ខែឆ្នាំដដែល កូនស្រីរបស់ខ្លួនបានរត់មកប្រាប់គាត់ថា មិនហ៊ានដេកជាមួយឪពុកនៅផ្ទះទៀតទេ ខ្លាចគាត់ចាប់រំលោភ គ្រាន់តែឮដូច្នេះគាត់បានសួរដេញដោលកូនស្រី ដោយកូនរៀបរាប់ប្រាប់ថា ក្នុងអំឡុងពាក់កណ្តាល ខែកញ្ញា ឆ្នាំ២០២១នេះ ដោយខ្លាចខ្មោច កូនស្រីបាននាំប្អូន ប្រុសទៅដេក ជាមួយឪពុកនៅកញ្ចុះក្បែរផ្ទះ ដោយយប់នោះឪពុកនាងបានខ្ទប់មាត់បម្រុងរំលោភនាងតែមិនបានសម្រេច។

ថ្ងៃក្រោយមកទៀតឪពុកបានព្យាយាមចាប់ដដែល រហូតដល់ ៣ លើក ទើបរំលោភបានសម្រេចម្តង។ អ្នកស្រីជាម្តាយបានឲ្យដឹងថា ក្រោយពីសាកសួរកូនស្រីហើយ គាត់បានរាយការណ៍ទៅសមត្ថកិច្ច អធិការនគរបាលស្រុកកំរៀងបន្ថែមក្រោយមក សមត្ថកិច្ចបានមកឃាត់ខ្លួនឪពុកដែលជាអតីតប្តីរបស់ខ្លួន ទៅកាន់អធិការនគរបាលស្រុកកំរៀងតែម្តង។

លោក ង៉ែត វណ្ណា អធិការរងទទួលបន្ទុកព្រហ្មទណ្ឌ នៃអធិការស្រុកកំរៀងបានឲ្យដឹងថា មកទល់ព្រឹកថ្ងៃទី ៣០ខែកញ្ញា នេះ កម្លាំងជំនាញ កំពុងនាំឪពុកដែលជាជនសង្ស័យ ទៅធ្វើសំណាកសិន និងបន្ត ធ្វើការសាកសួរ ដើម្បីកសាងសំណុំ រឿងចាត់ការតាមផ្លូវច្បាប់៕

អត្ថបទ ៖ សោ និយមរ័ត្ន

Related Topics:រំលោភសេពសន្ថវៈ