តាមចាប់ជនសង្ស័យជួញដូរគ្រឿងញៀនទាល់តែបាន តាមដីកាតុលាការ តាំងពីខែមិថុនា

នគរប៉ុស្តិ៍រដ្ឋបាលច្បារអំពៅ២ ចាប់ខ្លួនជនសង្ស័យ ១នាក់ ទាល់តែបាន តាមដីកាតុលាការរាជធានីភ្នំពេញ តាំងពីខែមិថុនា ឆ្នាំ២០២១ ករណីជួញដូរដោយខុសច្បាប់នូវសារធាតុញៀន។

សមត្ថកិច្ចប្រាប់ឱ្យដឹងថា កាលពីថ្ងៃទី០៣ ខែតុលា ឆ្នាំ២០២១ វេលាម៉ោង ១៣ និង ៣០ នាទី កម្លាំងប៉ុស្តិ៍នគរបាលច្បារអំពៅ២ នៃអធិការខណ្ឌច្បារអំពៅ បានឃាត់ខ្លួនជនសង្ស័យ ០១ នាក់ នៅចំណុចមុខផ្ទះលេខ១១៧ ផ្លូវ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។

ជនត្រូវចោទឈ្មោះ ប៉ោ ភារ៉ា ហៅ ដុំដី  ភេទប្រុស អាយុ ២៤ឆ្នាំ ជនជាតិខ្មែរ សញ្ជាតិខ្មែរ ស្នាក់នៅផ្ទះលេខ១១៧ ផ្លូវ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។

ជនសង្ស័យត្រូវបានចាប់ឃាត់ខ្លួនតាមដីកាចាប់ខ្លួនលេខ ៧៥៣ ប ដ.ច.ន ចុះថ្ងៃទី២៣ ខែមិថុនា ឆ្នាំ២០២១ ចេញដោយលោក ហុង សុគុណវឌ្ឍនា ចៅក្រមស៊ើបសួរសាលាដំបូងរាជធានីភ្នំពេញ ពីបទ ជួញដូរដោយខុសច្បាប់នូវសារធាតុញៀន៕

អត្ថបទ៖ រ៉ាវុទ្ធ