ព័ត៌មានជាតិ
ខេត្តបន្ទាយមានជ័យ មានអ្នកស្លាប់ដោយសារជំងឺកូវីដចំនួន២៤៥នាក់ គិតត្រឹមថ្ងៃទី១១ ខែតុលានេះ
បើតាមការអះអាងរបស់លោក អោម ចន្ថា អភិបាលរងខេត្តបន្ទាយមានជ័យ និងជាប្រធានអនុកម្មកាបូជាសពអ្នកស្លាប់ដោយជំងឺកូវីដ.១៩ បានប្រាប់ឲ្យដឹងថា ក្នុងខេត្តបន្ទាយមានជ័យ តាំងពីចាប់ផ្តើមកើតជំងឺកូវីដ.១៩ រហូតមកដល់ថ្ងៃទី១១ ខែតុលា ឆ្នាំ២០២១នេះ មានអ្នកស្លាប់ដោយសារជំងឺនេះមានចំនួន ២៤៥នាក់ ក្នុងនោះ មានស្រី១៣៥នាក់ ហើយក្នុងនោះមានជនជាតិថៃ៣នាក់ ស្រី២នាក់ ជនជាតិឥណ្ឌូនេស៊ី ៣នាក់ ស្រី១នាក់ ។
លោក អោម ចន្ថា បានបញ្ជាក់ឲ្យដឹងបន្តទៀតថា ក្នុងនោះមានមណ្ឌលចត្តាឡីស័កមានចំនួន២២កន្លែង សម្រាប់ព្យាបាលអ្នកកើតជំងឺ-១៩ ក្នុងព្រឹត្តិការណ៍២០កុម្ភះ និងពលករដែលបានវិលមកពីស្រុកថៃវិញកំពុងសម្រាកព្យាបាលនៅក្នុងមណ្ឌលទាំងអស់នេះ។
លោក អោម ចន្ថា បានបញ្ជាក់ឲ្យដឹងបន្តទៀតថា ក្នុងខេត្តបន្ទាយមានជ័យ មានមណ្ឌលសម្រាប់ព្យាបាលអ្នកកើតជំងឺកូវីដ.១៩ ធំមាន៣កន្លែង ទី១ មានទីតាំងក្នុងភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ដែលជាអតីតគម្រោងរោងចក្រមួយមានផ្ទៃដី២ហិកតា ក្នុងនោះផ្ទៃអគារ១,២ ហិកតា ដែល អាចដាក់អ្នកជំងឺបានចំនួន៣.០០០នាក់ និងទី២នៅគម្រោងផ្សារអ៊ឹងវណ្ណម៉ៅ ចម្ការតាដោក នៅភូមិចម្ការ តាដោក ឃុំឬស្សីក្រោក ស្រុកមង្គលបូរី ដែលអាចដាក់ចំណុះអ្នកជំងឺបានចំនួន ៣.០០០នាក់ដែរ និង៣កំពុងតែធ្វើជិតរួចហើយ មណ្ឌលចត្តាឡីស័កសម្រាប់ដាក់បងប្អូនពលករ ៣.០០០នាក់ នៅទីតាំងភូមិកូបធំ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
រដ្ឋបាលខេត្តបានឲ្យដឹងថា មណ្ឌលសម្រាប់ព្យាបាលអ្នកកើតជំងឺកូវីដ.១៩ ធំទាំង៣កន្លែងនេះនៅពេលខាងមុខនឹងប្រមូលអ្នកកើតជំងឺកូវីដ-១៩ ទាំងអស់ដាក់ក្នុងមណ្ឌលទាំង៣នេះសម្រាប់មើលថែទាំស្រួល ពិសេស យកសាលាប្រគល់ទៅឲ្យប្រធានមន្ទីរអប់វិញសម្រាប់ឲ្យសិស្សានុសិស្សចូលរៀននៅពេលខាងមុខពិសេសក្នុងក្រុងសិរីសោភ័ណ និងស្រុកមង្គលបូរី។
លោក អោម ចន្ថា បានបញ្ជាក់ឲ្យដឹងបន្តទៀតថា ខេត្តបន្ទាយមានជ័យ មានអ្នកស្លាប់ដោយសារជំងឺកូវីដ .១៩ ចាប់ពីថ្ងៃផ្ទុះឆ្លងរហូតដល់ថ្ងៃទី១១ ខែតុលា ឆ្នាំ២០២១នេះ មានអ្នកស្លាប់ដោយសារជំងឺកូវីដ.១៩មានចំនួន២៤៥នាក់ ហើយអ្នកស្លាប់ទាំងអស់ត្រូវបានលោកអាចារ្យខេត្តធ្វើការបូជារួចរាល់អស់ហើយ សព្វថ្ងៃនេះ សពអ្នកកើតជំងឺកូវីដ.១៩ លោកអភិបាលខេត្តបន្ទាយមានជ័យបានអនុញ្ញាតឲ្យរៀបចំបូជាសពទៅតាមលក្ខណៈបច្ចេកទេសនៃការណែនាំរបស់ក្រសួងសុខាភិបាល និងការកំណត់របស់រដ្ឋយកទៅបូជាដោយធ្វើការតម្កល់ធ្វើបុណ្យសពតាមប្រពៃណី ក្នុងនោះក៏បាននិមន្តលោកសង្ឃធ្វើការសូត្រមន្ត បង្សុកូលឲ្យផងដែរ នៅភ្នំបាក់ សង្កាត់ទឹកថ្លា ក្រុងសិរីសោភ័ណ៕
អត្ថបទ៖ វ៉ាន់ ណាង
-
កីឡា៥ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ