ព័ត៌មានជាតិ

ក្រសួងមហាផ្ទៃ សម្រេចបង្កើតភូមិថ្មីមួយទៀតនៅស្រុកបវេល ខេត្តបាត់ដំបង

បានផុស

៥ years មុន

នៅ

ថ្ងៃចន្ទ ២៥ តុលា ២០២១

ដោយ

ក្រសួងមហាផ្ទៃបានសម្រេចបង្កើតភូមិថ្មីមួយទៀត ឈ្មោះ«ភូមិព្រៃតាឡូញ» ស្ថិតនៅក្នុងឃុំបវេល ស្រុកបវេល ខេត្តបាត់ដំបង។

តាមរយៈសេចក្តីប្រកាសមួយដែលទើបទទួលបាននៅថ្ងៃនេះ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានមានប្រសាសន៍ថា ត្រូវបានបង្កើតភូមិភូមិព្រៃតាឡូញ ដោយបំបែកចេញពីភូមិទំបន់ ភូមិកំពង់ឆ្នាំង១ និងភូមិស្ទឹងដាច់ ស្ថិតនៅក្នុងឃុំបវេល ស្រុកបវេល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចក្រឡាហោម ស ខេង បានបន្តថា ការរៀបចំរចនាសម្ព័ន្ធនិងប្រព័ន្ធគ្រប់គ្រងរដ្ឋបាលភូមិបង្កើតថ្មីនេះត្រូវអនុលោមទៅតាមសេចក្តីណែនាំលេខ០០៤សណន ចុះថ្ងៃទិ១៧ ខែមីនា ឆ្នាំ២០០៦របស់ក្រសួងមហាផ្ទៃ ស្តីពីបែបបទនីតិវិធីនៃការជ្រើសរើសមេភូមិ ការចូលកាន់តំណែង ការផ្លាសប្តូរមេភូមិ ការតែងតាំងជំនួយការភូមិ តួនាទីភារកិច្ច និងរបៀបរបបធ្វើការរបស់មេភូមិ។

សម្តេចក្រឡាហោម ស ខេង បានណែនាំដល់អគ្គលេខាធិការនៃអគ្គលេខាធិការដ្ឋាន អគ្គនាយក នៃអគ្គនាយកដ្ឋានរដ្ឋបាល អគ្គស្នងការ នៃអគ្គស្នងការដ្ឋាននគរបាលជាតិ អគ្គនាយក នៃអគ្គនាយកដ្ឋានភស្តុភារនិងហិរញ្ញវត្ថុ អគ្គនាយក នៃអគ្គនាយកដ្ឋាន អត្តសញ្ញាណកម្មអង្គភាពផ្សេងទៀតចំណុះក្រសួងមហាផ្ទៃ ក្រុមប្រឹក្សាខេត្តបាត់ដំគណៈអភិបាលខេត្តបាត់ដំបង ក្រុមប្រឹក្សាស្រុកបវេល គណៈអភិបាលស្រុកបវេល និងក្រុមប្រឹក្សាឃុំបវេល ត្រូវទទួលបន្ទុកអនុវត្តប្រកាសនេះតាម ភារកិច្ចរៀងៗខ្លួនចាប់ពីថ្ងៃចុះហត្ថលេខាតទៅ៕

អត្ថបទ៖ សំអឿន