ព័ត៌មានជាតិ
បញ្ជាក់ពីមូលហេតុដែលថា ថៃមិនឲ្យយកឈុតតំណាងជាតិដែលមានរូប ប្រាសាទអង្គរ ទៅប្រកួត
បន្ទាប់ពីមានការបញ្ចេញព័ត៌មានថា មិនអនុញ្ញាតអោយយកឈុតតំណាងជាតិដែលមានរូប ប្រាសាទអង្គរវត្ត ទៅប្រកួតនៅប្រទេសថៃ បានធ្វើអោយការភ្ញាក់ផ្អើលយ៉ាងខ្លាំងដោយស្រទាប់មហាជនក៏បង្ហាញអារម្មណ៍ខឹងសម្បាជុំវិញករណីថៃមិនអោយយកឈុតនេះទៅប្រកួត។
លោក អ៊ិន សុភិន អ្នករៀបចំការប្រកួតនៅកម្ពុជា បានអះអាងថា ភាគីថៃមិនបានហាមប្រាមនោះទេ ហើយទំនងជាអ្នកច្នៃឈុតយល់ច្រឡំរឿងក្រុមការងាររបស់លោកទទូចអោយកែច្នៃឈុតនោះអោយប្រណិតហើយបើសភាពនៃឈុតគឺមានកង្វះខាតដូចដែលឃើញ គឺនឹងមិនអោយយកទៅទើបអ្នកច្នៃឈុតបែរជាធ្វើអោយមានការយល់ច្រលំថា កម្មវិធីមិនអោយយកទៅ និងថាភាគីថៃបដិសេធព្រោះមានជាប់រូបប្រាសាទអង្គរវត្ត។
លោកបញ្ជាក់ថា ក្រោយបញ្ចប់ Miss Grand Cambodia ឈុតតំណាងជាតិមួយនេះមានសភាពបាក់បែកហើយស្នោនិងកុងប្លាកេដែលពិបាកបត់បែន ទើបលោកបញ្ជាក់ថាបើមិនមានការកែច្នៃនិងរៀបចំអោយប្រណិតទេ គឺត្រូវតែដូរឈុតនោះចេញដើម្បីកុំអោយបាក់បែកនិងពិបាកដំឡើងឡើងវិញ នៅពេលដឹកតាមយន្តហោះ។
លោកនឹងក្រុមការងារទាមទារអោយម្ចាស់ឈុតនេះ កែលម្អរូបតោនិងផ្ទាំងប្រាសាទដោយតម្រូវអោយប្រើជ័រ ឬសម្ភារៈដែលស្វិត ហើយមាំ ហើយក៏ត្រូវចាប់វីសអោយជាប់ផងដែរ ដើម្បីកុំអោយខូចឆាកថៃ។ លោកថា ក្រុមការងាររបស់លោកគ្រាន់តែទាមទារអោយយកឈុតនោះទៅកែអោយមាំប៉ុណ្ណោះ ហើយបើកែបានតូច និងស្រួលបត់ ទើបអាចឡើងយកទៅបាន។
លោកថា ភាគីថៃអត់មានដឹងរឿងមួយនេះទេ តែគឺជាគោលការណ៍ដែលក្រុមការងារ Miss Grand Cambodia ដាក់សំណើរមកកាន់អ្នកច្នៃឈុតអោយមានការច្នៃប្រណិតបន្ថែម ដើម្បីកុំអោយបាក់បែកពេលដឹកតាមយន្តហោះ។ លោកថា នេះជាករណីយល់ច្រឡំ ហើយនៅក្នុងពេលនេះ លោកក៏អត់ជំទាស់នឹងការយកឈុតតំណាងជាតិដែលមានទំហំធំនោះទៅប្រកួតផងដែរ តែដាច់ខាតត្រូវកែចាប់វីសអោយជាប់ និងអោយស្រួលដំឡើងដោយសារតែពេលប្រកួតនោះ គឺបវរកញ្ញាកម្ពុជា ទៅប្រកួតតែម្នាក់ឯង ដំឡើងឈុតឡើងវិញក៏ម្នាក់ឯង ដែលលោកយល់ថា បើគ្មានការកែតម្រូវ គឺដឹកយកទៅប្រកួតមិនកើត។
លោកស្នើអោយបញ្ឈប់ការយល់ច្រឡំនិងថាខាងភាគីថៃអត់ដឹងរឿងកម្ពុជាសម្រេចយកឈុតអ្វីទៅប្រកួតនោះទេ គឺអាចមានការយល់ច្រឡំព្រោះតែលោកតម្រូវអោយកែច្នៃអោយបានល្អជាមុនសិន អោយជាប់ម៉ឺងជាមុនសិនដើម្បីធានាគ្មានបញ្ហារឿងបាក់បែក និងពិបាកដំឡើងទើបអនុញ្ញាតអោយយកទៅប្រកួតនោះតែប៉ុណ្ណោះ។ លោកថា ក្រុមហ៊ុនមិនខ្លាចក្នុងការចំណាយថ្លៃដឹកនោះទេ ហើយបើទោះជាឈុតនោះធំជាងនេះ ក៏លោកសប្បាយចិត្តរ៉ាប់រងផងដែរ ប៉ុន្តែពិបាកដឹកជញ្ជូន គឺលោកពិតជាស្នើសុំកែតម្រូវ ឬតម្រូវអោយដូរឈុតតែម្ដងដើម្បីកុំអោយចំណាយថ្លៃដឹកអស់ដល់ជិត១ម៉ឺនដុល្លារ តែបែរជាយកទៅខូចខាត ឬមិនច្បាស់ពីភាពរឹងមាំ។
ឥឡូវនេះលោកក៏ប្រកាសថា នឹងគ្មានការប្ដូរឈុតមួយនេះនោះដែរ គឺនៅតែរក្សាជំហរយកឈុតដដែលទៅដោយរក្សាទាំងទំហំឈុត គឺអត់បង្រួមទេតែតម្រូវអោយអ្នកធ្វើឈុតប្ដូរពីស្នោ និងកុងផ្លាកេមិនរឹងមាំ មកជាជ័រស្វិត ឬពីវត្ថុធាតុដើមផ្សេងដើម្បីអោយស្រួលបត់ឡើងយន្តហោះ៕
អត្ថបទ៖ ចាន់រ៉ា
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ