ព័ត៌មានជាតិ
បទល្មើសនេសាទត្រូវបានបង្ក្រាប ក្រោយមានបង្ហោះតាមបណ្តាញសង្គមពីបទល្មើសនេះជាបន្តបន្ទាប់
បាត់ដំបង ៖ ប្រជានេសាទលក្ខណៈគ្រួសារជាច្រើនបានសម្តែងក្នុងចិត្តប្រាប់កម្ពុជាថ្មីថា ពួកគាត់បានធូរចិត្តមួយរយៈ ខណៈសមត្ថកិច្ចជំនាញបានឆ្មក់ចុះបង្ក្រាបបទល្មើសនេសាទដែលឈ្មួញខិលខូចលួចធ្វើសកម្មភាពខុសច្បាប់នាពេលកន្លងមកហើយ ការបង្ក្រាបរបស់សមត្ថកិច្ចអសកម្ម។
មន្ត្រីការិយាល័យប្រឆាំងបទល្មើសសេដ្ឋកិច្ចនៃស្នងការខេត្តបាត់ដំបងបានឲ្យដឹងថា កិច្ចប្រតិបត្តិការខាងលើបានធ្វើឡើងនៅថ្ងៃទី២៩ ខែតុលា ឆ្នាំ២០២១នេះ ដោយកម្លាំងការិយាល័យជំនាញជាច្រើននាក់បានឆ្មក់ចុះបង្ក្រាបទប់ស្កាត់បទល្មើសនេសាទមួយករណីនៅក្នុងភូមិសាស្ត្រស្រុកសង្កែនិងស្រុកឯកភ្នំរបស់ខេត្តបាត់ដំបង។
ក្នុងនោះបង្ក្រាបលើគោលដៅចំនួន២គឺនៅត្រង់ចំណុចបឹងស្រស់ជុំឋិតក្នុងភូមិសាស្ត្រស្រុកសង្កែនិងមួយទីតាំងទៀតបង្ក្រាប នៅចំណុចវាលសាក្នុងស្រុកឯកភ្នំ។ ជាលទ្ធផលនៃការបង្ក្រាបកម្លាំងសមត្ថកិច្ចបានប្រមូលឧបករណ៍ល្មើសច្បាប់ជាច្រើនរួមមាន សាច់មងក្រឡាល្អិតចំនួន៣៥០០ម៉ែត្រ,បង្គោលដោតដីចងភ្ជាប់សាច់មងចំនួន៧០០ដើម,ឡុកចំនួន៦និងកូនត្រីពូជចម្រុះប្រមាណជា៥០គីឡូក្រាមផងដែរ។
ប្រភពខាងលើបន្ថែមថា ក្រោយការបង្ក្រាបបានវត្ថុតាងខុសច្បាប់ទាំងអស់ត្រូវបានកម្លាំងបង្ក្រាបរៀបចំដុតកម្ទេចចោលនៅនឹងកន្លែងចំណែកឯពូជកូនត្រីចម្រុះបានលែងចូលក្នុងទឹកវិញដើម្បីអភិរក្សទុកសម្រាប់បន្តពូជថែមទៀត។
បើទោះបី យ៉ាងណាក្នុងសកម្មភាពរបស់សមត្ថកិច្ចនេះប្រជានេសាទក៏ដូចជាមហាជនបានសាទរនិងបន្ថែមនូវសំណូមពរថាករណីបំផ្លាញមច្ឆាជាតិដោយប្រើឧបករណ៍ខុសច្បាប់របស់ឈ្មួញឬបក្សពួកនិយមនេះគួរសមត្ថកិច្ចធ្វើការបង្ក្រាបឲ្យបានយ៉ាងហោចណាស់១ខែម្តង បើសិនជាបានប្រភពពីប្រជានេសាទឬមានកម្លាំងចុះស្រាវជ្រាវស៊ើបអង្កេតផ្ទាល់ជាការប្រសើរជាពិសេសលោកអភិបាលខេត្តថ្មីគួរផ្តោតលើបញ្ហានេះ ដើម្បីអភិរក្សពូជមច្ឆាជាតិឲ្យបានសម្បូរបែបនាថ្ងៃអនាគត៕
ដោយ ៖ សៅ សារិទ្ធ
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ១ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស