Connect with us

ព័ត៌មានជាតិ

នគរបាល​ទេសចរណ៍ដាក់​ផែនការ​ ពង្រឹង​សន្តិសុខ​ជូន​ភ្ញៀវ​​ដើរ​កម្សាន្ត​ក្នុង​រាជធានី​

បានផុស

នៅ

នគរបាល​ទេសចរណ៍​នៃ​ស្នងការដ្ឋាន​នគរបាល​រាជធានី​ភ្នំពេញ​ បាន​ដាក់​ផែនការ​ការពារ​ពង្រឹង​សន្តិសុខ​ រក្សា​សណ្តាប់ធ្នាប់​ ជូន​ភ្ញៀវ​ទេសចរ​ជាតិ​ និង​អន្តរជាតិ​ធ្វើ​ដំណើរ​កម្សាន្ត​ក្នុង​រាជធានី​ភ្នំពេញ ​ឱ្យ​បាន​សុខ​សុវត្ថិភាព។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាក់ផែនការពង្រឹងសន្តិសុខជូនភ្ញៀវទេសចរនេះ បានធ្វើឡើងបន្ទាប់ពី​ប្រមុខ​រាជរដ្ឋាភិបាល​កម្ពុជា​ សម្តេច​តេ​ជោ​នាយក​រដ្ឋមន្ត្រី​ ហ៊ុន​ សែន​ បាន​ប្រកាស​នៅ​ព្រឹក​ថ្ងៃ​ទី​០១​ ខែវិច្ឆិកា​ ឆ្នាំ​២០២១​ ឱ្យ​បើក​ប្រទេស​ដំណើរការ​គ្រប់​វិស័យ​ពេញលេញ​ឡើង​វិញ​ បន្ទាប់​ពី​ព្រះរាជា​ណា​ច​កម្ពុជា​ក្នុង​រយៈពេល​ចុង​ក្រោយ​នេះ​មាន​ស្ថានភាព​នៃ​ការ​ឆ្លង​ជំងឺ​កូ​វី​ដ​-១៩​ ត្រូវ​បាន​បង្ការ​ទប់ស្កាត់​បាន​ល្អ​ នាំ​ឱ្យ​ជំងឺ​កូ​វី​ដ​-១៩​ មាន​សភាព​ធូរស្បើយ​បាន​ច្រើន​។​

ថ្លែងនៅក្នុងកិច្ចប្រជុំ​ នៅ​ថ្ងៃ​ទី​០១ ខែ​វិច្ឆិកា ​លោក​ឧត្តមសេនីយ៍ត្រី​ លី​ ប៊ុ​ន​អេ​ង​ ស្នងការ​រង​ ទទួល​ជំនួយ​ដឹកនាំ​ការិយាល័យ​នគរបាល​ទេសចរណ៍​ ​បាន​លើក​ឡើង​​ថា​ ប្រទេស​កម្ពុជា​បើក​ដំណើរការ​គ្រប់​វិស័យ​ឡើង​វិញ​ បាន​ជំរុញ​ឱ្យ​កម្លាំង​នៃ​ការិយាល័យ​នគរបាល​ទេសចរណ៍​ត្រូវ​ចាប់ផ្តើម​ចេញ​ការពារ​ និង​ពង្រឹង​សន្តិសុខ​ ថែរក្សា​សណ្តាប់ធ្នាប់​ឱ្យ​បាន​គត់មត់​ នៅ​គោលដៅ​ដែល​មាន​ភ្ញៀវ​ទេសចរ​ជាតិ​ និង​អន្តរជាតិ​ពេញ​និយម​ទៅ​ដើរ​លេង​កម្សាន្ត​នៅ​ក្នុង​រាជធានី​ភ្នំពេញ​ដើម្បី​ធ្វើ​យ៉ាងណា​ធានា​ឱ្យ​បាន​សុខ​សុវត្ថិភាព​គ្រប់គ្រាន់​ជូន​ភ្ញៀវ​ទេសចរ​។

លោកឧត្តមសេនីយ៍ត្រី លី ប៊ុនអេង បានណែនាំឱ្យមន្ត្រីនគរបាលទេសចរណ៍ ត្រូវពង្រឹង​យកចិត្តទុកដាក់​តាម​គោលដៅ​រមណីយដ្ឋាន​ប្រវត្តិសាស្ត្រ​វត្ត​ភ្នំ​ ផែ​ទូក​ទេសចរណ៍​ និង​ផ្សា​រាត្រី​​ គោលដៅ​ព្រះ​គម្លង់​​ គោលដៅ​ខាង​មុខ​ព្រះ​បរមរាជវាំង​​ មជ្ឈមណ្ឌល​ជើងឯក​​ គោលដៅ​មណ្ឌល​ព័ត៌មាន​ចុង​ក្រោយ​ និង​គោលដៅ​វិមាន​ឯករាជ្យ​ ដែល​គោលដៅ​ទេសចរណ៍​កម្សាន្ត​ទាំងនេះ​ជា​គោលដៅ​សំខាន់​មាន​ភ្ញៀវ​ទេសចរ​មក​កម្សាន្ត​លេង​។​

លោក​ឧត្តមសេនីយ៍​ស្នងការ​រង​ ក៏​បាន​លើក​ឡើង​ណែនាំ​ដល់​លោក​ ​លោកស្រី​នាយ​ នាយ​រង​ការិយាល័យ​ និង​មន្ត្រី​នៃ​ការិយាល័យ​នគរបាល​ទេសចរណ៍​ត្រូវ​សហការ​ឱ្យ​បាន​ល្អ​ជាមួយនឹង​អាជ្ញាធរ​សមត្ថកិច្ច​ពាក់ព័ន្ធ​នៅ​តាម​បណ្តា​ខណ្ឌ​នានា​ក្នុង​តំបន់​កម្សាន្ត​ខាងលើ​ ដើម្បី​ដាក់​ចេញ​នូវ​វិធានការ​បង្ការ​ទប់ស្កាត់​បទល្មើស​ផ្សេង​ឱ្យ​មាន​ប្រសិទ្ធភាព​ និង​ចេញ​ដោះស្រាយ​ឱ្យទាន់​ពេលវេលា​នៅ​ពេល​កើតឡើង​នូវ​បញ្ហា​ណាមួយ​ចំពោះ​ភ្ញៀវ​ទេសចរ​។​

ជាមួយគ្នានេះដែរ​ត្រូវ​រង់ចាំ​ទទួល​ពាក្យបណ្តឹង​ផ្ទាល់មាត់​ពី​ភ្ញៀវ​ទេសចរ​ដែល​កើតឡើង​បាតុភាព​ផ្សេងៗ​ ដើម្បី​ចេញអន្តរាគមន៍​ ស្រាវជ្រាវ​ស្វែងរក​បង្ក្រាប​ចាប់ខ្លួន​ចំពោះ​ជន​ណា​ដែល​បង្ក​ប៉ះពាល់​ដល់​ភ្ញៀវ​ទេសចរ​,​ ការ​រៀបចំ​សណ្តាប់ធ្នាប់​ចរាចរណ៍​ជុំវិញ​គោលដៅ​ឈរជើង​ឱ្យ​បាន​ល្អ​សម្រួល​ដល់​ភ្ញៀវ​ទេសចរ​ដើរ​កម្សាន្ត​,​ សហការ​ត្រួតពិនិត្យ​ចំពោះ​ម​គ្គុទេសចរណ៍​ដែល​មិន​អនុវត្ត​តាម​ការ​ណែនាំ​របស់​ក្រសួងទេសចរណ៍​, ​ជួយ​ផ្តល់​ព័ត៌មាន​ចង្អុល​បង្ហាញផ្លូវ​ចំពោះ​ភ្ញៀវ​ទេសចរ​ ជាដើម​នោះ​។​

លោក​ឧត្តមសេនីយ៍ត្រី​ លី​ ប៊ុ​ន​អេ​ង​ ស្នងការ​រង​ ក៏​បាន​លើក​ឡើង​ទៀត​ថា​ ក្រៅពី​កម្លាំង​ដាក់​ពង្រាយ​ការ​គោលដៅ​ឈរជើង​ ក៏​ត្រួ​វ​ប្រើប្រាស់​កម្លាំង​ចេញ​ល្បាត​ត្រួតពិនិត្យ​ទៅ​លើ​គោលដៅ​កម្សាន្ត​នោះ​ផង​ដែរ​ ជាមួយ​ការ​ប្រើប្រាស់​មធ្យោបាយ​ម៉ូតូ​ និង​រថយន្ត​ក្នុង​ការ​ចេញ​ល្បាត​ដើម្បី​ចាត់វិធានការ​ទប់ស្កាត់​ និង​បង្ក្រាប​រាល់​សកម្មភាព​ប៉ះពាល់​សុវត្ថិភាព​ដល់​ភ្ញៀវ​ទេសចរ​៕

​អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៥ នាទី មុន

សេចក្តីជូន​ដំណឹង​ស្តី​ពី​ការ​អញ្ជើញ​ចូល​រួម​ពិគ្រោះ​ថ្លៃ​ការផ្គត់ផ្គង់​សម្ភារៈ​ការិយាល័យ​របស់​មន្ទីរ​រៀប​ចំ​ដែន​ដី​នគរូបនីយកម្ម​ សំណង់​ និង​សុរិយោដី​ខេត្តបាត់ដំបង

ព័ត៌មានជាតិ១៦ នាទី មុន

ទេសរដ្ឋមន្ត្រី លី ធុជ ៖ គោលដៅ​កម្ពុជា​គ្មាន​មីន​ឆ្នាំ ២០២៥ គឺជា​គោលដៅ​ដែល​អាច​សម្រេចបាន

ព័ត៌មានជាតិ៥៦ នាទី មុន

មាន​ប្រជាពលរដ្ឋ​នៅ​ទ្វីបអឺរ៉ុប​ប្រមាណ​១៧០០​នាក់​កំពុង​រង់ចាំ​ទទួល​សម្ដេច​តេ​ជោ ហ៊ុន សែន នៅ​ប្រទេស​ស្វី​ស

វប្បធម៌ ជំនឿ១ ម៉ោង មុន

យល់សប្តិឃើញឪពុកស្លាប់ មានន័យយ៉ាងណា?

ព័ត៌មានជាតិ២ ម៉ោង មុន

សម្តេច​តេ​ជោ ហ៊ុន សែន ៖ ការ​ចាក់​វាក់​សាំង​ដូ​ស​ជំរុញ​ទី​៥ នឹង​ចាប់ផ្ដើម​ពីថ្ងៃ​ទី​០៩ ខែមិថុនា តទៅ

Sokha Hotels

ព័ត៌មានពេញនិយម