Connect with us

ព័ត៌មានជាតិ

សម្ដេចតេជោ ហ៊ុន សែន ប្រកាសថា បន្តិចទៀត កម្ពុជានឹងមានលទ្ធភាពផ្គត់ផ្គង់ វ៉ាក់សាំងបង្ការជំងឺកូវីដ ដោយខ្លួនឯង

បានផុស

នៅ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា នាពេលខាងមុខ ប្រទេសកម្ពុជា នឹងមាន​លទ្ធភាពផ្គត់ផ្គង់ វ៉ាក់សាំងបង្ការជំងឺកូវីដ-១៩ ដោយខ្លួនឯង នៅពេលដែលរោងចក្រផលិតវ៉ាក់សាំង ត្រូវបានបង្កើតនាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោនាយករដ្ឋមន្ត្រី មានប្រសាសន៍ក្នុងពិធីសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ១១ និងសាងសង់គន្លងផ្លូវថ្មីវាងក្រុងព្រៃវែង នាព្រឹកថ្ងៃទី ៦ ខែធ្នូនេះថា គម្រោងបង្កើតរោងចក្រផលិតវ៉ាក់សាំងបង្ការជំងឺកូវីដ-១៩ នៅក្នុងប្រទេសកម្ពុជា ត្រូវបានគាំទ្រទាំងខាងរដ្ឋាភិបាលចិន និងក្រុមហ៊ុនផលិតវ៉ាក់សាំងរបស់ចិនផងដែរ។ ក្នុងនោះក្រុមហ៊ុនរបស់ចិន និងក្រុមហ៊ុននៅក្នុងប្រទេសកម្ពុជា បានចុះហត្ថលេខាជាមួយគ្នា ដើម្បីធ្វើកិច្ចការនេះហើយ។

សម្ដេចតេជោ ហ៊ុន សែន មានប្រសាសន៍ថា៖ “អ៊ីចឹងបន្តិចទៀត កង្វះវ៉ាក់សាំង ដែលយើងកំពុងតែកង្វល់ យើងនឹងមានវ៉ាក់សាំងផ្គត់ផ្គង់ខ្លួនឯង ប៉ុន្តែក៏ត្រូវត្រៀមលុយទិញដែរណា៎ មិនមែនទៅយកទទេមកទេ សុំប្រាប់ឱ្យហើយ។ គ្រាន់តែយើងធានាថា មានវ៉ាក់សាំងផលិតនៅក្នុងទឹកដីរបស់យើង ដែលយើងអាចទិញយកមកប្រើប្រាស់ ទិញយកមកប្រើប្រាស់ ហើយអាចនឹងតម្លៃធូរជាង រាប់ទាំងមិនចាំបាច់ដឹកជញ្ជូន​ផ្លូវឆ្ងាយ ដែលយើងមាន”។

ជាមួយគ្នានេះ សម្ដេចតេជោ ហ៊ុន សែន បានលើកឡើងទៀតថា ជំងឺរាតត្បាតកូវីដ-១៩ មិនដឹងចប់នៅពេលណានោះទេ ហើយការចាក់វ៉ាក់សាំង នៅតែជាវិធានការគន្លឹះមួយដដែល។ លើសពីនេះទៀត សម្ដេច​តេជោនាយករដ្ឋមន្ត្រី បានបញ្ជាទៅក្រសួងសុខាភិបាល និងអាជ្ញាធរខេត្តនៅតាមព្រំដែន ត្រូវត្រួតពិនិត្យមើលថា តើ អាជ្ញាធរ និងសមត្ថកិច្ចនៅតាមព្រំដែនទាំងនោះ បានចាក់វ៉ាក់សាំងបង្ការជំងឺកូវីដ-១៩ ដូសទី៣ រួចហើយឬនៅ? បើពួកគេមិនទាន់បានចាក់នោះទេ ត្រូវចាក់ឱ្យពួកគេជាបន្ទាន់ ដើម្បីទប់ស្កាត់ការឆ្លង និងការស្លាប់នៃជំងឺរាតត្បាតមួយនេះ។

សូមជម្រាបថា សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើទៅថ្នាក់ដឹកនាំនៃរដ្ឋាភិបាល​ចិន បង្កើតរោងចក្រផលិតវ៉ាក់សាំងបង្ការជំងឺកូវីដ-១៩ នៅក្នុងប្រទេសកម្ពុជា ដើម្បីឱ្យកម្ពុជាមានលទ្ធភាពផ្គត់ផ្គង់វ៉ាក់សាំងខ្លួនឯងបានគ្រប់គ្រាន់ និងអាចនាំចេញទៅក្រៅប្រទេសផងដែរ។ សម្ដេចតេជោ​ ហ៊ុន សែន ធ្លាប់បានលើកឡើងថា ប្រទេសកម្ពុជា នឹងផលិតវ៉ាក់សាំងចិន ប្រភេទស៊ីណូវ៉ាក់ ដែល​បាន និងកំពុងប្រើប្រាស់ នៅក្នុងប្រទេសរួចស្រាប់ហើយនោះ៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

គម្រោងស្ថាបនាផ្លូវក្រវាត់ក្រុងទី៣ គិតរហូតមកទល់ពេលនេះ សម្រេចវឌ្ឍនភាពការងារបាន ៧៣,៧០%ហើយ

KPT+៣ ម៉ោង មុន

នេះជាការពិត ដែលពិធីបុណ្យប្រពៃណីឥណ្ឌា មានអ្នកចាក់ទម្លុះម្ជុលពេញដងខ្លួន មិនខ្លាចឈឺ

កីឡា៣ ម៉ោង មុន

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

ព័ត៌មានជាតិ៣ ម៉ោង មុន

៥​ឆ្នាំ​ចុង​ក្រោយនេះ ខេត្ត​ព្រះសីហនុ​សម្រេចបាន​សមិទ្ធ​ផល គួរ​ជាទី​មោទនៈ ធ្វើ​ឲ្យ​ខេត្ត​មួយ​នេះ ប្រែ​មុខមាត់​កាន់តែ​ល្អ​ប្រសើរ​ឡើង

ព័ត៌មានជាតិ៣ ម៉ោង មុន

តំណាង​បក្ស​ប្រជាជន ជួប​សន្ទនា​ជាមួយ​ប្រតិភូ​សហភាព​អឺរ៉ុប ដើម្បី​ផ្លាស់ប្ដូរ​បទ ពិសោធន៍ នៃ​យុទ្ធនាការ​ឃោសនាបោះឆ្នោត​

Sokha Hotels

ព័ត៌មានពេញនិយម