Connect with us

ព័ត៌មានជាតិ

អាជ្ញាធរខេត្តកំពង់ចាម បើកការដ្ឋានសាងសង់វិមានឯករាជ្យថ្មីដែលនឹងចេញជារូបរាងនៅក្នុងឆ្នាំ២០២២

បានផុស

នៅ

រដ្ឋបាលខេត្តកំពង់ចាម បានចាប់ផ្តើមបើកការដ្ឋានសាងសង់វិមានឯករាជ្យថ្មីស្រឡាងជាលើកដំបូងហើយនាព្រឹកថ្ងៃទី០៦ ខែធ្នូ ឆ្នាំ២០២១ នេះ។ វិមានឯករាជ្យថ្មីនេះ ស្ថិតនៅក្នុងភូមិទី៦ សង្កាត់វាលវង់ ក្រុងកំពង់ចាម ខេត្តកំពង់ចាម ហើយគ្រោងនឹងបញ្ចប់ការសាងសង់នៅចុងឆ្នាំ២០២២ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីក្រុងពាលីបើកការដ្ឋានសាងសង់វិមានឯករាជ្យនេះ លោក អ៊ុន ចាន់ដា អភិបាលខេត្តកំពង់ចាម បានមានប្រសាសន៍ថា គម្រោងសាងសង់វិមានឯករាជ្យនេះ គឺប្រើប្រាស់រយៈពេល១ឆ្នាំ។ លោក បានបន្តថា នៅថ្ងៃទី០៩ វិច្ឆិកា ដែលជាថ្ងៃរំឮកខួបអនុស្សាវរីយ៍បុណ្យឯករាជ្យជាតិសម្រាប់ឆ្នាំ២០២២ រដ្ឋបាលខេត្តកំពង់ចាមនឹងយកថ្ងៃនោះ ដើម្បីសម្ពោធដាក់នូវសមិទ្ធផលថ្មីនេះតែម្តង។

លោកអភិបាលខេត្ត បានបញ្ជាក់ថា៖ «ជាការពិតណាស់ ពីមុនមកខេត្តកំពង់ចាមយើង ពុំទាន់មានវិមានឯករាជ្យសម្រាប់ការប្រារព្ធខួបអនុស្សាវរីយ៍ បុណ្យឯករាជ្យជាតិ នៅឡើយទេ ។ ដូច្នេះ ការកសាងនូវវិមានឯករាជ្យនេះ ពិតជាមានសារៈសំខាន់ គឺដើម្បីរំលេចនូវស្នាព្រះហស្ថជាប្រវត្តិសាស្ត្រនៃការអបអរសាទរនូវបុណ្យឯករាជ្យជាតិ ក្រោមព្រះរាជបូនីយដ្ឋានប្រវត្តិសាស្ត្រ ក្រោមការដឹកនាំដ៏ខ្ពង់ខ្ពស់របស់ព្រះបរមរតនកោដិ ព្រះបាទ នរោត្ដម សីហនុ ដែលបានទាមទារឯករាជ្យ ពីអាណានិគមនិយមបារាំង នាថ្ងៃ០៩ វិច្ឆិកា ឆ្នាំ១៩៥៣ »។

បើតាមលោកអភិបាលខេត្តកំពង់ចាម ការកសាងសង់សំណង់ប្រវត្តិសាស្ត្រនេះ ក៏ជាផ្នែកមួយនៃការបន្សល់ទុកនូវស្នាដៃប្រវត្តិសាស្ត្រជូនដល់ប្រជាពលរដ្ឋ ក៏ដូចជា កូនចៅជំនាន់ក្រោយៗបន្តទៀតផងដែរ។ ទន្ទឹមនឹងនេះ សំណង់វិមានឯករាជ្យនេះ ក៏បានចូលរួមចំណែកក្នុងការលើកកម្ពស់សោភ័ណ្ឌភាពក្រុងកំពង់ចាម និងការទាក់ទាញភ្ញៀវទេសចរណ៍ជាតិ-អន្តរជាតិ ពេលមកលេងកម្សាន្តក្នុងទឹកដីខេត្តកំពង់ចាម ក៏ដូចជា ការចូលរួមប្រឡងប្រណាំងចលនាទីក្រុងស្អាតនាឆ្នាំបន្តបន្ទាប់ខាងមុខនេះ។

សូមបញ្ជាក់ថា ទីតាំងដែលអាជ្ញាធរខេត្តកំពង់ចាមសម្រេចសាងសង់វិមានឯករាជ្យនាពេលនេះ គឺស្ថិតនៅចំណុចផ្លូវកៅស៊ូ ខាងមុខច្រកចូលទៅកាន់សាលាគរុកោសល្យ ខេត្តកំពង់ចាម។ អាជ្ញាធរ បានសាងសង់ពង្រីកផ្លូវឱ្យធំទូលាយនៅចំណុចរង្វង់មូលជុំវិញវិមានឯករាជ្យនេះ រួមទាំង ការពង្រីកផ្លូវបន្ថែមចាប់ពីចំណុ​ច​រង្វង់មូលនាគព័ន្ធ រហូតមកដល់ចំណុចទន្លេអុំ។ លោកអភិបាលខេត្ត អ៊ុន ចាន់ដា បានបញ្ជាក់ថា  ដើម្បីសម្រួលដល់កិច្ចដំណើរការនៃការដ្ឋាន អាជ្ញាធរក៏បានផ្អាកការចរាចរណ៍ជាបណ្ដោះអាសន្នត្រង់ចំណុចកំណាត់ផ្លូវលេខ ៧ចាស់មួយរយៈសិន ដោយបង្វែទិសចរាចរណ៍តាមផ្លូវលេខ ៧ ថ្មី ឬវាងតាមទន្លេអ៊ុំវិញ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១០ នាទី មុន

ពលរដ្ឋនៅខណ្ឌព្រែកព្នៅ បាត់កិច្ចសន្យាទិញលក់ដីធ្លី និងផ្ទះសម្បែងច្បាប់ដើម ១ កន្លែង និងមិនទទួលខុសត្រូវចំពោះអ្នករើសបានយកទៅប្រើប្រាស់ខុសច្បាប់

សេចក្ដីជូនដំណឹង២១ នាទី មុន

សាខាក្រុមហ៊ុន ថៃ សាមសុង អេឡិចត្រូនិក ប្រចាំប្រទេសកម្ពុជា ផ្ដល់ការគាំទ្រយ៉ាងមុតមាំដល់កីឡាតេក្វាន់ដូ

ព័ត៌មានអន្ដរជាតិ៤០ នាទី មុន

រុស្ស៊ី បញ្ជាឲ្យយោធាបង្កើនប្រតិបត្តិការខ្លាំងឡើងៗនៅ អ៊ុយក្រែន

ព័ត៌មានជាតិ៤៧ នាទី មុន

សន្និបាតគណបក្សប្រជាជន៖ ជោគជ័យនៃការបោះឆ្នោតឃុំសង្កាត់ ឆ្លុះបញ្ចាំងពីភាពចាស់ទុំនៃដំណើរការប្រជាធិបតេយ្យនៅកម្ពុជា

ព័ត៌មានជាតិ៥០ នាទី មុន

ក្រៅ​ពី​សាលា​វត្ត​បូព៌ល្បី​ដល់​ក្រៅ​ប្រទេស ​ដឹង​នៅ​ក្រុង​សៀមរាប​ មាន​វិទ្យាល័យ​ប៉ុន្មាន​កន្លែង?

Sokha Hotels

ព័ត៌មានពេញនិយម