ព័ត៌មានជាតិ
ក្រុមប្រឹក្សាខេត្តកំពង់ឆ្នាំង បើកកិច្ចប្រជុំលើកពីវឌ្ឍនភាពខេត្ត និងការទន្ទ្រានដីព្រៃលិចទឹក
កិច្ចប្រជុំក្រុមប្រឹក្សាខេត្តលើកទី ៣០ អាណត្តិទី៣ ត្រូវបានធ្វើឡើងនៅថ្ងៃទី ៧ ខែធ្នូ ឆ្នាំ២០២១ ក្រោមវត្តមានលោក ឡុង ឈុនឡៃ ប្រធានក្រុមប្រឹក្សាខេត្ត និងលោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង។
លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានលើកឡើងអំពីវឌ្ឍនភាពនៃកិច្ចអភិវឌ្ឍន៍របស់ខេត្តកំពង់ឆ្នាំង ហេ ដ្ឋារចនាសម្ព័ន្ធ បរិស្ថាន ទេសចរណ៍ និងសួនកំសាន្តនៅក្នុងក្រុងកំពង់ឆ្នាំង។
នៅចុងក្រោយនេះអាជ្ញាធរសហការជាមួយក្រសួងពាក់ព័ន្ធចុះអនុវត្តបទបញ្ជារបស់រាជរដ្ឋាភិបាលក្នុងការទប់ស្កាត់បង្រ្កាបការកាប់រានដីព្រៃលិចទឹក ក្នុងភូមិសាស្រ្តខេត្តកំពង់ឆ្នាំង ដើម្បីធ្វើការដកហូតមកជារបស់រដ្ឋវិញ។
លោកបានបញ្ជាក់ទៀតថា នៅខេត្តកំពង់ឆ្នាំងដីព្រៃលិចទឹកស្ថិត នៅក្នុងតំបន់៣ បានរងការកាប់បំផ្លាញពីជនខិលខូចមានប្រមាណជាង ២០០០ហិកតានៅក្នុងស្រុកកំពង់លែង បានដកហូតយកមករក្សាទុកជាសម្បត្តិរដ្ឋ។
ក្រោយពីធ្វើការដកហូត អាជ្ញាធរខេត្តកំពង់ឆ្នាំង បានធ្វើការដាំកូនឈើព្រៃលិចទឹកសារជាថ្មីឡើងវិញលើតំបន់រិចរិលដែលរងរការកាប់បំផ្លាញ នាពេលនេះអាជ្ញាធរខេត្តបានដាក់កម្លាំងការ ពារយ៉ាងរឹងមាំ មិនឱ្យមានការកាប់បំផ្លាញសារជាថ្មីទៀតនោះទេ។
ចំពោះយុទ្ធនាការដោះស្រាយទំនាស់ និងសំណូមពរប្រជាពលរដ្ឋក្នុងខេត្តកំពង់ឆ្នាំង បានដំណើរការល្អ ក្រុមការងារទទួលខុសត្រូវនៅគ្រប់ក្រុងស្រុក បានបំពេញបេសកកម្មនេះទទួលបានជោគជ័យប្រជាពល រដ្ឋបានសំដែងនូវការគាំទ្រពេញទំហឹង ចំពោះយុទ្ធនាការនេះ ដោយបានដោះស្រាយនិងសម្របសម្រួលដោយឈរលើមូលដ្ឋានឈ្នះឈ្នះទាំងអស់គ្នា។
លោក ឡុង ឈុនឡៃ ប្រធានក្រុមប្រឹក្សាខេត្ត បានថ្លែងនូវការកោតសរសើរចំពោះលទ្ធផលសកម្មភាពការងារ ដែលរដ្ឋបាលខេត្ត បានអនុវត្តកន្លងមកនេះ ដែលមានភាពប្រសើរ ប្រជាពលរដ្ឋរស់នៅដោយមានសន្តិសុខ សុវត្ថិភាព មានជីវភាពល្អប្រសើរ។
លោកប្រធានក្រុមប្រឹក្សាខេត្ត ក៏បានជំរុញដល់មន្ទីរអង្គភាពជំនាញ និងអាជ្ញាធរមូលដ្ឋាន ទាំងអស់ត្រូវបន្តយកចិត្តទុកដាក់ថែរក្សាការពារនូវធនធានធម្មជាតិ ដែលមានស្រាប់ក្នុងមូលដ្ឋានរបស់ខ្លួនដើម្បីធានាដល់និរន្តរភាពធន ធានធម្មជាតិ ដោយពង្រឹងការអនុវត្តច្បាប់ឱ្យបានម៉ឹងម៉ាត់បំផុត ចំពោះជនខិលខូចដែលរំលោភបំពានដល់ដីព្រៃលិចទឹកក្នុងតំបន់៣ ក្នុងមូល ដ្ឋានទទួលខុសត្រូវរបស់ខ្លួន។
បើតាមប្រធានក្រុមប្រឹក្សាខេត្តរូបនេះ ដើម្បីបង្កើនល្បឿននៃការអភិវឌ្ឍរបស់ខេត្តបន្ថែម គឺអាស្រ័យទៅលើ គណៈអភិបាលខេត្ត និងក្រុមប្រឹក្សាខេត្តរួមគ្នាគិត រួមគ្នាធ្វើ រួមគ្នាទទួលខុសត្រូវអំពីកិច្ចដំណើរការនានារបស់រដ្ឋបាលខេត្ត ដោយរកចំណុចរួមមួ យដើម្បីឆ្លើយតបបានតាមផែនការ និងស្របកម្មវិធីយុទ្ធសាស្រ្តចតុកោ ណដំណាក់កាលទី៤ របស់រាជរដ្ឋា ភិបាល ក្រោមការដឹកនាំរបស់សម្តេចអគ្គមហាសេនាបតីតេជោហ៊ុនសែន ជានាយករដ្ឋមន្រ្តីដ៏ឈ្លាសវៃ៕
អត្ថបទ៖ ឈៀងថារិទ្ធ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល