ព័ត៌មានជាតិ

កម្ពុជាកំពុងពិចារណាចាក់វ៉ាក់សាំងកូវីដ១៩ដល់កុមារអាយុចាប់ពី៣ឆ្នាំឡើងទៅ

បានផុស

៣ years មុន

នៅ

ថ្ងៃសុក្រ ១០ ធ្នូ ២០២១

ដោយ

កម្ពុជាកំពុងពិចារណាចាក់វ៉ាក់សាំងកូវីដ១៩ដល់កុមារអាយុចាប់ពី៣ឆ្នាំឡើងទៅ ដើម្បីឱ្យពួកគេបានចូលរៀនឡើវិញប្រកបដោយសុវត្តិភាព។

ថ្លែងក្នុងឱកាសទៅទទួលវ៉ាក់សាំងអាស្ត្រាហ្សេនេកានៅព្រឹកថ្ងៃទី១០ធ្នូនេះ នៅអាកាសយាន្ដដ្ឋានអន្តរជាតិភ្នំពេញ លោកស្រី យក់ សម្បត្តិ រដ្ឋលេខាធិការក្រសួងសុខាភិបាលបានមានប្រសាសន៍ថា «ខ្ញុំបានទទួលសារពីក្រុមហ៊ុនស៊ីណូវ៉ាក់មកថា បច្ចុប្បន្ននេះប្រជាជនចិនមានអាយុចាប់ពី៣ឆ្នាំឡើងទៅ បានចាប់ផ្តើមចាក់វ៉ាក់សាំងបង្ការជំងឺកូវីដ១៩ហើយ។ ដូច្នេះបន្តិចទៀតប្រមុខរដ្ឋាភិបាលកម្ពុជា បានណែនាំឱ្យគណៈកម្មការចំពោះកិច្ចចាក់វ៉ាក់សាំងជំងឺកូវី១៩ក្នុងក្របខណ្ឌទូទាំងប្រទេស និងក្រសួងសុខាភិបាលធ្វើការពិចារណានិងសិក្សាឱ្យបានច្បាស់លាស់ដើម្បីចាក់វ៉ាក់សាំងនេះដល់កុមារតូចៗបានចូលរៀនទទួលបានសុខសុវត្តិភាព»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា បច្ចុប្បន្ននេះកម្ពុជាបានចាក់វ៉ាក់សាំងបង្ការជំងឺកូវីដ១៩ដល់ក្រុមគោលដៅចំនួន៤ក្រុមទី១ក្រុមអាយុចាប់ពី១៨ឆ្នាំឡើងទៅ ទី២ក្រុមមនុស្សដែលមានអាយុចាប់ពី១២ឆ្នាំដល់អាយុ១៧ឆ្នាំ ទី៣ក្រុមមនុស្សមានអាយុពី ០៦ឆ្នាំ ដល់ក្រោម ១២ឆ្នាំ និងទី៤ក្រុមមនុស្សមានអាយុចាប់ពី៥ឆ្នាំដល់១២ឆ្នាំ។

យោងតាមរបាយការណ៍របស់គណៈកម្មការចំពោះកិច្ចចាក់វ៉ាក់សាំងជំងឺកូវី១៩ក្នុងក្របខណ្ឌទូទាំងប្រទេសបានឱ្យដឹងថា គិតត្រឹមថ្ងៃទី០៩ ខែឆ្នូ ឆ្នាំ២០២១កំណើនអត្រាចាក់វ៉ាក់សាំងកូវីដ-១៩ នៅកម្ពុជាលើប្រជាជនអាយុពី១៨ឆ្នាំឡើង មាន ១០១,១៥% ធៀបជាមួយចំនួនប្រជាជនគោលដៅ១០លាននាក់។ កុមារ-យុវវ័យអាយុពី១២ឆ្នាំ ទៅក្រោម១៨ឆ្នាំ មាន ៩៨,៨៨% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់។ កុមារអាយុពី ០៦ឆ្នាំដល់ក្រោម ១២ឆ្នាំ មាន ១០៤,៧៧% ធៀបជាមួយនឹងប្រជាជនគោលដៅ ១,៨៩៧,៣៨២ នាក់និងកុមារអាយុ ០៥ឆ្នាំ មាន ៩៣,៤៨% ធៀបជាមួយនឹងប្រជាជនគោលដៅ ៣០៤,៣១៧ នាក់។ ជាលទ្ធផលចាក់វ៉ាក់សាំងធៀបនឹងចំនួនប្រជាជនសរុប១៦លាននាក់ មាន៨៨,៧២% ៕

អត្ថបទ៖ សំអឿន

Related Topics:វ៉ាក់សាំងកូវីដ-១៩