ព័ត៌មានជាតិ

ឃាត់ខ្លួនជនជាតិកូរ៉េម្នាក់ មុនចាកចេញពីកម្ពុជាថ្ងៃ០៨ខែធ្នូនេះ

បានផុស

៦ years មុន

នៅ

ថ្ងៃអង្គារ ៨ ធ្នូ ២០២០

ដោយ

បុរសជនជាតិកូរ៉េម្នាក់ ត្រូវបានសមត្ថកិច្ចអាវុធហត្ថរាជធានីចាប់ដាក់ខ្នោះ បញ្ជូនមកសាលាដំបូងមុនពេលជនសង្ស័យចាកចេញពីប្រទេសកម្ពុជានាថ្ងៃទី០៨ ខែធ្នូ ឆ្នាំ២០២០នេះ។

ជនសង្ស័យ ដែលត្រូវចាប់ខ្លួនឈ្មោះ Kim Taeh yeon ភេទប្រុស អាយុ៤៨ឆ្នាំ ជនជាតិកូរ៉េ ជាពាណិជ្ជករ ស្នាក់នៅផ្ទះលេខ ៣០C ផ្លូវលេខ ១៩៥៦ បុរីលឹមឈាងហាក់ សង្កាត់ភ្នំពេញថ្មី ខណ្ឌសែនសុខ និងសណ្ឋាគារខាំបូឌីយ៉ាណា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមអង្គហេតុនៃរឿងលោក Kim Taeh yeon ត្រូវបានចោទប្រកាន់ពីបទ « រំលោភលើទំនុកចិត្ត» ប្រព្រឹត្តក្នុងរាជធានីភ្នំពេញ កាលពីអំឡុងឆ្នាំ២០១៩ តាមមាត្រា ៣៩១ មាត្រា៣៩២នៃក្រមព្រហ្មទណ្ឌ។ ប្រភពព័ត៌មានពីសាលាដំបូងបានឲ្យដឹងថា មូលហេតុដែលតុលាការបញ្ជាឲ្យឃាត់ខ្លួនលោក Kim Taeh yeon គឺយោងតាមចម្លើយសារភាពរបស់ជនជាតិកូរ៉េម្នាក់ទៀត ឈ្មោះ Kwon seok young ភេទប្រុស អាយុ៦០ឆ្នាំ ដែលត្រូវបានចោទប្រកាន់ក្នុងបទល្មើសដូចគ្នានេះ ដែលបានបញ្ជាក់ថា លោក Kim Taeh yeon នឹងចាកចេញពីប្រទេសកម្ពុជានៅថ្ងៃទី០៨ ខែធ្នូ ឆ្នាំ២០២០នេះ ទើបលោក ឌុច សុខសារិន ជាអនុប្រធានសាលាដំបូងនិងជាចៅក្រមស៊ើបសួរក្នុងសំណុំរឿង បានចេញដីកាបបង្គាប់ឲ្យនាំខ្លួនលោក Kim Taeh yeon មកតុលាការនៅថ្ងៃទី០៨ ខែធ្នូ ឆ្នាំ២០២០នេះ ដើម្បីធ្វើការសាកសួរ មុនពេលគាត់ចាកចេញ៕

អត្ថបទ៖ មករា

សូមចុចអាន៖ ខ្មឹប ប្រុងលោតទឹកសម្លាប់ខ្លួន ដោយសារវិបត្តិផ្លូវចិត្ត

Related Topics:កម្ពុជា-កូរ៉េខាងត្បូង