ព័ត៌មានជាតិ
បេក្ខជនប្រឡងបាក់ឌុបពីរនាក់វិជ្ជមានកូវីដ១៩ ទទួលបានវិញ្ញាសាប្រឡងនៅកន្លែងព្យាបាល
ក្រសួងអប់រំ យុវជន និងកីឡាបានបញ្ជួនមន្ត្រីយកវិញ្ញាសាប្រឡងបាក់ឌុបទៅឱ្យបេក្ខជនចំនួន ២នាក់ ដែលវិជ្ជមានជំងឺកូវីដ១៩ ដល់កន្លែងព្យាបាល ដើម្បីឱ្យពួកគេមានឱកាសបានចូលរួមប្រឡងដូចបេក្ខជនផ្សេងៗទៀតដែរ។
ថ្លែងនៅក្នុងពិធីបើកវិញ្ញាសារ នៅមណ្ឌលវិទ្យាល័យព្រះសីសុវត្តិ នៅព្រឹកថ្ងៃទី ២៧ ខែធ្នូនេះ លោក ហង់ ជួនណារ៉ុន រដ្ឋមន្ត្រី ក្រសួងអប់រំ យុវជន និងកីឡាបានឱ្យដឹងថា ក្រសួងបានបញ្ជួនប្រធាននាយកដ្ឋានកិច្ចការប្រឡងយកវិញ្ញាសាប្រឡងទៅឱ្យបេក្ខជនចំនួន ២នាក់ កំពុងសម្រាកព្យាបាលជំងឺកូវីដ១៩ នៅមជ្ឈមណ្ឌលជាតិកំចាត់រោគរបេង និងហង់សិនផ្ទាល់ បន្ទាប់ពីសម្តេចនាយករដ្ឋមន្ត្រីបានអនុញ្ញាតឱ្យបេក្ខជនប្រឡងដែលមានឆ្លងជំងឺកូវីដ១៩ អាចចូលរួមប្រឡងបានតែត្រូវដាក់ឱ្យប្រឡងដាច់ដោយឡែកពីបេក្ខជនផ្សេង។
លោករដ្ឋមន្ត្រីបានបន្តថា បេក្ខជន០២នោះជាកីឡាករការ៉ាត់តេដូ ដែលរដ្ឋាភិបាលបានបញ្ចូនទៅប្រកួតនៅប្រទេសកាហ្សាក់ស្តង់ ហើយទើបត្រឡប់មកដល់ប្រទេសកម្ពុជាកាលពីពេលថ្មីៗនេះត្រូវបានរកឃើញវិជ្ជមានកូវីដ-១៩ ក្នុងនោះមានកីឡាករម្នាក់មានឆ្លងជំងឺកូវីដ១៩ ប្រភេទអូមីក្រុង។
ថ្លែងក្នុងឱកាសអញ្ជើញទទួលវ៉ាក់សាំងបង្ការជំងឺកូវីដ១៩ Pfizer ជាជំនួយរបស់ប្រទេសអូស្ត្រាលីកាលពីយប់ថ្ងៃទី ២៦ ខែធ្នូ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានសម្រេចអនុញ្ញាតឲ្យសិស្សដែលមានជំងឺកូវីដ១៩ ហើយត្រូវប្រឡងបាក់ឌុបនៅថ្ងៃទី ២៧-២៨ ខែធ្នូ ឆ្នាំ២០២១ អាចប្រឡងបាន ប៉ុន្តែត្រូវប្រឡងដាច់ដោយឡែក ក្នុងមន្ទីរព្យាបាលតែម្តង។
សម្តេចតេជោ ហ៊ុន សែន បានថ្លែងយ៉ាងដូច្នេះថា «ថ្ងៃនេះខ្ញុំក៏បានដោះស្រាយករណី ដែលមុននេះអ្នកនាំពាក្យក្រសួងអប់រំ យុវជន និងកីឡា បានបញ្ជាក់ថា សិស្សដែលកើតកូវីដ គឺមិនអនុញ្ញាតឲ្យមានការចូលប្រឡង ខ្ញុំបានស្នើឲ្យមានការកែតម្រូវ ហើយអនុញ្ញាតឲ្យមានការចូលប្រឡង ក៏ប៉ុន្តែខ្ញុំក៏សុំស្នើកុំវិទ្យាល័យបាក់ទូកដែលមុននេះ គ្រូនៅវិទ្យាល័យបាក់ទូកមានការស្លន់ស្លោ យើងមិនយកសិស្សទាំង២រូបនេះ ដែលបានចេញទៅប្រកួតកីឡា ដោយមានការចាត់តាំងត្រឹមត្រូវពីក្រសួងអប់រំ យុវជន និងកីឡា ទៅធ្វើការប្រឡងនៅវិទ្យាល័យបាក់ទូកទេ ប៉ុន្តែយើងនឹងរៀបចំចាត់ចែងឲ្យមានការប្រឡងនៅមន្ទីរពេទ្យតែម្តង»។
លោករដ្ឋមន្ត្រីក្រសួងអប់រំលើកឡើងថា «យើងត្រូវថ្លឹងថ្លែងរវាងការការពារនិងអនាគតរបស់របស់សិស្ស។ អីចឹងបើឱ្យអ្នកកូវីដចូលមកប្រឡងជាមួយគេឯងដែរនាំឱ្យសិស្សនិងគ្រូមានការភ័យខ្លាច។ កត្តាមួយទៀតគឺគាត់ឈឺហើយមិនមែនគាត់ចង់ឈឺអីចឹងបើយើងដាក់បន្ទុកមួយទៀតដល់គាត់ឱ្យធ្លាក់ទៀតអីចឹងបន្ទុកពីរដងដូចនេះហើយបានជាសម្តេចនាយករដ្ឋមន្ត្រីបានដាក់បន្ថែមជាបញ្ជាមួយថាអនុញ្ញាតឱ្យបេក្ខជនឆ្លងកូវីដ១៩ប្រឡងបានតែត្រូវដាក់ដាច់ដោយឡែកពីគេ»។
លោករដ្ឋមន្ត្រីបានបន្ថែមទៀតថា ចំពោះករណីផ្សេងៗទៀតប្រសិនបើបេក្ខជនមានឆ្លងជំងឺកូវីដ១៩ ដូចករណីកីឡាករ២នាក់ក្រសួងនឹងរកវិធីដើម្បីការពារកុំឱ្យគាត់មកចូលរួមប្រឡងជាមួយគេផង និងអាចឱ្យគាត់ប្រឡងផង។
លោករដ្ឋមន្ត្រីបានឱ្យដឹងទៀតថាក្រោយដំណើរការសំណេរគណៈមេប្រយោគត្រូវប្រើស្រោមដៃក្នុងការវេចខ្ចប់សន្លឹកកិច្ចការបេក្ខជន។ដោយឡែកដុំសន្លឹកកិច្ចការដែលបានបញ្ចូលសន្លឹកកិច្ចការរបស់បេក្ខជនមានកម្ដៅលើសពី ៣៧,៥ អង្សាសេ និងបេក្ខជនដែលកំពុងស្ថិតក្នុង កំឡុងពេលចត្តាឡីស័ក និងមានឆ្លងជំងឺកូវីដ១៩ត្រូវវេចខ្ចប់ជាមួយថង់សុវត្ថិភាពដែលបានផ្តល់ជូន និងរម្ងាប់មេរោគផ្ទៃខាងក្រៅថង់ក្រោយពេលវេចខ្ចប់រួច។ លោករដ្ឋមន្ត្រីបានបញ្ជាក់ថា ចំពោះការកែវិញត្រូវកែដោយដាច់ដោយឡែកពីគេដែរដើម្បីការពារសុវត្តិភាព។
សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិ ត្រូវរៀបចំឡើងរយៈពេល២ថ្ងៃ គឺថ្ងៃទី ២៧-២៨ ខែធ្នូ ឆ្នាំ២០២១ ដោយមានមណ្ឌលប្រឡងសរុប ២០៤មណ្ឌល ត្រូវជា៤៦១៦បន្ទប់ បេក្ខជនចុះឈ្មោះប្រឡងសរុប ១១៤១៨៣ ស្រី៦០៣៩៧នាក់ គណៈមេប្រយោគ និងគណៈកម្មការនានាចូលរួមក្នុងដំណើរការប្រឡងមានចំនួន ៣១៤៣២នាក់៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ