Connect with us

ព័ត៌មានជាតិ

បាក់ឌុបឆ្នាំនេះ ៖ សហភាពសហព័ន្ធយុវជនកម្ពុជា ជួយរៀបចំកន្លែងផ្ញើកង់ ម៉ូតូដល់បេក្ខជនដោយឥតគិតថ្លៃ

បានផុស

នៅ

ក្រសួងអប់រំ យុវជន និងកីឡា បានថ្លែងអំណរគុណចំពោះសហភាពសហព័ន្ធយុវជនកម្ពុជា(ស.ស.យ.ក )និងអាជ្ញាធរដែនដីពាក់ព័ន្ធគ្រប់លំដាប់ថ្នាក់ ដែលបានជួយសម្របសម្រួលរៀបចំកន្លែងផ្ញើកង់ ម៉ូតូ ជូនដល់បេក្ខជនដោយឥតគិតថ្លៃ ក្នុងការប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា សម័យប្រឡងថ្ងៃទី២៧ ខែធ្នូ ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែក លោក ហ៊ុន​ម៉ានី ប្រធានសហភាពសហព័ន្ធយុវជនកម្ពុជាតាមរយៈទំព័រហ្វេប៊ុករបស់លោក ក៏បានថ្លែងអរគុណដល់សមាជិក សមាជិកានៃក្រុមគ្រួសារសហភាពសហព័ន្ធយុវជនកម្ពុជាទូទាំងប្រទេស ដែលបានចូលរួមបន្ថែមដល់ដំណើរការនៃការប្រឡងសញ្ញាបត្រមធ្យមសិក្សាទុតិយភូមិ ក៏ដូចជាសម្របសម្រួលសិស្សានុសិស្ស លោកគ្រូ អ្នកគ្រូ ឲ្យបានកាន់តែរលូន និងល្អប្រសើរជារៀងរាល់ឆ្នាំ។ លោក ហ៊ុន ម៉ានី បានមានប្រសាសន៍ថា៖«កាយវិការ និងទឹកចិត្តទាំងអស់នេះ បានសបញ្ជាក់ពីស្មារតីយកចិត្តទុកដាក់ ក៏ដូចជាការចូលរួមចំណែករបស់យើងក្នុងកិច្ចការសង្គមលើគ្រប់វិស័យ គ្រប់កាលៈទេសៈ និងគ្រប់ទីកន្លែង»។

ដោយឡែក លោក សាយ សំអាល ប្រធានសហភាពសហព័ន្ធយុវជនកម្ពុជារាជធានីភ្នំពេញវិញ បានមានប្រសាសន៍ពេលអមដំណើររដ្ឋមន្ត្រីអប់រំចុះបើកវិញ្ញាសាប្រឡងនៅមណ្ឌលវិទ្យាល័យព្រះសីសុវត្តិនៅព្រឹក ថ្ងៃទី២៧ ខែធ្នូនេះថា ក្នុងដំណើរការប្រឡងបាក់ឌុបនេះ ស.ស.យ.ក តែងតែចូលរួមបើកវគ្គបំប៉នដល់បេក្ខជនមុនពេលប្រឡងឱ្យពួកគាត់ទទួលបានចំណេះដឹងពេញលេញ ដើម្បីចូលរួមប្រឡងទទួលបានជោគជ័យ។ លោក បានបន្តថា ស.ស.យ.ក ក៏បានបញ្ជួនសមាជិកសហការជាមួយក្រសួងអប់រំ យុវជន និងកីឡាចូលរួមជាអ្នកសង្កេតការណ៍នៅក្នុងដំណើរការប្រឡងនេះផងដែរ។

សូមជម្រាបជូនបន្ថែមដែរថា សហភាពសហព័ន្ធយុវជនកម្ពុជា មិនត្រឹមតែបានជួយសម្របសម្រួលរៀបចំកន្លែងផ្ញើកង់ ម៉ូតូ ជូនដល់សិស្សានុសិស្ស និងលោកគ្រូ អ្នកគ្រូប៉ុណ្ណោះទេ តែថែមទាំងជួយផ្តល់ទឹកបរិសុទ្ធសម្រាប់បេក្ខជនទទួលទាន និងម៉ាស់ដោយឥតគិតថ្លៃនៅតាមបណ្តាខេត្តមួយចំនួនទៀតផង៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម