ព័ត៌មានជាតិ
បេក្ខជនជនជាតិដើមភាគតិច ខេត្តមណ្ឌលគិរី មានវត្តមានចូលប្រឡងបាក់ឌុប ១០០%
ប្រធានមន្ទីរអប់រំ យុវជន និងកីឡា បានឱ្យដឹងថា បេក្ខជនប្រឡងសញ្ញាបត្រមធ្យមសិក្សាទុតិយភូមិ ឆ្នាំ ២០២១ នៅខេត្តមណ្ឌលគិរី ក្នុងឆ្នាំ ២០២១ នេះ មានវត្តមាន ១០០% ខណៈ មានបេក្ខជន ៧ នាក់អវត្តមាន។
លោក ទឹម សង្វាត ប្រធានមន្ទីរអប់រំ យុវជន និងកីឡា ខេត្តមណ្ឌលគិរី មានប្រសាសន៍ប្រាប់ “កម្ពុជាថ្មី” នៅ រសៀលថ្ងៃទី ២៨ ខែធ្នូ នេះថា បេក្ខជនប្រឡងសញ្ញាបត្រមធ្យមសិក្សាទុតិយភូមិ ជាជនជាតិដើមភាគតិច ព្នង នៅខេត្តមណ្ឌលគិរី ១០០% គឺមានចំនួន ១៦៥ នាក់ ក្នុងនោះស្រី ៩២ នាក់ កំពុងមានវត្តមានក្នុងដំណើរការប្រឡងទាំងអស់។ ចំណែក បេក្ខជនអវត្តមានសរុបមានចំនួន ៧ នាក់ ក្នុងនោះ ស្ត្រី ៣ នាក់។
លោក ទឹម សង្វាត លើកឡើងថា ការប្រឡងនៅថ្ងៃទី២នេះ សភាពការណ៍មិនមានខុសប្លែកពីម្សិលមិញទេ ដោយអត់មានបេក្ខជនណាធ្វើខុសវិន័យការប្រឡងទេ គឺបេក្ខជនអនុវត្តតាមបទបញ្ជាបានល្អណាស់ នៅឆ្នាំនេះ។ លោកបញ្ជាក់បន្ថែមថា ក៏មិនមានបេក្ខជនមានកម្ដៅលើសដែរ គឺមានតែបេក្ខជន ២ នាក់ មានបញ្ហាសុខភាពបន្តិចបន្តួច ដូចជាខ្យល់ ឬវិលមុខ ប៉ុន្តែអាចបន្តដំណើរការប្រឡងបន្ទាប់ពី បានសម្រាក និងក្រុមគ្រូពេទ្យដាក់ខ្យល់អុកស៊ីសែន និងផ្ដល់ថ្នាំ។
លោក ទឹម សង្វាត មានប្រសាសន៍បន្តថា៖ “ខ្ញុំសូមសរសើរដោយស្មោះចំពោះបេក្ខជនឆ្នាំនេះ ជាយុវជនជំនាន់ថ្មី ដែលមានការខិតខំ ហើយស្មោះត្រង់ អត់មានការលួចលាក់សំណៅឯកសារអ្វីចូលបន្ទប់ប្រឡងទេ ដែលនេះជាភាពក្លាហាន ការជឿជាក់លើសមត្ថភាពខ្លួនឯងជាធំ។ ថ្វីដ្បិតកម្ពុជាជួបវិបត្តិកូវីដ-១៩ ពិតមែន ប៉ុន្តែបេក្ខជននៅតែរក្សាវិន័យបានល្អដដែល”។
គួរបញ្ជាក់ថា ដំណើរការប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជាសម្រាប់ខេត្តរតនគិរី នៅ ថ្ងៃទី ២៧ និង ២៨ ខែធ្នូ ឆ្នាំ ២០២១ នេះ បេក្ខជនសរុបមានចំនួន ៤៧៥ នាក់ មាន ស្រី ២៥៦ នាក់។ ចំណែកមណ្ឌលប្រឡងមានចំនួន ២ មណ្ឌល ស្ថិតនៅក្នុងទីរួមខេត្ត។ ក្នុងនោះមាន មណ្ឌលប្រឡង វិទ្យាល័យ ហ៊ុន សែន មណ្ឌលគិរី ខាងកើត ប្រើសម្រាប់ ថ្នាក់វិទ្យាសាស្រ្ដសង្គម ចំណែកខាងត្បូង ប្រើសម្រាប់ ថ្នាក់វិទ្យាសាស្ត្រពិត៕
អត្ថបទ៖ ច័ន្ទ វីរៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត