​មន្ត្រីកំណែ​ កំពុងមាញឹក​ ផ្ទៀងផ្ទាត់​ កាត់ក្បាល​សន្លឹកកិច្ចការ​ប្រឡង​បាក់ឌុប​

មន្ត្រីមណ្ឌលកំណែ និងសមាជិកគណៈកម្មការក្រុមមុខវិជ្ជា នៅតាមមណ្ឌលកំណែទាំង ១០ កំពុង​មាន​ភាពមមាញឹកក្នុងការរាប់ ពិនិត្យ ផ្ទៀងផ្ទាត់ ចុះអក្សរសម្ងាត់ និងកាត់ក្បាល​សន្លឹកកិច្ច​ការ​បេក្ខ​ជន ដើម្បីត្រៀមរៀបចំដំណើរការកំណែនៃការប្រឡង​សញ្ញាបត្រ​មធ្យម​សិក្សា​ទុតិយ​ភូមិចំណេះ​ទូទៅ​ (បាក់ឌុប) ក្រោមការពិនិត្យតាមដានអង្គភាព​ប្រឆាំងអំពើ​ពុករលួយ​ ក្រោមការពិនិត្យតាមដានអង្គភាពប្រឆាំងអំពើពុករលួយ។

ក្រសួងអប់រំបានឱ្យ​ដឹងថា គណៈមេប្រយោគគ្រប់រូប បានអនុវត្តតួនាទីរបស់ខ្លួនដោយស្មារតីទទួលខុសត្រូវ ព្រមទាំងអនុវត្តតាមសេចក្ដីណែនាំប្រតិបត្តិរបស់ក្រសួងអប់រំ យុវជន និងកីឡា ស្ដីពីវិធានការ​សុខភាព និងសុវត្ថិភាពសម្រាប់ការប្រឡងសញ្ញាបត្រមធ្យមសិក្សាទុតិយភូមិ ដើម្បីចូលរួម​ក្នុង​ការទប់ស្កាត់ការរីករាលដាលនៃជំងឺកូវីដ-១៩។

ក្រសួងអប់រំ បានចាប់ផ្តើមដំណើរការកំណែសន្លឹកកិច្ចការប្រឡងបាក់ឌុបរយៈពេលពេល១សប្តាហ៍ ចាប់ពីថ្ងៃទី ៣០ ខែធ្នូ រហូតដល់ថ្ងៃទី ៥ ខែមករា ឆ្នាំ ២០២២។

មណ្ឌលកំណែចំនួន ១០ រួមមាន៖ ១. មណ្ឌលកំណែ វិទ្យាល័យព្រះស៊ីសុវត្ថិ សម្រាប់មុខវិជ្ជា អក្សរសាស្ត្រខ្មែរ ២. មណ្ឌលកំណែ វិទ្យាល័យបាក់ទូក សម្រាប់មុខវិជ្ជា គណិតវិទ្យា។ ៣. មណ្ឌលកំណែ អនុវិទ្យាល័យចតុមុខ សម្រាប់មុខវិជ្ជា ភាសាបរទេស។ ៤. មណ្ឌលកំណែ វិទ្យាល័យវត្តកោះ សម្រាប់មុខវិជ្ជា រូបវិទ្យា។ ៥. មណ្ឌលកំណែ វិទ្យាល័យព្រះយុគន្ធរ សម្រាប់មុខវិជ្ជា ភូមិវិទ្យា។ ៦. មណ្ឌលកំណែ វិទ្យាល័យទួលទំពូង សម្រាប់មុខវិជ្ជា ផែនដី និងបរិស្ថានវិទ្យា។ ៧. មណ្ឌលកំណែ វិទ្យាល័យ ជា ស៊ីម បឹងកេងកង សម្រាប់មុខវិជ្ជា គីមីវិទ្យា។ ៨. មណ្ឌលកំណែ វិទ្យាល័យ ហ៊ុនសែន ប៊ុនរ៉ានី វត្តភ្នំ សម្រាប់មុខវិជ្ជា ប្រវត្តិវិទ្យា។

៩. មណ្ឌលកំណែ វិទ្យាល័យ ជា ស៊ីម សន្ធរម៉ុក សម្រាប់មុខវិជ្ជា សីលធម៌-ពលរដ្ឋវិជ្ជានិង១០៖ មណ្ឌលកំណែ វិទ្យាល័យបឹងត្របែក សម្រាប់មុខវិជ្ជាជីវវិទ្យា៕

អត្ថបទ៖ ឡេង ដេត