ព័ត៌មានជាតិ
ក្រសួងឱ្យពាណិជ្ជករ នាំចេញទំនិញទៅចិនឆ្លងកាត់តាមវៀតណាមឱ្យរកមធ្យោបាយផ្សេងចៀសវាងការកកស្ទះទំនិញ
ក្រសួងពាណិជ្ជកម្មបានណែនាំដល់ក្រុមហ៊ុន និងពាណិជ្ជករដែលនាំចេញទំនិញទៅប្រទេសចិនឆ្លងកាត់តាមប្រទេសវៀតណាមឱ្យរកមធ្យោបាយផ្សេងវិញដើម្បីចៀសវាងហានិភ័យនៃការកកស្ទះទំនិញ ដោយសារប្រទេសចិនបានរឹតបន្តឹងវិធានការទប់ស្កាត់ជំងឺកូវីដ១៩។
ការណែនាំនេះបានធ្វើឡើងបន្ទាប់ពីក្រសួងឧស្សាហកម្ម និងពាណិជ្ជកម្មនៃសាធារណរដ្ឋសង្គមនិយមវៀតណាម បានប្រកាសថា សកម្មភាពនាំចូល និងនាំចេញទំនិញនៅច្រកព្រំដែនវៀតណាម និងចិនបានជួបប្រទះការកកស្ទះយ៉ាងខ្លាំង ជាពិសេស នៅច្រកទ្វារព្រំដែនខេត្ត Lang Son និងខេត្ត Quang Ninh ដែលបណ្តាលជាចម្បងមកពីការរឹតបន្តឹងវិធានការបង្ការការរីក រាលដាលជំងឺកូវីដ-១៩ របស់ប្រទេសចិនក្រោមគោលនយោបាយ “Zero Covid”។
យោងតាមសេចក្តីជូមដំណឹងរបស់ក្រសួងពាណិជ្ជកម្មចុះថ្ងៃទី ៣ មករា បានឱ្យដឹងថា ដើម្បីជៀសវាងហានិភ័យ និងបញ្ហានានាដែលបណ្តាលមកពីការកកស្ទះ តាមរយៈការបញ្ជូន ទំនិញឆ្លងកាត់ប្រទេសវៀតណាមទៅកាន់ប្រទេសចិន តាមច្រកព្រំដែនគោក រវាងប្រទេសវៀតណាម និងប្រទេសចិនក្រសួងពាណិជ្ជកម្មសូមណែនាំដល់ក្រុមហ៊ុន ពាណិជ្ជករ និងសមាគមដឹកជញ្ជូនទំនិញនាំចេញ-នាំចូល ឱ្យពិនិត្យលទ្ធភាព រកមធ្យោបាយ និងវិធីនាំចេញផ្សេងវិញ។
ក្រសួងបានបន្តថា ក្រសួងឧស្សាហកម្ម និងពាណិជ្ជកម្មវៀតណាមបាន បញ្ជាក់ដែរថា គិតត្រឹមថ្ងៃទី ២១ ខែធ្នូ ឆ្នាំ២០២១ ក្នុងខេត្តទាំងពីរខាងលើ មានរថយន្តប្រមាណជាង ៦០០០គ្រឿង កំពុងរង់ចាំការនាំចេញទៅកាន់ប្រទេសចិន។ តាមការវាយតម្លៃជារួម បរិមាណទំនិញដែលអាចនាំចេញបាននៅតាមច្រកព្រំដែនសំខាន់ៗមួយចំនួនជាមួយប្រទេសចិនមានចំនួនត្រឹមតែ ពី២៥ទៅ៣០% ប៉ុណ្ណោះ បើប្រៀបធៀបទៅនឹងលក្ខខណ្ឌនាំចេញធម្មតា។
ចំពោះ ច្រកទ្វារព្រំដែនមួយចំនួនទៀតនៅតែបន្តផ្អាកដំណើរការគយជាបណ្តោះអាសន្ន រហូតដល់មានសេចក្តីជូន ដំណឹងជាថ្មី។
ស្ថិតក្នុងបរិការណ៍នេះ ក្រសួងពាណិជ្ជកម្មកម្ពុជា អំពាវនាវដល់ក្រុមហ៊ុន ពាណិជ្ជករ និងសមាគមដឹកជញ្ជូនទំនិញនាំចេញ-នាំចូល ទាំងអស់ ត្រូវពិនិត្យលទ្ធភាពក្នុងការនាំទំនិញចេញ តាមមធ្យោបាយផ្សេង ដើម្បីចៀសវាង ហានិភ័យនៃការកកស្ទះការនាំចេញទំនិញ ឆ្លងកាត់ប្រទេសវៀតណាមទៅកាន់ប្រទេស ចិន តាមច្រកព្រំដែនគោក រវាងប្រទេសវៀតណាម និងប្រទេសចិន ខណៈកុំពុងមានការកកស្ទះ។
ក្រសួងពាណិជ្ជកម្ម រួមជាមួយនិងក្រសួង-ស្ថាប័នពាក់ព័ន្ធនានាកំពុងពិនិត្យនិងបន្តតាមដាន យ៉ាងយកចិត្តទុកដាក់នូវការវិវត្តនៃសភាពការណ៍នេះ ហើយនឹងជម្រាបជូនអំពីវឌ្ឍនភាពជាបន្តបន្ទាប់ទៀត៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore