ព័ត៌មានជាតិ
ខេត្តត្បូងឃ្មុំមានភ្ញៀវទេសចរណ៍ត្រឹមតែជាង៣ពាន់នាក់ប៉ុណ្ណោះដើរកំសាន្តក្នុងឱកាសបុណ្យចូលឆ្នាំចិន ថយចុះ៧០%
ក្នុងឱកាសបុណ្យចូលឆ្នាំប្រពៃណី ចិន វៀតណាម មានភ្ញៀវទេសចរណ៍ជាតិ និងអន្តរជាតិមកកម្សាន្តតាមតំបន់រមណីយដ្ឋាននានា ក្នុងខេត្តត្បូងឃ្មុំរយៈ៤ថ្ងៃនេះ ដោយគិតពីថ្ងៃទី៣១ ខែមករា ដល់ថ្ងៃទី៣ ខែកុម្ភៈ ឆ្នាំ២០២២នេះ គឺមានភ្ញៀវសរុបជាង៣ពាន់នាក់ បើធៀបឆ្នាំទៅឃើញថា ភ្ញៀវថយចុះរហូតដល់ជាង៧០ភាគរយឯណោះ ហើយមូលហេតុការថយចុះភ្ញៀវនេះ គឺដោយសារបងប្អូនប្រជាពលរដ្ឋពួកគាត់ខ្លាចមានការឆ្លងជំងឺកូវីដ១៩ នេះតែម្តង ។
លោក អឿន រិទ្ធ ប្រធានមន្ទីរទេសចរណ៍ខេត្តបានបញ្ជាក់ឲ្យដឹងថា នៅក្នុងឱកាសបុណ្យចូលឆ្នាំប្រពៃណីប្រជាជនចិន និងវៀតណាមរយៈពេល០៤ថ្ងៃនេះ មានភ្ញៀវទេសចរណ៍មកទស្សនាខេត្តត្បូងឃ្មុំ សរុបមានចំនួន៣,០៥៥ នាក់ ដែលក្នុងនោះ ស្ត្រីចំនួន១,៦៧៤នាក់ ហើយភ្ញៀវបរទេសមានចំនួន០៣នាក់ផងដែរ ។ ធៀបឆ្នាំ២០២១ មានចំនួន ១០,២១១នាក់ ថយចុះ-៧០,០៨% ។ ការថយចុះភ្ញៀវនេះ បណ្តាលមកពី ប្រពលរដ្ឋយើងខ្លាចមានការឆ្លងរីករាលដាលជំងឺកូវីដ.១៩ ដែលជាជំងឺឆ្លងជាសកលនេះ ។
ក្នុងនោះផងដែរលោកប្រធានក៏បានចាត់មន្ត្រីមន្ទីរទេសចរណ៍បានផ្សព្វផ្សាយ នូវវិធានការរបស់រាជរដ្ឋាភិបាលក្នុងការទប់ស្កាត់ការរីករាលដាលជំងឺកូវីដ-១៩ ពិសេសវិធានការ ៣ការពារ ៣កុំ ។
ផ្សព្វផ្សាយ ដើម្បីពង្រឹងការអនុវត្តវិធានសុវត្ថិភាពទេសចរណ៍ និងនីតិវិធីស្តង់ដាប្រតិបត្តិអប្បបរមា (SOP) តាមគន្លងប្រក្រតីភាពថ្មី ដែលត្រូវបានដាក់ឲ្យអនុវត្តដោយក្រសួងទេសចរណ៍ក៏បានណែនាំឲ្យម្ចាស់អាជីវកម្មរក្សាតម្លៃផលិតផល និងសេវាឲ្យបានសមរម្យ ហើយសរសេរតម្លៃឲ្យបានច្បាស់លាស់ក្នុងបញ្ជីមុខម្ហូប សម្រាប់ជូនភ្ញៀវដឹងមុន ។ យើងពង្រឹងការគ្រប់គ្រងនៅរមណីយដ្ឋាន ការកំណត់សមត្ថភាពផ្ទុក (Carrying Capacity) អតិបរមា ដែលអាចទទួលភ្ញៀវ និងមិនត្រូវទទួលភ្ញៀវលើសចំណុះជាដាច់ខាត ។ បានជួយណែនាំឲ្យភ្ញៀវទេសចរដែលទៅកម្សាន្តនៅតំបន់រមណីយដ្ឋានឲ្យពួកគាត់វេចខ្ចប់ ទុកដាក់សំរាមក្នុងធុងសំរាម និងត្រូវជួយថែរក្សាបរិស្ថានជាដើម ។
លោកប្រធានមន្ទីរទេសចរណ៍ខេត្តក៏បានបញ្ជាក់ទៀតថា ខេត្តត្បូងឃ្មុំរបស់យើងមានរមណីយដ្ឋានសំខាន់ៗ ចំនួន៩កន្លែងរួមមាន.១.រមណីយដ្ឋាន ទឹកធ្លាក់ហោង ២.រមណីយដ្ឋាន ហ្លួងស្តេចកន ៣.ភូមិនេសាទ (មាត់ឃ្មង់) ៤.រមណីយដ្ឋាន ព្រះធាតុបាស្រី ៥.រមណីយដ្ឋាន តាសែដូងក្អូប ៦.រមណីយដ្ឋាន អូក្តូង ៧.រមណីយដ្ឋាន បឹងក្រចាប់ ៨.រមណីយដ្ឋានឬស្សីឈូករ័ត្ន និងទី៩.គឺរមណីយដ្ឋាន ភូមិអភិវឌ្ឍន៍អន្លង់ជ្រៃ ៕
អត្ថបទ៖ សាន វិឡែម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ