ព័ត៌មានជាតិ
ទីផ្សារដំឡូងមីបានថ្លៃសមរម្យតែកសិករស្នើឈ្មួញកណ្ដាលកុំកាត់ខាតច្រើនពេក
កសិករដាំដំឡូងមីនៅខេត្តសឹ្ទងត្រែងបានឱ្យដឹងថា ទីផ្សារដំឡូងមីបានថ្លៃល្អគួរសមនៅឆ្នាំ ២០២២ នេះ ហើយស្នើសុំដល់ឈ្មួញកណ្ដាលកុំកាត់ខាត ផ្នែកគីឡូច្រើនពេក ព្រោះទើបតែឆ្នាំនេះ ដំឡូងមានទីផ្សារល្អសម្រាប់កសិករ។
លោក កុយ សយ បានឱ្យដឹងថា កសិករដាំដំណាំដំឡូងមីឆ្នាំនេះ មានតម្លៃសមរម្យ តែក៏ត្រូវបានរងខូចខាតមួយចំនួនដោយហ្វូងសត្វជ្រូកព្រៃ ចូលឈ្មូសស៊ីបំផ្លាញខូចខាតមួយចំនួនទៅហើយ តែពេលបានផលយកមកលក់ត្រូវឈ្មួញកណ្តាលអ្នកប្រមូលទិញ បានកាត់ខាតក្នុងមួយតោន ១០០ ទៅ ១២០គីឡូថែមទៀតដោយសំអាងថាដីច្រើន។
លោកបន្តថា កាលពីឆ្នាំ ២០២០/២០២១ ដំឡូងមានតម្លៃ ១៥០ទៅ ១៨០រៀល កាត់ផ្នែកគីឡូតែ ៥០ ទៅ៦០គីឡូតែប៉ុណ្ណោះក្នុងមួយតោន វាជាការសមរម្យអាចទទួលយកបាន។
តែឆ្នាំ២០២២នេះ ដំឡូងមីស្រស់ក្នុងមួយគីឡូក្រាមលក់បានតម្លៃ ៣៧០ ទៅ៣៨០រៀលតែកាត់ខាតច្រើនពេក។ ចំណែកដំឡូងមីហាលស្ងួតបានថ្លៃ មួយគីឡូតម្លៃពី ៧៨០ ទៅ៨០០រៀលក៍កាត់ខាត ៣០ទៅ ៥០គីឡូដែរ ដោយដាក់កំហុសថាដំឡូងខ្លះខ្មៅ។
លោកស្រី រីស គ្រីយ៉ា អ្នកប្រមូលទិញដំឡូងមីនៅស្រុកសៀមបូក បានបញ្ជាក់ថា ឆ្នាំនេះដំឡូងមីមានតម្លៃខ្ពស់មែន ក្នុងនោះដំឡូងស្ងួតល្អលេខមួយ ៨០០រៀល ចំណែកដំឡូងស្រស់ ៣៨០ ទៅ៤១០រៀល ប្រសិនបើដំឡូងស្អាត និងកាត់ខាតផ្នែកជញ្ជីងតែ២៧ទៅ៣០គីឡូក្រាមតែប៉ុណ្ណោះក្នុងមួយតោន។
លោកស្រីបន្តថា ការកាត់ខាតច្រើនដល់ជាង ១០០គីឡូនោះ ព្រោះកសិករមួយចំនួនដកដំឡួងមកយកមកលក់ផ្ទាល់តែម្តង គឺដីជាប់ច្រើនមិនមែនអ្នកប្រមូលទិញចេះតែកាត់ខាតធ្វើបាបកសិករយើងនោះទេ។
លោកស្រីបន្តថា ពួកគាត់អ្នកនាំចេញយកទៅលក់បន្តក៍ជួបភាពលំបាកដែរ ព្រោះនាំយកទៅប្រទេសវៀតណាម ត្រូវថៅកែកាត់ខាតក៍ច្រើនណាស់ដែរ គាប់ជួនពេលខ្លះ ថៅកែទំលាក់ថ្លៃក៍មានហើយពេលដឹកទៅដល់ហើយ ទោះក្នុងតម្លៃណាក៍ត្រូវតែលក់។
សូមបញ្ជាក់ថា ដំឡូងមីបច្ចុប្បន្នមានទីផ្សារល្អជាងឆ្នាំកន្លងមក បើប្រៀបធៀបទៅនិងឆ្នាំ២០២០/២០២១ ខុសត្រូវគ្នាក្នុងមួយគីឡូក្រាមរហូតដល់ទៅជិត ៣០០រៀល ដោយសារតែនៅប្រទេសវៀតណាម និងប្រទេសថៃការទទួលទិញមានកម្រិត និងជួបវិបត្តិជំងឺកូវីដ១៩ផង ហើយឆ្នាំ២០២២នេះការទទួលទិញមានស្ថានភាពល្អប្រសើរឡើងវិញ៕
អត្ថបទ៖ ងិនលីម
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ