ព័ត៌មានជាតិ

ផឹកស្រាស្រវឹងដេញកាប់ប្រពន្ធមិនបាន ដុតផ្ទះខ្លួនឯងឆេះខ្ទេច

បានផុស

៦ years មុន

នៅ

ថ្ងៃសុក្រ ១១ ធ្នូ ២០២០

ដោយ

បុរសវ័យចំណាស់ម្នាក់ក្រោយពីបានស្រាចូលខ្លួន បានដេញកាប់មិន បានបែរដុតផ្ទះចោល ត្រូវនគរបាលឃាត់ខ្លួនបាននៅវេលាម៉ោង១១និង៣០នាទីព្រឹក ថ្ងៃទី១០ ខែធ្នូ ឆ្នាំ២០២០ នៅភូមិព្រះអណ្តូង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក យ៉ត សុផល អធិការនគរបាលស្រុក ភ្នំស្រុក បានប្រាប់ឲ្យដឹងថា តាមបណ្តឹងរបស់ប្រពន្ធឈ្មោះ ព្រឹម បួត ភេទស្រី អាយុ៤៨ឆ្នាំ នៅភូមិព្រះអណ្តូង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ បានប្តឹងប្តីឈ្មោះ វ៉ាន វ៉ោន ភេទប្រុស អាយុ៥០ឆ្នាំក្នុងករណី មកពីដើរផឹកស្រាស្រវឹងហើយបង្ករករឿងក្នុងគ្រួសារ និងបានឈ្លោះប្រកែកគ្នារហូតឈានដល់ទាញកាំបិតខ្វែវដេញកាប់ប្រពន្ធ តែគាត់រត់គេចផុត តែមិនអស់ចិត្តបានវាយបំបែកពាងទឹក វាយចាន ឆ្នាំង និងដុតផ្ទះ បាយនិងផ្ទះបណ្តាលឲ្យខូចខាតទ្រព្យសម្បត្តិមាន ខោអាវ ចាន ឆ្នាំង ធុងចម្រោះទឹក និងសម្ភារមួយចំនួនទៀតឆេះខ្ទេច ហើយថែមទាំងប្រច័ណ្ឌខ្លាំងទៀតផង។

ក្រោយពេលទទួលបានបណ្ដឹងកម្លាំងជំនាញព្រហ្មទណ្ឌ និងកម្លាំងប៉ុស្តិ៍ប៉ោយចារ បានចុះបង្ក្រាបបានជនសង្ស័យភ្លាមៗ រួចបញ្ជូនមកកាន់អធិការដ្ឋាននគរបាលស្រុកភ្នំស្រុក ដើម្បីធ្វើការសាកសួរ។

នៅចំពោះមុខសមត្ថកិច្ចជនបង្កបានសារភាពថា ខ្លួនពិតជាបានដេញកាប់ប្រពន្ធនិងដុតផ្ទះបាយចោលមែន ។

ដោយផ្អែកលើចម្លើយសារភាពនិងពាក្យបណ្តឹង នគរបាលជំនាញព្រហ្មទណ្ឌរៀបចំសំណុំរឿងបញ្ជូនខ្លួនជនបង្កទៅស្នងការដ្ឋាននគរបាលខេត្តនិងរៀចចំឯកសារទៅតុលាការដើម្បីចាត់ការបន្ត៕

អត្ថបទដោយ ៖ វ៉ាន់ ណាង