ព័ត៌មានជាតិ
នាយករដ្ឋមន្ត្រី ៖ សូមកុំប្រមាថឲ្យសោះ ថា អូមីក្រុង វាមិននាំទៅដល់ការស្លាប់!
ជាថ្មីម្ដងទៀត សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវដល់ប្រជាពលរដ្ឋទាំងអស់ ត្រូវរួមគ្នាប្រយុទ្ធប្រឆាំងនឹងមេរោគបំប្លែងខ្លួនថ្មី ប្រភេទអូមីក្រុង ដោយត្រូវបន្តអនុវត្តវិធានការសុខាភិបាល ជាពិសេសអនុវត្តឲ្យបានខ្ជាប់ខ្ជួន នូវវិធានការ “៣ការពារ ៣កុំ”។ ក្នុងនោះដែរ សម្ដេចតេជោ ក៏បានរំលឹកដល់ប្រជាពលរដ្ឋទាំងអស់ ផងដែរថា សូមកុំប្រមាថឲ្យសោះ ថា អូមីក្រុង វាមិននាំទៅដល់ការស្លាប់នោះ។
សម្ដេចតេជោនាយករដ្ឋមន្ត្រី ក្នុងពិធីបើកការដ្ឋានសាងសង់ស្ថានីយ៍ ប្រព្រឹត្តកម្មទឹកកខ្វក់បឹងជើងឯក នាព្រឹកថ្ងៃទី ២២ ខែកុម្ភៈ ឆ្នាំ ២០២២នេះ បានថ្លែងថា សម្ដេច សូមអំពាវនាវដល់ប្រជាពលរដ្ឋ នៅរាជធានីភ្នំពេញ ត្រូវខិតខំបន្តប្រយុទ្ធប្រឆាំងជំងឺកូវីដ-១៩ បំប្លែងខ្លួនថ្មីអូមីក្រុង ខណៈកំពុងមានការឆ្លងរាលដាលគួរឲ្យកត់សម្គាល់។
សម្ដេចតេជោ ហ៊ុន សែន បានថ្លែងបន្តថា បើយោងតាមរបាយការណ៍ ដែលនឹងចេញនៅថ្ងៃនេះ គឺមានអ្នកឆ្លងសរុបចំនួន ៥៩៨នាក់ ហើយក្នុងនោះ មានអ្នកស្លាប់ចំនួន ២នាក់ផងដែរ។ ប្រមុខរាជរដ្ឋាភិបាល បានលើកឡើងថា ជិត ១ខែកន្លះកន្លងទៅនេះ នៅក្នុងប្រទេសកម្ពុជាពុំមានមនុស្សស្លាប់ ដោយសារតែជំងឺកូវីដ-១៩ នោះទេ តែថាក្នុងរយៈពេល ៣ថ្ងៃចុងក្រោយនេះ កម្ពុជាមានអ្នកស្លាប់ដោយសារជំងឺកូវីដ-១៩ នេះជាបន្តបន្ទាប់ ដោយថ្ងៃទី ២០ ខែកុម្ភៈ មានអ្នកស្លាប់ចំនួន ២នាក់, ថ្ងៃទី ២១ ខែកុម្ភៈ មានអ្នកស្លាប់ ៣នាក់, និងថ្ងៃទី ២២ ខែកុម្ភៈ ឆ្នាំ ២០២២នេះ មានអ្នកស្លាប់ចំនួន ២នាក់ថែមទៀត។
សម្ដេចតេជោនាយករដ្ឋមន្ត្រី បានក្រើនរំលឹកថា «សូមកុំប្រមាថឲ្យសោះ ថា អូមីក្រុងនេះ វាមិននាំទៅដល់ការស្លាប់ ពិតហើយការឆ្លង ឥឡូវនៅកម្ពុជា វាបាត់អាដែលតា វាបាត់អាល់ហ្វា វានៅសល់អូមីក្រុង ប៉ុន្តែនៅពេលដែល ជំងឺរបស់យើងទន់ខ្សោយ សេរីរាង្គរបស់យើងទន់ខ្សោយ វាក៏នឹងបង្កើតទៅជាឧបសគ្គៗ ចឹងទេ ខ្ញុំសូមអំពាវនាវ អង្វរកប្រជាពលរដ្ឋរបស់យើង បន្តប្រកាន់ខ្ជាប់នូវវិធានការ ៣កុំ ៣ការពារ តទៅទៀត»។
សម្ដេចតេជោនាយករដ្ឋមន្ត្រី បានលើកឡើងថា ការរាតត្បាតជំងឺកូវីដ-១៩ ការពារបាន ឬមិនបាន វាមិនមែនចំណុះតែទៅលើវិធានការ របស់រាជរដ្ឋាភិបាលនោះទេ តែវាចំណុះទាំងស្រុងទៅលើបុគ្គលម្នាក់ៗ ថាតើអនុវត្តនូវវិធានការសុខាភិបាល និងវិធានការរបស់ក្រសួងសុខាភិបាល បានកម្រិតណាប៉ុណ្ណោះ។
ជាមួយគ្នានេះ សម្ដេចតេជោ ហ៊ុន សែន ក៏បានលើកឡើង អំពីករណីនៅចក្រភពអង់គ្លេស ដែលបានប្រកាសថា អ្នកដែលរកឃើញវិជ្ជមានកូវីដ-១៩ លែងតម្រូវឲ្យដាក់ឲ្យនៅដាច់ដោយឡែកទៀតទេ។ ប៉ុន្តែសម្រាប់ប្រទេសកម្ពុជា មិនទាន់អនុញ្ញាតឲ្យធ្វើបែបនេះ នៅឡើយទេ៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ