Connect with us

ព័ត៌មានជាតិ

ក្រុមការងារ​ការទូតសេដ្ឋកិច្ចកម្ពុជា​ ជួបពិភាក្សា​​ជាមួយក្រុមប្រឹក្សា​កិច្ចការបរទេសតួកគី​

បានផុស

នៅ

ក្រុមការងារសម្របសម្រួលការទូតសេដ្ឋកិច្ច នៃក្រសួងការបរទេស និងសហប្រតិបត្តិការអន្តរជាតិ (កបទ.សអ) នៃព្រះរាជាណាចក្រកម្ពុជា នៅថ្ងៃទី ២២ ខែកុម្ភៈ ឆ្នាំ ២០២២នេះ បានជួបពិភាក្សាការងារ ជា​មួយក្រុមប្រឹក្សាទំនាក់ទំនងសេដ្ឋកិច្ចបរទេសតួកគី (DEIK) ដើម្បីពង្រឹង និងពង្រីកកិច្ចសហប្រតិបត្តិការ​សេដ្ឋកិច្ច និងពាណិជ្ជកម្មរវាងប្រទេសទាំងពីរ។

ជំនួបពិភាក្សា​នេះ ប្រព្រឹត្តិទៅ​ក្រោមវត្តមានរបស់លោក ប្រាក់ ផល្លា ទីប្រឹក្សាសម្តេចតេជោ ហ៊ុន សែន និងជាតំណាង លោកឧបនាយករដ្ឋមន្រ្តី ប្រាក់ សុខុន និងលោក សន ច័ន្ទរិទ្ធី តំណាង​​ប្រធានក្រុមការ​ងារសម្របសម្រួលការទូតសេដ្ឋ កិច្ច ដោយមានការចូលរួម​ពីតំណាងក្រុមប្រឹក្សាទំនាក់ទំនងសេដ្ឋកិច្ចបរទេសតួកគីជាង ​២០នាក់។

បើតាមលទ្ធផលជំនួបបាន​បញ្ជាក់ថា កិច្ចពិភាក្សានេះ ផ្តោត​លើប្រធានបទសំខាន់មួយចំនួនដូចជា៖ ការផ្សព្វផ្សាយ ច្បាប់វិនិយោគថ្មីរបស់កម្ពុជា ការលើក​កម្ពស់ពាណិជ្ជកម្ម និងការជំរុញវិស័យ​ទេស​ចរណ៍ និងវប្បធម៌។

គោលបំណងសំខាន់ នៃ​កិច្ចប្រជុំនេះ គឺដើម្បីជួយត្រួសត្រាយផ្លូវដល់ធុរជន និងវិនិយោគិនតួកគី អាចស្វែងយល់ពីឱកាសនៃការវិនិយោគនៅកម្ពុជា តាមរយៈច្បាប់វិនិយោគថ្មី ដែលមានភាពអនុគ្រោះច្រើន ពង្រីកឱកាសទីផ្សាររបស់កម្ពុជា តាមរយៈអនុវត្តកិច្ចព្រមព្រៀងសេរីទ្វេភាគី និងពហុភាគី និងការផ្សព្វផ្សាយពីវិស័យទេសចរណ៍កម្ពុជា តាមរយៈវិធានការនានារបស់រាជរដ្ឋាភិបាល រួមមានការបើកទទួលទេសចរណ៍វ៉ាក់សាំង បន្ទាប់ពីជោគជ័យនៃយុទ្ធនាការចាក់វ៉ាក់សាំងដែលកម្ពុជា សម្រេចបានជិត​ ៩០ភាគរយ នៃចំនួនប្រជាជនសរុប និងកម្មវិធីស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ-១៩ ព្រមទាំងជំរុញការធ្វើដំណើរទៅវិញទៅមក រវាងប្រទេសទាំងពីរ៕

អត្ថបទ៖ កោះកែវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម