ព័ត៌មានជាតិ
លោកស្រី ឱ វណ្ណឌីន៖ គ្រូពេទ្យស្ត្រី “ជាកងទ័ពអាវស” ក្នុងបរិបទប្រយុទ្ធនឹងជំងឺកូវីដ-១៩
ក្នុងឱកាស ទិវានារីអន្តរជាតិ ៨ មីនា ឆ្នាំ២០២២ នេះ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ អ្នកនាំពាក្យក្រសួងសុខាភិបាល និងជាប្រធានគណកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានរៀបរៀងអត្ថបទ គ្រូពេទ្យស្ត្រី «ជាកងទ័ពអាវស» ក្នុងបរិបទប្រយុទ្ធនឹងជំងឺកូវីដ-១៩។
លោកស្រីវេជ្ជបណ្ឌិត នៅរាត្រីថ្ងៃទី០៧ ខែមីនានេះ បានលើកឡើងថា ស្ត្រីនៅក្នុងប្រទេសកម្ពុជា សូមចងចាំជានិច្ចនូវគុណូបការៈដ៏ធំធេងរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានរំដោះប្រទេសជាតិ ក៏ដូចជាបានជួយដល់ការរស់រានមានជីវិតទីពីររបស់ស្ត្រី និងប្រជាជនទូទៅ ពីរបបប្រល័យពូវសាសន៍ ប៉ុល ពត នៅថ្ងៃទី០៧ ខែមករា ឆ្នាំ១៩៧៩ ហើយបាននាំមកនូវសុខសន្តិភាពពេញលេញនៅទូទាំងប្រទេសតាមរយៈនយោបាយ ឈ្នះ-ឈ្នះ ព្រមទាំងបានលើកស្ទួយសមភាពយិនឌ័រ ផ្តល់ឱកាសជូនស្ត្រី អាចបម្រើការងារសង្គមទៅតាមសមត្ថភាពរៀងៗខ្លួន។
ស្ត្រីកម្ពុជា សូមរៀនសូត្រតាមនូវគំរូវីរៈភាពរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នូវភាពទន់ភ្លន់ហ្មត់ចត់តែមានភាពអង់អាចក្លាហាន និងជានិមិត្តរូបស្រ្តីខ្មែរ ដែលពោរពេញដោយសក្តានុពល និងចំណេះជំនាញទាំងក្នុងការរស់នៅ ទាំងក្នុងកិច្ចការសង្គម ដែលស្ត្រីកម្ពុជា សូមលើកដៃប្រណមគោរពជូនពរបរវមហាប្រសើរសុខភាពល្អបរិបូណ៍ អាយុយឺនយូរ ជូនដល់សម្តេចកិត្តិព្រឹទ្ធបណ្ឌិត និងនៅជានិមិត្តរូបស្រ្តីខ្មែរជារៀងដរាប។
ដោយមានការគិតគូរដ៏ខ្ពង់ខ្ពស់របស់ សម្តេចតេជោនាយករដ្ឋមន្ត្រី ស្ត្រីជាច្រើននាក់បានចូលបម្រើការងារនៅក្នុងវិស័យសុខាភិបាល ដើម្បីចូលរួមចំណែកលើកស្ទួយការការពារ និងថែទាំសុខភាពប្រជាជនទូទៅ ព្រមទាំងជួយដល់ការសម្រាលកូនដោយសុវត្ថិភាព និងមានសុខភាពល្អ ដែលជាចំណែកមួយដែលមិនអាចខ្វះបានក្នុងការបង្កើតបាននូវកម្លាំងធនធានមនុស្សសម្រាប់ការអភិវឌ្ឍន៍សេដ្ឋកិច្ច និងប្រទេសជាតិ។
ជាក់ស្តែង នៅក្នុងយុគសម័យប្រយុទ្ធនឹងជំងឺកូវីដ-១៩ ស្ត្រីដែលជាគ្រូពេទ្យ (មានដូចជា បណ្ឌិតសុខភាពសាធារណៈ គ្រូពេទ្យឯកទេស អ្នកជំនាញសុខភាពសាធារណៈ វេជ្ជបណ្ឌិត ឆ្មប និងគិលានុបដ្ឋាកយិកាជាដើម) និងអ្នកជំនាញពាក់ព័ន្ធផ្សេងៗ បានចូលរួមចំណែកយ៉ាងសកម្មក្នុងការជួយផ្តល់សេវាអប់រំសុខភាព ការពារថែទាំ ពិនិត្យ ព្យាបាលជំងឺកូវីដ-១៩ផង និងជំងឺផ្សេងៗទៀត ដោយមិនខ្លាចនឿយហត់ឡើយ។ ការងារសម្រាលកូន និងថែទាំសុខភាពមាតា និងទារក គឺជាកិច្ចការដែលក្រុមគ្រូពេទ្យស្ត្រី បាន និងបន្តអនុវត្ត ដោយយកចិត្តទុកដាក់ជាទីបំផុត ទោះបីជាស្ត្រីដែលមកសម្រាលកូន មានផ្ទុកវីរុសកូវីដ-១៩ក៏ដោយ ក៏ការជួយសង្គ្រោះអាយុជីវិតជាកិច្ចការដែលត្រូវតែជួយជាចំបង៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ