ព័ត៌មានជាតិ
ព្រះសង្ឃជិត ៧ ម៉ឺនអង្គ បានទទួលការចាក់វ៉ាក់សាំងបង្ការជំងឺកូវីដ-១៩
រហូតមកដល់ពេលនេះមានព្រះសង្ឃប្រមាណជាង ៦៤ ០០០ អង្គ ហើយក្នុងចំណោមព្រះសង្ឃជិត ៧ ម៉ឺនអង្គនៅទូទាំងប្រទេសបានចាក់វ៉ាក់សាំងបង្ការជំងឺកូវីដ១៩។
លោក សេង សុមុនី រដ្ឋលេខាធិការ និងជាអ្នកនាំពាក្យក្រសួងធម្មការ និងសាសនាបានមានប្រសាសន៍នៅព្រឹកថ្ងៃទី ០៩ មីនានេះថា បច្ចុប្បន្ននេះកម្ពុជាមានព្រះសង្ឃនៅទូទាំងប្រទេសចំនួន ៦៩ ៤៣២ អង្គ ក្នុងនោះមានព្រះសង្ឃចំនួន ៦៤ ៨៦៤ អង្គបានចាក់វ៉ាក់សាំងបង្ការជំងឺកូវីដ១៩ស្មើនឹង ៩៣ ភាគរយ ខណៈព្រះសង្ឃចំនួន ៤ ៥៦៨ អង្គទៀតនៅមិនទាន់បានចាក់វ៉ាក់សាំងនៅឡើយទេ។ យ៉ាងណាក៏ដោយ លោកមិនបានបញ្ជាក់ពីមូលហេតុដែលព្រះសង្ឃអង្គទាំងនោះមិនបានចាក់វ៉ាក់សាំងនោះទេ។
លោក សេង សុមុនី បានបន្តថាគិតត្រឹមថ្ងៃទី ០៥ ខែមីនា ឆ្នាំ ២០២២ មានព្រះសង្ឃ ព្រះពុទ្ធសាសនាសរុបចំនួន ១ ២៧៥ អង្គ បានឆ្លងជំងឺកូវីដ១៩ ក្នុងនោះជាសះស្បើយចំនួន ១ ២៦៤ អង្គ និងអនិច្ចធម្ម១៦អង្គ។ ចំណែកឥស្លាមសាសនាវិញ មានមេដឹកនាំឆ្លងសរុប ៣១៥ នាក់ជាសះស្បើយ ៣០៥ នាក់និងមរណៈភាព ០៦ នាក់ គ្រិស្តសាសនាមានមេដឹកនាំឆ្លងសរុប ១២៣នាក់ ជាសះស្បើយសរុប ១១៦ នាក់ និងស្លាប់ម្នាក់ និងសាសនាមហាយានមានមេដឹកនាំឆ្លងសរុប ៣៨ នាក់ជាសះស្បើយសរុប ៣៨ នាក់ និងមិនមានអ្នកស្លាប់ទេ។ ចំណែកសាសនាផ្សេងៗទៀតមិនមានឆ្លងទេ។
លោក សេងសុមុនី បានអំពាវនាវដល់ព្រះសង្ឃដែលមិនទាន់បានចាក់វ៉ាក់សាំងសូមនិមន្តទៅចាក់ឱ្យបានគ្រប់ៗអង្គដើម្បីការពារការជំងឺកូវីដ១៩និងអនុវត្តឱ្យមានខ្ជាប់ខ្ជួននូវវិធានការរបស់ក្រសួងសុខាភិបាលពិសេសវិធាការ៣កុំនិង៣ការពារដើម្បីទប់ស្កាត់ការឆ្លងរីករាលដាលជំងឺកូវីដ១៩ក្នុងវត្តអារាមពិសេសជំងឺកូវីដ១៩ប្រភេទបម្លែងខ្លួនថ្មីអូមីក្រុងដែលកំពុងធ្វើចរាចរណ៍នៅក្នុងប្រទេសកម្ពុជា។
គួរបញ្ជាក់ថា គិតត្រឹមថ្ងៃទី ០៨ ខែមីនា ឆ្នាំ ២០២២ កម្ពុជាចាក់វ៉ាក់សាំងបង្ការជំងឺកូវីដ១៩ បានចំនួន១៤៧ ១០៣ ៦៨៥ នាក់ ក្នុងនោះចាក់បានដូសទី ២ ចំនួន ១៣ ៨៧០ ៦៤៤ នាក់ ដូសទី ៣ បានចំនួន ៧ ៥០០ ៩២៦ នាក់ និងដូសទី ៤ ចំនួន ១ ០៤០ ៨៤១ នាក់៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ