ព័ត៌មានជាតិ
UN បារម្ភរឿង Facebook បន្ធូរគោលការណ៍បញ្ចេញមតិអាចនាំឲ្យស្អប់ពលរដ្ឋរុស្ស៊ី
អង្គការសហប្រជាជាតិបានសម្តែងការព្រួយបារម្ភជុំវិញការសម្រេចចិត្តរបស់ Facebook ដើម្បីបន្ធូរបន្ថយជាបណ្តោះអាសន្នចំពោះគោលការណ៍បញ្ចេញមតិរបស់ខ្លួនបែបហិង្សា បន្ទាប់ពីការវាយប្រហាររបស់រុស្ស៊ីនៅអ៊ុយក្រែន ដោយបានព្រមានថា វាអាចបង្កឲ្យមានពាក្យសំដីស្អប់ខ្ពើមលើប្រជាជនរុស្ស៊ី។
ការសម្រេចចិត្តគោលការណ៍ពី Meta ដែលជាក្រុមហ៊ុនមេរបស់ Facebook និង Instagram បាននិយាយថា ឥឡូវនេះទម្រង់បណ្តាញទំនាក់ទំនងសង្គមនឹងអនុញ្ញាតឲ្យមានសេចក្តីថ្លែងការណ៍ ឬការបញ្ចេញមតិដូចជា ការស្លាប់ចំពោះអ្នកឈ្លានពានរុស្ស៊ី ប៉ន្តែមិនមែនជាការគំរាមកំហែងគួរឲ្យទុកចិត្តប្រឆាំងនឹងជនស៊ីវិលនោះទេ។
ស្ត្រីអ្នកនាំពាក្យការិយាល័យសិទ្ធិមនុស្សអង្គការសហប្រជាជាតិ Elizabeth Throssell បានប្រាប់អ្នកកាសែតនៅទីក្រុងហ្សឺណែវថា ៖«នេះច្បាស់ណាស់ជាបញ្ហាស្មុគស្មាញ ប៉ុន្តែវាបានបង្ហាញនូវកង្វល់មួយចំនួនស្ថិតក្រោមលក្ខខណ្ឌសិទ្ធិមនុស្ស និងច្បាប់មនុស្សធម៌អន្តរជាតិ»។
ក្នុងសេចក្តីថ្លែងការណ៍របស់ខ្លួនកាលពីថ្ងៃព្រហស្បតិ៍ Meta បានចង្អុលទៅការវាយប្រហាររបស់រុស្ស៊ីលើអ៊ុយក្រែនដែលបានចាប់ផ្តើមកាលពីថ្ងៃទី២៤ ខែកុម្ភៈ។
សេចក្តីថ្លែងការណ៍បាននិយាយថា ៖«យើងខ្ញុំបានធ្វើការអនុញ្ញាតជាបណ្តោះអាសន្នសម្រាប់ទម្រង់នៃគោលការណ៍បញ្ចេញមតិដែលជាធម្មតាបំពានច្បាប់របស់ពួកយើង ដូចជា ការនិយាយបែបហិង្សា មានដូចជា ការស្លាប់ចំពោះអ្នកឈ្លានពានរុស្ស៊ីជាដើម»។
Facebook បានបន្ថែមថា ៖«យើងខ្ញុំនៅតែមិនអនុញ្ញាតឲ្យមានការអំពាវនាវគួរឲ្យទុកចិត្តសម្រាប់ហិង្សាប្រឆាំងនឹងជនស៊ីវិលរុស្ស៊ី»។
អ្នកស្រី Throssell បានព្រមានថា ៖«គោលការណ៍ថ្មីខ្វះភាពច្បាស់លាស់ដែលអាចរួមចំណែកយ៉ាងជាក់ច្បាស់ឲ្យមានភាសាស្អប់ខ្ពើមដែលជាទូទៅសំដៅផ្ទាល់ទៅលើប្រជាជនរុស្ស៊ី»។
«នោះនឹងជាការព្រួយបារម្ភពិតប្រាកដ» អ្នកស្រីមានប្រសាសន៍ និងបន្ថែមថា ការិយាល័យសិទ្ធិមនុស្សរបស់អង្គការសហប្រជាជាតិគ្រោងលើកយកបញ្ហានៃកង្វលើនេះជាមួយ Meta។
«យើងប្រហែលជាជំរុញពួកគេឲ្យពិនិត្យមើលពីគ្រោះថ្នាក់ជាក់លាក់មួយចំនួនដែលកើតចេញពីការកែប្រែគោលការណ៍»។
អ្នកស្រី Throssell បានទទួលស្គាល់ថា បញ្ហានេះមានភាពស្មុគស្មាញតាមផ្លូវច្បាប់ និងការព្រួយបារម្ភពីសេរីភាពនៃការបញ្ចេញមតិក៏ត្រូវការលើកមកពិចារណាផងដែរ៕
ប្រែសម្រួល៖ វីរបុត្រ
ប្រភព៖ bangkokpost
រដ្ឋមន្ត្រីក្រសួងសាធារណការចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាមដងផ្លូវ
អាវុធហត្ថខេត្តបាត់ដំបង ឃាត់ខ្លួនជនសង្ស័យ២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព
តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត
ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ
ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ