ព័ត៌មានជាតិ
អ្វីទៅជាភូតគាមអនាម័យ?
ភូតគាមអនាម័យ គឺសំដៅទៅដល់ការការពារ និងការបង្ការការឆ្លងរាលដាលនៃសមាសភាពចង្រៃ ពីតំបន់មួយទៅតំបន់មួយ ឬពីប្រទេសមួយទៅប្រទេសមួយ សំដៅដល់ការការពារសុខភាពរុក្ខជាតិ សុខភាពមនុស្ស និងប្រព័ន្ធបរិស្ថានជីវៈចម្រុះរបស់ដំណាំ។ នេះបើតាមការបញ្ជាក់របស់លោក ងិន ឆាយ អគ្គនាយកនៃអគ្គនាយកដ្ឋានកសិកម្ម។
លោក ងិន ឆាយ បានលើកជាឧទាហរណ៍ថា ពីមុនមកយើងមិនធ្លាប់មានសមាសភាពចង្រៃនៅកម្ពុជាឡើយ ប៉ុន្តែបច្ចុប្បន្នបានកើតឡើងហើយ មានដូចជា ខ្យងមាស(ខ្យងពងក្រហម) ដែលវាបំផ្លាញស្រូវពលរដ្ឋ, ខ្ញុងដូង វាបានបំផ្លាញត្រួយដូង, ជំងឺស្លឹកប្រាក់ នៅលើក្រូចពោធិ៍សាត់ ដែលពីមុនកម្ពុជា មិនធ្លាប់មានដែរ ពេលនេះ ត្រូវបានឆ្លងរាលដាលចូលមក ដែលមានពពួកសត្វ និងមានជំងឺដែលពិបាកក្នុងការកម្ចាត់នៅពេលកើតឡើង ដែលនេះគេហៅថា សមាសភាពចង្រៃឆ្លងដែន។
មន្រ្តីជាន់ខ្ពស់ ក្រសួងកសិកម្មរូបនេះ បន្តថា អនាម័យ ឬភូតគាមអនាម័យ គឺសំដៅដល់វិធានការទប់ស្កាត់ការឆ្លងរាលដាលនៃសមាសភាពចង្រៃ ពីតំបន់មួយទៅតំបន់មួយ និងការបំផ្លាញដំណាំរបស់ប្រជាជន។ លោកថា អនាម័យគឺជាការផលិត ផលិតផលមួយមានលក្ខណៈស្អាត មិនភ្ជាប់នូវសមាសភាពចង្រៃ និងមិនភ្ជាប់នូវសំណល់គីមីលើសកម្រិតនាំឲ្យប៉ះពាល់ដល់សុខភាព។
សូមបញ្ជាក់ថា នៅក្នុងលក្ខណៈតម្រូវភូតគាមអនាម័យ បានចែងថា ភូតគាមអនាម័យ ត្រូវមានការងារជាខ្សែច្រវ៉ាក់ផលិតកម្មដំណាំគ្រប់ជ្រុងជ្រោយ។ មានន័យថា គេត្រូវពិនិត្យទាំងការដាំដុះ ប្រភេទពូជ ការប្រើប្រាស់សាធារតុគីមី ត្រូវត្រួតពិនិត្យច្បាស់លាស់ ជាពិសេសថ្នាំកសិកម្មសម្លាប់សត្វល្អិត សម្លាប់ជំងឺ។
លោក ងិន ឆាយ បានលើកឡើងថា ការប្រើប្រាស់ថ្នាំមិនត្រូវតាមបច្ចេកទេស ធ្វើឲ្យខាតបង់ថវិកា បំពុលដល់ប្រព័ន្ធអេកូស៊ីស្តឹមរបស់ដំណាំ ប៉ះពាល់សុខភាពមនុស្ស និងធ្វើឲ្យប៉ះពាល់ដល់ការនាំចេញផងដែរ៕
អត្ថបទ៖ ទួន សុផល
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង