Connect with us

ព័ត៌មានជាតិ

យុវជនដែលជិះកង់ដង្ហែក្បួនឃោសនាបោះឆ្នោត ទទួលបានម៉ូតូមួយគ្រឿង និងថវិកាមួយចំនួនពីក្មួយស្រីសម្តេចតេជោ

បានផុស

នៅ

យុវជនម្នាក់ដែលជិះកង់ចូលរួមដង្ហែក្បួនឃោសនាបោះឆ្នោតជាមួយគណបក្សប្រជាជនកម្ពុជា ដែលកំពុងមានការចាប់អារម្មណ៍ពីមហាជន ត្រូវបានលោកស្រី ហ៊ុន ចាន់ថុល កូនស្រីលោក ហ៊ុន សាន និងជាក្មួយស្រីបង្កើតរបស់សម្តេចតេជោ​ ហ៊ុន សែន ឧបត្ថម្ភម៉ូតូម៉ាក Scopy ១គ្រឿង និងថវិកាចំនួន២០០ដុល្លារ នៅថ្ងៃទី២៤ ខែឧសភា ឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមរំលឹកថា នៅព្រឹកថ្ងៃទី២៤ ខែឧសភា ព្រិកមិញនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្ដែងការពេញចិត្តជាខ្លាំងនូវរូបភាពរបស់យុវជនម្នាក់ដែលចូលរួមដង្ហែក្បួនឃោសនាបោះឆ្នោតពោរពេញដោយស្នាមញញឹម តែមិនមានយានជំនិះល្អដូចគេ។

តាមរយៈហ្វេសប៊ុកផេកផ្លូវការរបស់សម្ដេចតេជោ ហ៊ុន សែន នៅព្រឹកថ្ងៃទី២៤ ខែឧសភា បានលើកឡើង​ថា «កូនប្រុស ទោះកូនក្រទ្រព្យសម្បត្តិតែទឹកចិត្តកូនមិនក្រទេ។ ទឹកមុខកូនពោរពេញដោយស្នាមញញឹមបង្ហាញថាគណបក្សប្រជាជន ជារបស់ប្រជាជន ហើយក៏ជារបស់កូនដែរដែលកូនត្រូវចូលរួមការពារដើម្បីបុព្វហេតុសន្តិភាពនិងការអភិវឌ្ឍ»។

សូមបញ្ជាក់ថា រូបភាពយុវជនដែលជិះកង់និងមានចងថង់ប្រអប់បាយជាមួយនេះ កំពុងមានការចាប់អារម្មណ៍នៅលើបណ្ដាញសង្គមហ្វេសប៊ុក ខណៈដែលយុវជនរូបនោះបានចូលរួមដង្ហែក្បួនឃោសនាបោះឆ្នោតក្រុមប្រឹក្សាឃុំ សង្កាត់ កាលពីថ្ងៃទី២១ ខែឧសភា កន្លងទៅ ដោយស្នាមញញឹមទោះបីខ្លួនគ្មានយានជំនិះល្អដូចគេក៏ដោយ។ នេះបង្ហាញពីការគោរពស្រលាញ់ និងជឿជាក់ទៅលើគណបក្សប្រជាជនកម្ពុជា ដែលដឹកនាំដោយសម្ដេចតេជោ ហ៊ុន​ សែន បានធ្វើឲ្យប្រទេសកម្ពុជា មានសន្តិភាព និងការអភិវឌ្ឍ៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ នាទី មុន

អាជ្ញាធរវៀតណាម និងហ្វីលីពីន ព្រមព្រៀងគ្នាបង្កើនកិច្ចសហប្រតិបត្តិការឆ្មាំឆ្នេរសមុទ្រ

សន្តិសុខសង្គម២ ម៉ោង មុន

 ផ្ទុះអាវុធ៤គ្រាប់ ក្នុងប្រតិបត្តិការបង្ក្រាបគ្រឿងញៀន នៅក្រុងសៀមរាប

ព័ត៌មានជាតិ២ ម៉ោង មុន

សពទារកម្នាក់ ត្រូវបានជនមិនស្គាល់មុខ យកទៅផ្លុងចោលនៅមាត់ទន្លេវ៉ៃគោ ក្រុងស្វាយរៀង

ព័ត៌មានជាតិ២ ម៉ោង មុន

រដ្ឋាភិបាលផ្ដល់គោលការណ៍អនុគ្រោះពន្ធ ជំរុញការប្រកួតកសិកម្មលើទីផ្សារអន្តរជាតិ

ព័ត៌មានជាតិ២ ម៉ោង មុន

នាយករដ្ឋមន្ត្រី ឲ្យអភិបាលខេត្តទាំង ៦ ជុំវិញបឹងទន្លេសាប សន្យាទប់ស្កាត់ការទន្ទ្រានយកដីនៅតំបន់ ៣ ឲ្យបាន

Sokha Hotels

ព័ត៌មានពេញនិយម