ព័ត៌មានជាតិ

អត្រាមកទទួលវ៉ាក់សាំងជំងឺកូវីដ១៩ដូសទី៥របស់មន្ត្រីជួរមុខខេត្តកោះកុង នៅតែផុលផុស

បានផុស

៤ years មុន

នៅ

ថ្ងៃព្រហស្បតិ៍ ៩ មិថុនា ២០២២

ដោយ

កោះកុង ៖ ចំនួនអត្រាមន្ត្រីរាជការស៊ីវិល និងកងកម្លាំងប្រដាប់អាវុធនៅខេត្តកោះកុង នៅតែមានសកម្មភាពចូលរួមផុលផុសដដែល ក្រោមហេតុផលវ៉ាក់សាំងជាអាវក្រោះដ៏រឹងមាំ ដើម្បីប្រឆាំងនឹងជំងឺកូវីដ១៩ ទោះបីស្ថានភាពជំងឺនេះធូរស្រាលច្រើនលើសលប់ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូចតាមការគ្រោងទុក នៅថ្ងៃទី៩ ខែមិថុនា នេះជាថ្ងៃដំបូងនៃយុទ្ធនាការចាក់វ៉ាក់សាំងបង្ការការពារជំងឺកូវីដ១៩ដល់ក្រុមមន្ត្រីជួរមុខ និងសមត្ថកិច្ចកងកម្លាំងប្រដាប់អាវុធនៅក្នុងខេត្តកោះកុង ដែលធ្វើឡើងនៅតាមមណ្ឌលចំនួន៤កន្លែងផ្សេងគ្នា។

លោកវេជ្ជបណ្ឌិត ហម រដ្ឋា ជាប្រធានផ្នែកជំងឺឆ្លងនៅមន្ទីរពេទ្យប្រតិបត្តិការក្រុងខេមរភូមិន្ទ និងលោក ហៀង បុណ្ណា ជាអនុមន្ទីររៀបចំដែនដី នគរូបនីយកម្ម និងសំណង់ខេត្តកោះកុង ឱ្យដឹងស្រដៀងគ្នានារសៀលថ្ងៃទី៩ ខែមិថុនា ឆ្នាំ២០២២ថា ពួកគាត់គាំទ្រពេញទំហឹងចំពោះរាជរដ្ឋាភិបាលដែលផ្តោតការយកចិត្តទុកដាក់ខ្ពស់មកលើរូបខ្លួនដែលជាមន្ត្រីជួរមុខហើយងាយនឹងឆ្លងជំងឺកូវីដ១៩នេះ។

ក្រុមមន្ត្រីជំនាញទាំង២រូបខាងលើ បញ្ជាក់ទៀតថា មានតែថ្នាំវ៉ាក់សាំងទេដែលធ្វើឱ្យសេរីរាង្គកាយមានភាពរឹងមាំសាំនឹងជំងឺកូវីដ១៩បានរហូតមកដល់សព្វថ្ងៃនេះ បើគ្មានវ៉ាក់សាំងតាមរយៈការយកចិត្តទុក និងការដឹកនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី ម្ល៉េះប្រទេសកម្ពុជាមិនទៅជាយ៉ាងណា ព្រោះតែបញ្ហារីករាលជំងឺកូវីដ។

ទាំងលោក រដ្ឋា និងលោក បុណ្ណា សម្តែងនូវក្តីអរគុណយ៉ាងជ្រោលជ្រៅជូនសម្តេចតេជោ ហ៊ុន សែន ដែលបន្តផ្តល់អាទិភាពដល់រូបពួកគាត់ ក៏ដូចជាមន្ត្រីរាជការ កងកម្លាំង និងប្រជាពលរដ្ឋទូទៅ បានទទួលចាក់វ៉ាក់សាំងដូសទី៥នេះ។ ទន្ទឹមនេះ មន្ត្រីជួរមុខ អំពាវនាវដល់មន្ត្រីពាក់ព័ន្ធ ក៏ដូចជាប្រជាពលរដ្ឋ យុវជន សូមមកបន្តចូលរួមមកចាក់វ៉ាក់សាំងឱ្យបានគ្រប់ដូសទាំងអស់គ្នាតាមគោលការណ៍ស្ម័គ្រចិត្ត ជៀសវាងព្រឹត្តការណ៍ ២០ កុម្ភៈ ត្រឡប់មកវិញ។

យោងតាមរបាយការណ៍លទ្ធផលចាក់វ៉ាក់សាំងរបស់រដ្ឋបាលខេត្តកោះកុង គិតចាប់តាំពីថ្ងៃទី២៥ ខែកុម្ភៈ ឆ្នាំ២០២១ដល់ថ្ងៃទី៧ ខែមិថុនា ឆ្នាំ២០២២ មានយុវជន និងប្រជាពលរដ្ឋដែលមានអាយុចាប់ពី១២ឆ្នាំឡើងទៅបានចាក់វ៉ាក់សាំងដូសទី៤សរុបប្រមាណ១ម៉ឺន១ពាន់៣៣៦នាក់ ក្នុងនោះស្ត្រី៥.១៤១នាក់។

សម្រាប់យុទ្ធនាការចាក់វ៉ាក់សាំងការពារជំងឺកូវីដ១៩ ដូសទី៥ នៅខេត្តកោះកុង ធ្វើឡើងនៅមណ្ឌលចំនួន៤ ពោលគឺនៅក្រុងខេមរភូមិន្ទ នៅមណ្ឌលសុខភាពស្មាច់មានជ័យ និងមណ្ឌលសុខភាពស្ទឹងវែង។ ដោយឡែកនៅស្រុកស្រែអំបិល មាននៅមណ្ឌលសុខភាពបឹងព្រាវ និងមណ្ឌលសុខភាពស្រែអំបិល៕

អត្តបទ ៖ សិរីវឌ្ឍនៈ