ព័ត៌មានជាតិ
ក្រសួងសង្គមកិច្ច ចុះកិច្ចព្រមព្រៀងជាមួយអង្គការចំនួន ១២បន្ថែមទៀត លើកម្មវិធីជួយជនងាយរងគ្រោះតាមមូលដ្ឋាន
លោក តូច ចាន់នី អគ្គនាយក នៃអគ្គនាយកដ្ឋានបច្ចេកទេស ក្រសួងស.អ.យ តំណាងដ៏ខ្ពង់ខ្ពស់លោក វង សូត រដ្ឋមន្រ្តី ក្រសួងសង្គមកិច្ច អតីតយុទ្ធជន និងយុវនីតិសម្បទា បានចុះហត្ថលេខាលើកិច្ចព្រមព្រៀងគម្រោងកម្មវិធីបន្ត រវាងក្រសួងសង្គមកិច្ច អតីតយុទ្ធជន និងយុវនីតិសម្បទា សម្រាប់ឆ្នាំ ២០២២-២០២៥ ជាមួយនឹងអង្គការចំនួន ១២បន្ថែមទៀត នៅទីស្តីការក្រសួង កាលពីរសៀលថ្ងៃទី ២២ ខែមិថុនា ឆ្នាំ ២០២២។
ក្នុងនាម លោករដ្ឋមន្ត្រីក្រសួងសង្គមកិច្ច លោក តូច ចាន់នី បានថ្លែងថា ក្រសួងសង្គមកិច្ច បានសម្រេចចុះកិច្ចព្រមព្រៀង ជាមួយអង្គការចំនួន ១២លើគម្រោងកម្មវិធីបន្ត ផ្នែកមនុស្សធម៌ និងជួយដល់ជនងាយរងគ្រោះ ការពារកុមារ ស្ត្រីមានផ្ទៃពោះ និងជនមានពិការភាពជាដើម ដើម្បីឲ្យពួកគាត់ទទួលបានអត្ថប្រយោជន៍ពិតៗ តាមមូលដ្ឋានដែលពួកគាត់រស់នៅតែម្ដង ស្របតាមគោលនយោបាយយុទ្ធសាស្ត្ររបស់រាជរដ្ឋាភិបាល។
សូមបញ្ជាក់ថា ការចុះកិច្ចព្រមព្រៀង រវាងក្រសួងសង្គកិច្ចជាមួយអង្គការចំនួន ១២ សម្រាប់ឆ្នាំ ២០២២-២០២៥ ជាមួយនឹងអង្គការចំនួន ១២ រួមមាន ១-អង្គការSave the Children។ ២-សមាគមអភិវឌ្ឍន៍បច្ចេកទេសយុវវ័យខ្មែរ។ ៣-អង្គការទីកន្លែងអាស៊ីហ្សា។ ៤-អង្គការទាំងអស់គ្នាដើម្បីកម្ពុជា។ ៥-អង្គការ Project Change International។ ៦-អង្គការកុមារពិភពលោក ។ ៧-អង្គការដើម្បីអនាគតកុមារជនបទ។ ៨-អង្គការហ៊ីសឆាលអន្ដរជាតិ។ ៩-អង្គការក្រុមជុំនុំដំណឹងល្អពោរពេញកម្ពុជា។ ១០-អង្គការបេសកកម្ម ស៊ីនដ សម្រាប់កម្ពុជា។ ១១-អង្គការជីបូឌា មិត្តកុមារកម្ពុជានិង។ ១២-អង្គការអូអាយស៊ីកម្ពុជា(OIC)។
ក្នុងពិធីនោះដែរ ក៏មានការចូលរួមពីលោក ឈួរ សុបញ្ញា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃមូលនិធិជាតិជំនួយសង្គម (ម.ជ.ជ) លោក លោកស្រីប្រធាននាយកដ្ឋាន លោក លោកស្រីតំណាងអង្គការ និងលោក លោកស្រីតំណាងមន្ទីរស.អ.យ. រាជធានីភ្នំពេញ និងតំណាងមកពីមន្ទីរស.អ.យ. ខេត្តកណ្តាល ខេត្តកំពង់ស្ពឺ ខេត្តតាកែវ ខេត្តបាត់ដំបង ខេត្តសៀមរាប ខេត្តបន្ទាយមានជ័យ និង ខេត្តកំពត ផងដែរ៕
អត្ថបទ៖ វិមាន
-
ចរាចរណ៍៥ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
បច្ចេកវិទ្យា១ ថ្ងៃ ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ព័ត៌មានជាតិ៣ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា២ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៧ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
វប្បធម៌ ជំនឿ៤ ថ្ងៃ ago
ទំនាយលោកយាយ Baba Vanga ជិតក្លាយជាការពិតមួយទៀតហើយ
-
ព័ត៌មានជាតិ១ សប្តាហ៍ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៦ ថ្ងៃ ago
ព្រឹកនេះ នាវា Westerdam ចូលចតនៅកំពង់ផែក្រុងព្រះសីហនុ ជាថ្មីម្ដងទៀត