ព័ត៌មានជាតិ
តំណាងគណបក្សចំនួន៥ នៅមីយ៉ាន់ម៉ា សុទ្ធតែព្រួយបារម្ភ អំពីផលប៉ះពាល់នៃអំពើហិង្សាលើជនស៊ីវិល និងការដុតបំផ្លាញផ្ទះ
ការសម្តែងក្តីព្រួយបារម្ភ ពីផលប៉ះពាល់លើជនស៊ីវិលនេះ បានធ្វើឡើងនៅក្នុងជំនួបពិភាក្សារវាងលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងជាប្រេសិតពិសេសប្រធានអាស៊ាន ជាមួយតំណាងគណបក្សនយោបាយចំនួន៥ ដែលបានឈ្នះអាសនៈនៅមីយ៉ាន់ម៉ា។
យោងតាមលទ្ធផល នៃដំណើរ ទស្សនកិច្ចរបស់លោកឧបនាយករដ្ឋមន្រ្តី ប្រាក់ សុខុន ដែលផ្សព្វផ្សាយដោយ ក្រសួងការបរ ទេសកម្ពុជាកាលពីយប់មិញបានឱ្យដឹងថា នៅក្នុងជំនួបនោះ តំណាងគណបក្សនយោបាយទាំងនោះ បានរាយការណ៍សង្ខេបជូនប្រេសិតពិសេសអំពីការវិវត្តនៃស្ថានការណ៍នយោបាយ និងមនុស្សធម៌ក្នុងរដ្ឋ និងតំបន់នីមួយៗ។ ពួកគេទាំងអស់សុទ្ធតែព្រួយបារម្ភយ៉ាងខ្លាំងចំពោះផលប៉ះពាល់នៃអំពើហិង្សាលើជនស៊ីវិល រួមទាំងការដុតបំផ្លាញផ្ទះសម្បែងតាមភូមិ ដោយគ្មានអង្គការចាត់តាំងណាមួយទទួលខុសត្រូវច្បាស់លាស់ឡើយ។
ពួកគេក៏មានសេចក្តីប្រាថ្នារួមចង់បានសន្តិភាព និងអហិង្សា ហើយគណបក្សនយោបាយមួយចំនួនបានជម្រាបអង្គប្រជុំអំពីវិធីដែលពួកគេបានជួយដល់ជនភៀសខ្លួនផ្ទៃក្នុង (IDPs) ដែលមកពីតំបន់ផ្សេងទៀតផងដែរ។ គណបក្សទាំងនោះបានអំពាវនាវឱ្យមានការផ្តល់ជំនួយមនុស្សធម៌ឱ្យបានឆាប់ទៅកាន់តំបន់របស់គាត់រៀងៗខ្លួន។
ឆ្លើយតបចំពោះការ ព្រួយបារម្ភនេះ លោកឧបនាយករដ្ឋមន្រ្តី ប្រាក់ សុខុន បានសម្តែងការប្តេជ្ញាចិត្តក្នុងការជួយពន្លឿនការផ្តល់ជំនួយមនុស្សធម៌ និងបង្កើតបរិយាកាសអំណោយផលដល់ការចាប់ ផ្ដើមកិច្ចសន្ទនានយោបាយ៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ