ព័ត៌មានជាតិ
អភិបាលខេត្តស្ទឹងត្រែងឲ្យរួមគ្នារក្សាភ្នំនិងធនធានធម្មជាតិទុកបម្រើឲ្យវិស័យទេសចរណ៍
លោកស្វាយ សំអ៊ាង បានជំរុញឱ្យមន្ត្រីជំនាញពាក់ព័ន្ធ រួមទាំងសហគមន៍ព្រៃឈើ និងប្រជាពលរដ្ឋត្រូវរួមគ្នាថែរក្សាធនធានធម្មជាតិដែលមានស្រាប់នៅទីនេះសម្រាប់បម្រើឲ្យវិស័យទេសចរណ៍។
អភិបាលខេត្តស្ទឹងត្រែងមានប្រសាសន៍ថា ធនធានធម្មជាតិ ក៏ដូចជាសក្កដានុពលនៅទីនេះ ដែលមានស្រាប់ត្រូវនាំគ្នាថែរក្សាឱ្យគង់វង្ស ចៀសវាងមានជនខិលខូចចូលកាប់រៀនយកដីធ្វើជាកម្មសិទ្ធិព្រោះតំបន់នេះ មានភ្នំច្រើន ព្រៃជាធនធានធម្មជាតិដ៏ល្អ ដែលប្រជាពលរដ្ឋយើងអាចរកប្រាក់ចំណូលបានលើវិស័យទេសចរណ៍។
លោកអភិបាលខេត្តបានបន្តថា ធនធានដែលយើងមានមន្ត្រីពាក់ព័ន្ធត្រូវរួមគ្នាថែរក្សាការពារព្រោះពេលនេះ លោកមានដំណឹងថាមានក្រុមជនខិលខូច បានមកដល់ខេត្តស្ទឹងត្រែងហើយ ដែលដើរតែកាប់រៀនយកដីព្រៃរបស់រដ្ឋ ធ្វើជាកម្មសិទ្ធិ មិនមែនតិចតួចនោះទេ សឹតតែរាប់រយរាប់ពាន់ហិចតា ហើយដាំដុះដំឡូងត្រឹមតែមួយឆ្នាំ រួចលក់ទៅឱ្យអ្នកមានលុយ ហើយដើរកាប់រៀនបន្តទៀត សម្រាប់តែផលប្រយោជន៍បុគ្គលតែប៉ុណ្ណោះ។
លោកទុំនីរ៉ូប្រធានមន្ទីរកសិកម្មខេត្តបានបញ្ជាក់ថា:ក្នុងពិធីបុណ្យរុក្ខទិវាថ្ងៃនេះ គឺក្នុងគោលបំណងដើម្បីធ្វើការស្ដារនិងដាំដុះព្រៃឈើឡើងវិញជាពិសេសគឺបំផុសទៅដល់ផ្នត់គំនិតឲ្យចេះស្រឡាញ់និងចូលរួមថែរក្សាការពារធនធានព្រៃឈើរបស់យើងសម្រាប់កូនចៅជំនាន់ក្រោយ។
លោកប្រធានមន្ទីរបានបន្តថា សហគមន៍ព្រៃឈើភ្នំឈ្ងោកបង្កើតឡើងនៅឆ្នាំ២០១៤ដោយមានការទទួលស្គាល់ជាផ្លូវការនៅឆ្នាំ ២០១៧សហគមន៍មានផ្ទៃដីចំនួន៤១៥៣ហិតា។ ក្រោមការជួយជ្រោមជ្រែងពីមន្ត្រីរដ្ឋបាលព្រៃឈើនៃមន្ទីរកសិកម្មខេត្តសហការជាមួយអង្គការដៃគូសហគមន៍នេះ មានទេសចរណ៍មកទស្សនាច្រើនឡើងច្រើនឡើងពីមួយឆ្នាំទៅមួយឆ្នាំ។
សូមបញ្ជាក់ថា ក្នុងពិធីរុក្ខទិវានេះយើងបានដាំនៅកូនឈើចំនួន ១០៨០ ដើមរួមមានក្រញូងចំនួន ៥០០ ដើមបេងចំនួន ១៨០ ដើមក្ងោកចំនួន 300 ដើមនិងស្វាយកែវល្មៀតចំនួន ១០០ ដើម។ ក្រៅពីនេះខណ្ឌរដ្ឋបាលព្រៃឈើក៏បានប្រគេនកូនឈើដល់ព្រះសង្ឃនិងចែកជូនកូនឈើដល់សហគមន៍សាលារៀននិងប្រជាពលរដ្ឋចំនួន ៥.០០០ដើម ដើម្បីធ្វើការដាំដុះដែរ៕
អត្ថបទ៖ ងិនលីម
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore