ព័ត៌មានជាតិ
អាជ្ញាធរខេត្តកោះកុង ប្រាប់ដល់មេឃុំទួលគគីរបន្តពិនិត្យដោះស្រាយគម្រោងអភិវឌ្ឍន៍ដែលសេសសល់ពីអាណត្តិមុន
លោកអភិបាលរងខេត្តកោះកុង បានប្រាប់ដល់លោកមេឃុំថ្មីនៅឃុំទួលគគីរ ចាំបាច់បន្តត្រួតពិនិត្យដោះស្រាយរាល់គម្រោងអភិវឌ្ឍន៍ និងសេវាកម្មនានាដែលនៅសេសសល់ពីអាណត្តិមុន ដើម្បីសំដៅធានាឱ្យមាននិរន្តរភាពក្នុងកិច្ចការរដ្ឋបាល។
នេះជាការពន្យល់ណែនាំរបស់លោក អ៊ុក ភ័ក្ត្រា អភិបាលរងខេត្តកោះកុង ដែលធ្វើឡើងនៅក្នុងពិធីប្រកាសសុពលភាពសមាជិកក្រុមប្រឹក្សាឃុំទួលគគីរ រសៀលថ្ងៃទី ៥ ខែកក្កដា ឆ្នាំ ២០២២។
បើតាមលោកលោក អ៊ុក ភ័ក្ត្រា ក្រុមប្រឹក្សាឃុំទួលគគីរ ដែលបានជាប់ឆ្នោតនៅក្នុងអាណត្តិទី៥នេះ ត្រូវបន្តនិរន្តរភាព នៃការដឹកនាំគ្រប់គ្រង និងអភិវឌ្ឍន៍នៅមូលដ្ឋានក្នុងអាណត្តិ ៥ឆ្នាំបន្តទៀត។ ទោះបីជាក្រុមប្រឹក្សា ដែលប្រកាសទទួលស្គាល់នាឱកាសនេះ ជាក្រុមប្រឹក្សាអាណត្តិថ្មីក៏ពិតមែន ប៉ុន្តែពុំមែនបានសេចក្តីថា ការងារគ្រប់គ្រង និងការងារអភិវឌ្ឍន៍មូលដ្ឋានដែលក្រុមប្រឹក្សា បានអនុវត្តកន្លងមកត្រូវបានបញ្ចប់នោះទេ។
ដូច្នេះក្រុមប្រឹក្សាអាណត្តិថ្មី ត្រូវបន្តគ្រប់គ្រង និងការអភិវឌ្ឍមូលដ្ឋានពីក្រុមប្រឹក្សា អាណត្តិចាស់ សំដៅធានាឲ្យមាននិរន្តរភាពក្នុងកិច្ចការរដ្ឋបាល និងការផ្តល់សេវា ព្រមទាំងការអភិវឌ្ឍនៅមូលដ្ឋានជាបន្តទៀត។
ទន្ទឹមនោះ លោកអភិបាលរងខេត្តកោះកុង ក៏បានជំរុញលើកទឹកចិត្តដល់មេឃុំទួលគគីរ ស្រុកមណ្ឌលសីមា ដែលទើបឡើងកាន់តំណែងត្រូវខិតខំបំពេញតួនាទីភារកិច្ចក្នុងការគ្រប់គ្រងក្នុងមូលដ្ឋាន ដើម្បីឆ្លើយតបទៅនឹងតម្រូវការដោយមិនត្រូវប្រកាន់និន្នាការនយោបាយ។ ចំពោះពលរដ្ឋណាមិនទាន់បានទៅចាក់វ៉ាក់សាំងឱ្យគ្រប់ដូស ត្រូវគៀគរបំផុសស្មារតីចូលរួមកាន់តែច្រើនបន្ថែម។
រាល់ការណែនាំរបស់លោក អ៊ុក ភ័ក្ត្រា ត្រូវបានលោក ឡេក សុធន់ ដែលមេឃុំជាប់ឆ្នោតថ្មីរបស់ឃុំទួលគគីរ ស្រុកមណ្ឌលសីមា ទទួលយកគ្រប់ការណែនាំរបស់ថ្នាក់ដឹកនាំខេត្តទៅអនុវត្តឱ្យចំគោលដៅ តម្លាភាព មិនប្រកាន់និន្នាការគណបក្សនយោបាយ និងពង្រឹងការអភិវឌ្ឍន៍គ្រប់វិស័យដែលជាសេចក្តីការរបស់ប្រជាពលរដ្ឋម្ចាស់ឆ្នោត។
លោក ឡេក សុធន់ បន្ថែមដែរថា គម្រោងអភិវឌ្ឍន៍ដែលសេសសល់ពីអាណត្តិទី៤ គឺលោក និងសមាជិកក្រុមប្រឹក្សាអាណត្តិថ្មីរបស់លោក បង្កើនការត្រួតពិនិត្យមើលគម្រោងអភិវឌ្ឍន៍ និងគម្រោងសេវាកម្មនានាដែលនៅសេសសល់ពីអាណត្តិមុន។
ដោយឡែកការចាក់ថ្នាំវ៉ាក់សាំងវិញ លោកជំរុញដល់ប្រជាពលរដ្ឋបន្តទៅចូលរួមទទួលវ៉ាក់សាំងបង្ការការពារជំងឺកូវីដ១៩ឱ្យដូសតាមការអំពាវនាវរបស់រាជរដ្ឋាភិបាល និងក្រសួងសុខាភិបាល ខណៈបញ្ហាកូវីដ១៩ នៅតែជាក្តីព្រួយបារម្ភពីសុវត្ថិភាពនៃការឆ្លងរីករាលឡើងវិញ។
យោងតាមរបាយការណ៍របស់មេឃុំទួលគគីរ បង្ហាញថា ពលរដ្ឋប្រមាណ១.៩៧៣នាក់ បានចាក់វ៉ាក់សាំងដូសទី៤រួចរាល់ហើយ ដោយបន្តទៅចាក់វ៉ាក់សាំងដូសទី៥៕
អត្ថបទ ៖ សិរីវឌ្ឍនៈ
-
ព័ត៌មានជាតិ១៣ ម៉ោង agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៦ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី