Connect with us

ព័ត៌មានជាតិ

មក​ស្គាល់​ទីតាំង ៣ កន្លែង​​ ​ស្នាក់នៅ ៤ ឆ្នាំ​ឥត​បង់ថ្លៃ សិស្ស​​បន្ត​សិក្សា​នៅ​ភ្នំពេញ

បានផុស

នៅ

ក្រោយពីបញ្ចប់ការសិក្សាថ្នាក់ទី១២ សិស្សនិសិ្សតតែង​មានបំណងបន្តការសិក្សានៅភ្នំពេញ ប៉ុន្តែបញ្ហាប្រឈម​គឺការស្វែង​រក​កន្លែងស្នាក់នៅ។ ជាពិសេសសិស្សនារីបារម្ភពីសុវត្ថិភាព ដូច្នេះហើយទើបមានស្ថាប័នមួយចំនួនបានផ្តល់ជាអាហារូបករណ៍ជាកន្លែងស្នាក់នៅសម្រាប់សិស្សបន្តការសិក្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. អង្គការមូលនិធិអនាគតកម្ពុជា/CFF 

ជាអង្គការក្រៅរដ្ឋាភិបាល មានគោលបំណងផ្តល់អាហារូបករណ៍ជាកន្លែងស្នាក់នៅឥតបង់ថ្លៃ ប្រកបដោយផាសុខភាព និងសុវត្ថិភាព ព្រមទាំងផ្តល់ជាអាហារហូបចុក ៣ ពេល។

លក្ខខណ្ឌក្នុងការទទួលបានអាហារូបការណ៍៖

-សិស្សត្រូវ​តែ​មានចំណាត់ថ្នាក់ល្អក្នុងការសិក្សា
-ទើបតែជាប់បាក់ឌុប
-មកពីគ្រួសារក្រីក្រ ឬមធ្យម
-មានអាប្បកិរិយាល្អ ចេះយកយល់អធ្យាស្រ័យក្នុងការរស់នៅ មានភាពស្មោះត្រង់ ចេះគោរពនិងឱ្យតម្លៃ និង​ចូលចិត្តចូលរួមការងារសង្គម ក៏ដូចជាការងារស័្មគ្រចិត្តផ្សេងទៀត។ 

បន្ថែម​ពីនេះ ដើម្បីទទួលបានអាហារូបករណ៍ សិស្សត្រូវអនុវត្តន៍តាមគោលការណ៍ ៣គឺ៖ ទី១ សរសេរអត្ថបទសំណេរ ទី២ ជួបសម្ភាសន៍ផ្ទាល់ ទី៣ បំពេញពាក្យសុំស្នាក់នៅ និង ព័ត៌មានមួយចំនួនទៀត។

ក្រៅពីផ្តល់​កន្លែង​ស្នាក់នៅ អង្គការ​ក៏​មានថ្នាក់បង្រៀនភាសាអង់គ្លេស ថ្នាក់ភាពជាអ្នកដឹកនាំ និង ថ្នាក់ត្រិះរិះពិចារណាដោយឥតគិតថ្លៃ ដល់សិស្សនារីរយៈពេល ៤ឆ្នាំ។ សិស្សក៏អាចមានឱកាសស្វែងយល់ពីការរស់នៅជាសហគមន៍ និងការរៀបចំផែនការជីវិតរបស់ខ្លួនបានត្រឹមត្រូវ។  

២.មូលនិធិហាប់ស្វែល ( Harpswell Foundation) 

អាហារូបករណ៍របស់មូលនិធិហាប់ស្វែល មិនសូវខុសប្លែកពីអាហារូបករណ៍របស់អង្គការ CFF ប៉ុន្មានទេ។ ហាប់ស្វែល បានផ្តល់អាហាររូបករណ៍ដល់សិស្សនារីប្រឡងជាប់ថ្នាក់ទី១២ ទទួលបាននិទ្ទេសល្អ ជាកន្លែងស្នាក់នៅរយៈពេល ៤ ឆ្នាំ មាន​ជាអាហារហូបចុកបីពេល ថ្នាក់បង្រៀនភាសា​អង់គ្លេសមិនគិតថ្លៃ ថ្នាក់ត្រិះរិះពិចារណាបែបស៊ីជម្រៅ ថ្នាក់កំព្យូទ័រ ហ្វឹកហាត់ថ្នាក់ភាពជាអ្នកដឹកនាំ ព្រមទាំងមានសិក្ខាសាលាមួយខែ ឬ ពីរខែម្តង។ ជាមួយគ្នា​នេះ​ ក៏​មានឱកាសជួបសំណេះសំណាលជាមួយវាគ្មិនជាតិនិងអន្តរជាតិល្បីៗ និងមានថ្នាក់បណ្តុះបណ្តាជាច្រើនទៀត។ 

ក្រោយពីរស់នៅរយៈពេលបួនឆ្នាំ និស្សិតអាចមានឱកាសទទួលបានអាហារូបករណ៍ ទៅសហរដ្ឋអាមេរិក រយៈពេល ១ ឬ ២ឆ្នាំ។ ចំពោះលក្ខខណ្ឌក្នុងការជ្រើសរើស គឺជាសិស្សពូកែនៅក្នុងថ្នាក់ និងទទួលបាននិទ្ទេសល្អក្នុងការប្រឡង មធ្យមសិក្សាទុតិយភូមិ សិស្សត្រូវចេះភាសាអង់គ្លេសល្អ ឬ មធ្យម និងមានចិត្តស្រលាញ់ការងារសង្គម ព្រមទាំងចេះរៀបចំ គោលដៅជីវិតសម្រាប់ខ្លួនឯង។

លក្ខខណ្ឌសម្រាប់​ទទួលបាន​អាហារូបករណ៍​ស្នាក់នៅ​របស់​មូលនិធិហាប់ស្វែល សិស្សត្រូវធ្វើតាមបីដំណាក់កាល គឺ ទី១ ការសរសេរសំណេរជាភាសា ខ្មែរឬអង់គ្លេស ទី២ ជួបសម្ភាសន៍ផ្ទាល់ និងទី៣ ប្រឡងបាក់ឌុបបាននិទ្ទេសល្អ។ 

៣.អន្តេវាសិកដ្ឋាន ភូមិន្ទភ្នំពេញ 

អាហារូបករណ៍របស់សាកលវិទ្យាល័យភូមន្ទភ្នំពេញ មានការខុសប្លែកពីអាហារូបករណ៍ពីរខាងលើ។ នៅអន្តេវាសិកដ្ឋានសកលវិទ្យាល័យ​ភូមិន្ទ មានទាំងទទួលសិស្សស្រី និង ប្រុស ទើបតែចប់ថ្នាក់បាក់ឌុប ដោយមានការបែងចែកអគារស្នាក់នៅផ្សេងគ្នា និងមានច្បាប់ទម្លាប់តាមបទបញ្ជាផ្ទៃក្នុង។ នៅទីនោះ ផ្តល់ជាកន្លែងស្នាក់នៅដល់សិស្សរយៈពេលបួនឆ្នាំ ប៉ុន្តែមិនមានផ្តល់ជាអាហារហូបចុកឡើយ ហើយ​សិស្ស​ក៏​ត្រូវ​ចូលរួមវិភាគទាន​បង់​ថ្លៃ​សេវាទឹកភ្លើង​ក្នុងមួយ​ឆ្នាំ​ ៣០ ដុល្លារ។ 

ចំពោះលក្ខខណ្ឌទទួលពាក្យ មិនមានការសរសេរសំណេរ ឬ សម្ភាសន៍ដូចអាហារូបករណ៍ផ្សេងឡើយ សិស្សគ្រាន់តែបំពេញព័ត៌មានទៅតាមក្រដាសពាក្យជាការស្រេច។ ដើម្បីសុំពាក្យ អាហារូបករណ៍នេះ សិស្សអាចសាកសួរនៅការិល័យសិក្សារបស់សាកលវិទ្យាល័យភូមិន្ទភ្នំពេញអំពីព័ត៌មាន អន្តេវាសិកដ្ឋាន កំឡុងពេលលក់ពាក្យចូលរៀនឆ្នាំមូលដ្ឋាន៕ 

អត្ថបទ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ១៦ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ២៨ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤២ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥៧ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម