ព័ត៌មានជាតិ
កម្ពុជាគ្រោងស្នើសុំជប៉ុន ជួយនាំចេញកសិផលកសិកម្មទៅកាន់ទីផ្សារជប៉ុន
លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ គ្រោងនឹងស្នើសុំឱ្យភាគីជប៉ុនជួយកែច្នៃ និងនាំចេញកសិផលកសិកម្មទៅកាន់ទីផ្សារជប៉ុន ដើម្បីជួយជំរុញកំណើនសេដ្ឋកិច្ច បង្កើតការងារនៅមូលដ្ឋាន និងបង្កើតប្រាក់ចំណូលទាំងក្នុងពេលបច្ចុប្បន្ន និងអនាគត។ ការស្នើសុំរបស់លោក វេង សាខុន នេះនៅពេលដែលលោកនឹងជួបពិភាក្សាការងារជាមួយលោកអនុរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជប៉ុនដែលនឹងមកបំពេញទស្សនកិច្ចនៅកម្ពុជានៅថ្ងៃទី១៩ ខែកក្កដា ឆ្នាំ ២០២២ ខាងមុខនេះ។
លោករដ្ឋមន្ត្រីបានជម្រាប់ជូនលោក MIKAMI Masahiro ឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសជប៉ុនប្រចាំព្រះរាជាណាចក្រកម្ពុជាកាលពីពេលថ្មីៗនេះថា នៅក្នុងជំនួបជាមួយលោកអនុរដ្ឋមន្ត្រីកសិកម្មជប៉ុននោះលោក ធ្វើការពិភាក្សា ផ្លាស់ប្តូរបទពិសោធន៍ និងលើកជាសំណើជួយគាំទ្រលើការងារបច្ចេកទេសសំខាន់ៗជាអាទិ៍៖ ការកែច្នៃអាហារ គ្រាប់ស្វាចន្ទី ចេក ស្វាយ គ្រាប់ពូជ ការកសាងហេដ្ឋារចនាសម្ព័ន្ធគាំទ្រ ការលើកកម្ពស់សមត្ថភាពផលិតកែច្នៃ ទាំងធនធានមនុស្ស និងឧបករណ៍សម្ភារកែច្នៃ។ល។ ដោយឡែក ចំពោះសំណើឲ្យពិនិត្យលើលក្ខខ័ណ្ឌនៃការនាំចេញកសិផលទៅកាន់ទីផ្សារជប៉ុន ដូចជាផ្លែស្វាយក៏អាចលើកយកមកពិភាក្សា នាឱកាសនោះផងដែរ។
លោករដ្ឋមន្ត្រីបានបន្តថា ការកសាងខ្សែច្រវាក់តម្លៃបន្ថែម ហេដ្ឋារចនាសម្ព័ន្ធគាំទ្រ ការពង្រឹងលើការផលិត កែច្នៃវត្ថុធាតុដើម ក្រោយការប្រមូលផល រួមជាមួយនឹងការផ្តល់ទុន និងការលើកកម្ពស់សមត្ថភាព គុណភាពផលិតដល់សហគ្រាសធុនតូច និងមធ្យម គឺជាការចំបាច់នាពេលបច្ចុប្បន្ន ដើម្បីប្រជាជនកម្ពុជាទទួលបានតម្លៃបន្ថែមនិងទីផ្សារការងារផងដែរ ។
លោករដ្ឋមន្ត្រីបានបន្តទៀតថា រីឯការត្រួតពិនិត្យគុណភាពគ្រាប់ពូជដំណាំស្រូវ ការគ្រប់គ្រង និងការប្រើប្រាស់ថ្នាំកសិកម្ម ក៏ជាតម្រូវការចាំបាច់របស់កម្ពុជា ក្នុងការពង្រឹងផលិតនាំចេញ ប្រកបដោយគុណភាពនិងសុវត្ថិភាព ជាពិសេសការ កែច្នៃគ្រាប់ស្វាយចន្ទី ក៏ជាអាទិភាពខ្ពស់ដែលក្រសួងបាននិងកំពុងសហការជាមួយដៃគូអភិវឌ្ឍនិងវិស័យឯកជន ធ្វើការគិតគូ និងយកចិត្តទុកដាក់ខ្ពស់ ធ្វើយ៉ាងណាឆ្លើយតបតាមស្តង់ដាជប៉ុន ដែលមានគុណភាពកម្រិតពិភពលោក ហើយពិតណាស់បើកម្ពុជាអាចធ្វើបាន នោះផលិតផលកសិកម្មកម្ពុជានឹងអាចនាំចេញទៅកាន់ទីផ្សារអន្តរជាតិបានយ៉ាងទូលំទូលាយ។ លើសពីនេះលោករដ្ឋមន្ត្រីក៏បានលើកឡើង ប្រធានបទសំខាន់ៗផងដែរសម្រាប់លើកយកមកពិភាក្សា សំណើសុំពិចារណាជួយឧបត្ថម្ភ និងគាំទ្រពីរដ្ឋាភិបាលជប៉ុន តាមរយៈលោកអនុរដ្ឋមន្ត្រីកសិកម្ម ជប៉ុន ដែលនឹងមកបំពេញទស្សនកិច្ចនៅកម្ពុជានាពេលឆាប់ៗខាងមុខ។
លោកឯកអគ្គរាជទូតជប៉ុនក៏បានលើកឡើងថា វិស័យកសិកម្មកម្ពុជាបានដើរតួនាទីយ៉ាងសំខាន់ក្នុងការជួយជំរុញកំណើនសេដ្ឋកិច្ច បង្កើតការងារនៅមូលដ្ឋាន និងបង្កើតប្រាក់ចំណូលទាំងក្នុងពេលបច្ចុប្បន្ន និងអនាគត។ ផលិតផលកសិកម្មកម្ពុជាដែលមានគុណភាពល្អៗជាច្រើនមានសក្តានុពលសម្រាប់ធ្វើការនាំចេញទៅកាន់ទីផ្សារអន្តរជាតិ រួមទាំងទីផ្សារជប៉ុនផងដែរ ឧទាហរណ៍មានអង្ករ ចេក ស្វាយចន្ទី និងម្រេច។ល។ ដូច្នេះការកសាងហេដ្ឋារចនាសម្ព័ន្ធគាំទ្រ ការលើកកម្ពស់សមត្ថភាពកែច្នៃ ការជួយបណ្តុះបណ្តាល និងផ្សព្វផ្សាយបច្ចេកទេស គឺជាអាទិភាពចម្បងសម្រាប់អង្គការ JICA យកទៅពិនិត្យ ពិចារណាតាមសំណើរបស់ឯកឧត្តមរដ្ឋមន្ត្រី ហើយទាំងអស់នេះ គឺស្ថិតក្នុងរបៀបវារៈនៃជំនួបពិភាក្សារបស់ឯកឧត្តមអនុរដ្ឋមន្ត្រីកសិកម្មជប៉ុនជាមួយឯករដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទកម្ពុជានាពេលខាងមុខ៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច១ សប្តាហ៍ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល