ព័ត៌មានជាតិ
ពលរដ្ឋកោះកុងរស់នៅតាមដៃព្រែកប្រឈមនឹងការលិចលង់ដោយទឹកភ្លៀង
ព្យុះភ្លៀងខ្យល់៤ថ្ងៃនេះ ប្រជាពលរដ្ឋរស់នៅតាមដៃព្រែក និងឆ្នេរសមុទ្រក្នុងខេត្តកោះកុងងាយប្រឈមនឹងការលិចលង់ ដោយអាជ្ញាធរចុះពិនិត្យសួរសុខទុក្ខ និងត្រៀមជួយសង្រ្គោះផងដែរ។
ផ្ទៃមេឃអាប់អួលរំលាយនឹងភ្លៀងខ្យល់ខ្លាំងក្នុងភូមិសាស្រ្តខេត្តកោះកុង ជាពិសេសតំបន់ឆ្នេរសមុទ្រកំពុងបង្កការរំខានដល់ការរស់នៅ ធ្វើអាជីវកម្ម ឬចេញទូកនេសាទដែលងាយនឹងគ្រោះថ្នាក់។
លោក សុខ សុទ្ធី អភិបាលរងខេត្តកោះកុង ឱ្យដឹងនៅព្រឹកថ្ងៃទី១៣ ខែកក្កដានេះថា ទោះបីជាមានព្យុះភ្លៀង៤ថ្ងៃមកដោយក៏ដោយ អាជ្ញាធរត្រៀមបង្កើនការចុះពិនិត្យជួយសង្រ្គោះផ្តល់ស្បៀងអាហារបរិភោគដល់ប្រជាពលរដ្ឋរងគ្រោះ។
លោកអភិបាលរងខេត្តកោះកុង អំពាវនាវហើយអំពាវនាវទៀតដល់ប្រជាពលរដ្ឋរស់នៅតាមដៃព្រែកកុំចេញទូកទៅនេសាទសមុទ្រអំឡុងពេលមានការប្រែប្រួលអាកាសអាក្រក់នេះ ក្រោយព្យាករណ៍ពីក្រសួងធនធានទឹក និងឧតុនិយម។ ករណីជួបគ្រោះថ្នាក់ធម្មជាតិណា សូមប្រញាប់មកផ្តល់ព័ត៌មានមកកាន់អាជ្ញាធរមូលដ្ឋានដែលនៅជិតផ្ទះរបស់ខ្លួន ដើម្បីចុះសង្រ្គោះបានទាន់ពេលវេលា។
រយៈពេល ៣ទៅ៤ថ្ងៃនេះ នៅតាមមាត់សមុទ្រ ឬដងព្រែកនានាក្នុងខេត្តកោះកុង មានបរិមាណទឹកហក់ឡើងធ្វើឱ្យប្រព័ន្ធគមនាគមន៍លំនៅដ្ឋានពលរដ្ឋមួយចំនួនបានជន់លិច តែទោះបែបនេះក្តី មិនទាន់បង្កគ្រោះថ្នាក់ណាដល់ពលរដ្ឋនៅឡើយទេ។ រីឯអាជ្ញាធរក៏ចុះពិនិត្យដល់មូលដ្ឋានរៀងៗខ្លួនផងដែរ។
ចំពោះរំហូរចំនួនអ្នកទេសចរដែលមកលេងកម្សាន្តនៅតំបន់ទេសចរណ៍ក្នុងខេត្តកោះកុង មានសភាពស្ងាត់ពុំមានច្រើនដូចពេលមិនទាន់មានព្យុះភ្លៀងនោះឡើយ។ ជាក់ស្តែងនៅព្រឹកថ្ងៃទី១៣ ខែកក្កដនេះដែរលោក ហាក់ ឡេង អភិបាលស្រុកបូទុមសាគរ ដឹកនាំមន្រ្តីក្រោមឱវាទត្រួតពិនិត្យស្ថានភាពរស់នៅរបស់ពលរដ្ឋតាមខ្នងផ្ទះ ដែលរងផលប៉ះពាល់លិចផ្ទះ និងបាត់បង់សត្វពាហនៈដោយសារភ្លៀងជោគជាំរយៈពេល២ថ្ងៃចុងក្រោយនេះ។
លោកអភិបាលស្រុកបូទុមសាគរ ក៏ណែនាំអប់រំដល់ប្រជាពលរដ្ឋ ចាំបាច់បង្កើនប្រុងប្រយ័ត្នមើលថែកូនចៅ និងរៀបចំទុកដាក់សម្ភារៈឱ្យនៅលើទីទួលកុំឱ្យមានការខូច ឬបាត់បង់។ ប្រសិនបើស្ថានភាពជន់លិចកាន់តែខ្លាំង អាជ្ញាធរត្រៀមជួយសង្រ្គោះ។ អាជ្ញាធរកំពុងចុះស្រង់ស្ថិតិពលរដ្ឋរងគ្រោះបន្ត៕
អត្តបទៈ សិរីវឌ្ឍនៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ