ព័ត៌មានជាតិ

ធនាគារ ABA ចូលរួមវិភាគទាន ២០ម៉ឺនដុល្លារ ក្នុងគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”

បានផុស

៤ years មុន

នៅ

ថ្ងៃពុធ ១៣ កក្កដា ២០២២

ដោយ

ថ្ងៃទី១៣ ខែកក្កដា ឆ្នាំ២០២២ ឯកឧត្ដម លី ធុជ អនុប្រធានទី១ អាជ្ញាធរមីន និងលោក Askhat Azhikhanov នាយកប្រតិបត្តិធានាគារ ABA បានចុះអនុស្សរណៈនៃការយោគយល់គ្នារវាង ធានាគារ ABA និងគម្រោងសម្តេចតេជោសម្រាប់សកម្មភាពមីន ដែលបានចូលរួមវិភាគទាននូវថវិកាចំនួន ២០ម៉ឺនដុល្លារអាមេរិក ដើម្បីដោះស្រាយបញ្ហាគ្រាប់មីននៅកម្ពុជា។

ក្នុងនាមសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានអាជ្ញាធរមីន លោកទេសរដ្ឋមន្ត្រី លី ធុជ បានកោតសរសើរ និងថ្លែងអំណរគុណចំពោះទឹកចិត្តប្រកបដោយសប្បុរសរបស់ថ្នាក់ដឹកនាំ និងបុគ្គលិក នៃធានាគារ ABA ដែលបានចូលរួមផ្តល់ដីមានសុវត្ថិភាព ជួយ សង្គ្រោះអាយុជីវិតមនុស្ស និងផ្តល់ស្នាមញញឹមដល់ប្រជាពលរដ្ឋកំពុងរស់នៅតំបន់រងផលប៉ះពាល់ដោយសារគ្រាប់មីន និងយុទ្ធភណ្ឌមិនទាន់ផ្ទុះ។

លោក Askhat Azhikhanov បានកោតសរសើរចំពោះសកម្មភាពរបស់អាជ្ញារធរមីនក្នុងការដោះស្រាយបញ្ហាមីននៅកម្ពុជា ហេីយតាមរយៈកិច្ចខិតខំប្រែងនេះ អាជ្ញាធរមីន មិននៅម្នាក់ឯងទៀតទេ គឺមានការចូលរួមពីវិស័យឯកជន និង ប្រជាពលរដ្ឋកម្ពុជាទូទាំងប្រទេស។