ព័ត៌មានជាតិ
ច្រកព្រំដែនអន្តរជាតិម៉ឺនជ័យ-តឺនណាមគ្រោងសម្ពោធដាក់ឱ្យដំណើរការឆាប់ៗ
សម្ដេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានស្នើភាគីវៀតណាមក្នុងការពិនិត្យលទ្ធភាពកំណត់ពេលវេលាសមស្របសម្ពោធដាក់ឲ្យដំណើរការច្រកទ្វារព្រំដែនអន្តរជាតិម៉ឺនជ័យ ខេត្តព្រៃវែង ជាប់ខេត្តតៃនិញ ប្រទេសវៀតណាមនៅពេលខាងមុខ។
សម្ដេចស្នើបែបនេះ ក្នុងឱកាសជំនួបការងារជាមួយលោក Pham Quang Hieu អនុរដ្ឋមន្ត្រីក្រសួងការបរទេសវៀតណាម កាលពីថ្ងៃទី២៧ ខែកក្កដា ឆ្នាំ២០២២។
សម្ដេចក្រឡាហោម ស ខេង បង្ហាញក្ដីសង្ឃឹមថា ភាគីទាំងពីរនឹងរកពេលវេលាសមស្រប ដើម្បីប្រមុខរដ្ឋាភិបាល នៃប្រទេសទាំងពីរអញ្ជើញជាអធិបតីក្នុងការសម្ពោធច្រកទ្វារអន្តរជាតិនេះ។
សម្ដេច ស ខេង អះអាងថា ការដាក់ដំណើរការច្រកទ្វារព្រំដែនអន្តរជាតិ ម៉ឺនជ័យ នឹងជួយរួមចំណែកបន្ថែមទៀតទៅលើទំនាក់ទំនង និងកិច្ចសហប្រតិបត្តិការរវាងកម្ពុជា-វៀតណាម ជាពិសេសទំនាក់ទំនងពាណិជ្ជកម្មរវាងប្រទេសទាំងពីរ។
ជាការឆ្លើយតបលោកអនុរដ្ឋមន្ត្រីការបរទេស សន្យាថានឹងរាយការណ៍សំណើរនេះជូនថ្នាក់ដឹកនាំវៀតណាម។
លោកអនុរដ្ឋមន្ត្រី ក៏បង្ហាញការកត់សម្គាល់ឃើញនូវការកើនឡើងទំហំពាណិជ្ជកម្មរវាងប្រទេសទាំងពីរនៅក្នុងឆមាសទី១ ឆ្នាំ២០២២នេះ ហើយលោកចាត់ទុកថា កំណើននេះក៏កើតចេញពីការផ្លាស់ប្ដូរពាណិជ្ជកម្មតាមច្រកទ្វារម៉ឺនជ័យ ដែលកំពុងដំណើរការបណ្ដោះអាសន្នផងដែរ៕
អត្ថបទ ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ