Connect with us

ព័ត៌មានជាតិ

មន្រ្តី៖ ទោះបីឆ្នាំនេះ ទិន្នផលអំបិលទទួលបានតិចតួច ប៉ុន្តែកម្ពុជា មិនមានសញ្ញាខ្វះខាតអំបិលឡើយ

បានផុស

នៅ

នៅក្នុងសន្និសីទសារព័ត៌មាននៅថ្ងៃទី១១ សីហានេះ លោក ហួន សុរង្សី ប្រធាននាយកដ្ឋានកិច្ចការសិប្បកម្ម បញ្ជាក់ឲ្យដឹងថា បើទោះបីជាទិន្នផលផលិតអំបិលរបស់កម្ពុជាសម្រាប់ឆ្នាំ២០២២នេះ មានបរិមាណតិចតួចក៏ដោយ ប៉ុន្តែ មិនមានសញ្ញាខ្វះខាតអំបិលសម្រាប់ការផ្គត់ផ្គង់ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ហួន សុរង្សី សម្រាប់ឆ្នាំ២០២២នេះ គឺកម្ពុជាផលិតអំបិលបានប្រមាណ ៤ម៉ឺនតោន ហើយបរិមាណទិន្ន ផលនេះ មិនអាចផ្គត់ផ្គង់តម្រូវការទីផ្សារក្នុងស្រុកគ្រប់គ្រាន់ឡើយ ខណៈគិតជាមធ្យមក្នុងមួយឆ្នាំ កម្ពុជាមានតម្រូវការអំបិលក្នុងរង្វង់ជាង ១០ម៉ឺនតោន។ ក្នុងនោះ អំបិលធម្មជាតិសម្រាប់ការបរិភាគ គឺ៥ម៉ឺនតោន សម្រាប់ប្រើប្រាស់ក្នុងវិស័យឧស្សាហកម្មប្រមាណជាង ៣ម៉ឺនតោន និងសល់ប្រមាណ ២ម៉ឺនតោន គឺសម្រាប់ទុកតម្រូវការផលិតត្រីប្រហុកនៅចុងឆ្នាំនេះ។

ប៉ុន្តែយ៉ាងណាក្ដី មន្ត្រីទទួលបន្ទុកការងារស្រែអំបិលរូបនេះ បញ្ជាក់ថា បច្ចុប្បន្ននេះ រាជរដ្ឋាភិបាលកម្ពុជា បានចាត់ទុក អំបិល ជាទំនិញយុទ្ធសាស្ត្រ ដោយបន្ដគិតគូរគ្រប់ជ្រុងជ្រោយ ហើយមានការយកចិត្តទុកដាក់ខ្ពស់ក្នុងការត្រួតពិនិត្យតាមដានជាប់ជាប្រចាំរបស់ក្រសួងឧស្សាហកម្មលើការចែកចាយអំបិល តម្លៃ និងការនាំចេញនាំចូលអំបិលផងដែរ។

លោក លើកឡើងថា ជាគោលការណ៍ កម្ពុជាអនុញ្ញាតឲ្យមានការនាំចូលអំបិលសម្រាប់ស្ដុកបម្រុងពីប្រទេសឥណ្ឌាចំនួន ៦ម៉ឺនតោន។ ទន្ទឹមគ្នានេះ ទិន្នផលអំបិលដែលផលិតបានកាលពីឆ្នាំ២០២១ កន្លងទៅ ក៏នៅសល់ប្រមាណ ៤ពាន់តោនផងដែរ ដែលមិនទាន់ប្រើប្រាស់អស់។  ដូច្នេះ លោកបញ្ជាក់ថា មកដល់ពេលនេះ គឺកម្ពុជាមិនទាន់មានការខ្វះខាតអំបិលប្រើប្រាស់ឡើយ។ ជាមួយគ្នានេះ លោក ហួន សុរង្សី ក៏បានបង្ហាញអំពីបញ្ហាប្រឈមសម្រាប់ការផលិតអំបិលរបស់កម្ពុជាផងដែរ ដែលបណ្ដាលមកពីកត្តាធំៗចំនួនពីរ គឺកត្តាអកាសធាតុដែលមានភ្លៀងធ្លាក់ច្រើន និងកត្តាខ្វះខាតកម្លាំងពលកម្ម។  

គួរជម្រាបថា ខេត្តកំពត និងខេត្តកែប ជាទីតាំងផលិតអំបិលនៅកម្ពុជា ដោយចាប់ផ្ដើមផលិតនៅដើមឆ្នាំ រហូតដល់ចុងខែមិថុនា។ ចំណែក ផ្ទៃដីសម្រាប់ផលិតអំបិលវិញ មានចំនួន៣,៧២៦.០២ហិចតា។កាលពី ឆ្នាំ២០១៩ កន្លងទៅ កម្ពុជាបានប្រឈមការខ្វះខាតអំបិលផងដែរ ហើយបាននាំចូលអំបិលពីប្រទេសចិន ប្រមាណ ៣ម៉ឺនតោន ដើម្បីផ្គត់ផ្គង់ក្នុងស្រុក៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១ នាទី មុន

មុនប៉ះបឹងកេតថ្ងៃអាទិត្យនេះ ភ្នំពេញក្រោនមិនទាន់ចាញ់ក្នុងជើងទី២

ព័ត៌មានជាតិ២៧ នាទី មុន

ស្ពានអាកាសព្រះមុនីវង្ស​ សាងសង់បញ្ចប់មុនផែនការ ​ត្រៀមធ្វើពិធីតភ្ជាប់​ដើមសប្ដាហ៍ក្រោយ​

ព័ត៌មានជាតិ៣៨ នាទី មុន

ក្រុមហ៊ុន Vietjet នឹងបើកដំណើរការសេវាកម្មហោះហើរប្រចាំថ្ងៃទីពីរ ទៅ ចិន ត្រឹមតែពីរខែប៉ុណ្ណោះ ដោយពង្រីកបណ្ដាញជើងហោះហើរវៀតណាម-ចិន

ព័ត៌មានជាតិ៤១ នាទី មុន

តើលំដាប់ថ្នាក់ឋានន្តរស័ក្តិមន្ត្រីនគរបាលជាតិកម្ពុជាមានប៉ុន្មានថ្នាក់?

ព័ត៌មានអន្ដរជាតិ៥៨ នាទី មុន

ជម្លោះប្រទេស ទាញទម្លាក់សេដ្ឋីមានជាងគេ អ៊ុយក្រែន របូតទ្រព្យអស់គ្មានសល់នៅទឹកដី រុស្ស៊ី

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម