សមត្ថកិច្ច​ខេត្តបាត់ដំបង​កំពុងសម្រុកបង្ក្រាប​បទល្មើសនេសាទ​នៅបឹងទន្លេសាប

កម្លាំងសង្កាត់រដ្ឋបាលជលផលក្បាលតោលនៅថ្ងៃទី ១០ ខែសីហា បានដឹកនាំមន្ត្រីក្រោមឱវាទសហការណ៍ជាមួយកម្លាំងចម្រុះទីបញ្ជាការស្រាលប្រចាំការទន្លេសាបកំពង់ភ្លុក និងខេត្ដបាត់ដំបងចុះទប់ស្កាត់ និងបង្ក្រាបបទល្មើសជលផលក្នុងភូមិព្រែកទាល់ ឃុំកោះជីវាំង ស្រុកឯកភ្នំ ខេត្ដបាត់ដំបង ដោយបង្រាបបានករណីទី០១ នៅចំនុចកប់ចេះ ប្រមូលរបាំងសាច់អួនប្រវែង ៦៥០ ម៉ែត្រ, បង្គោលចំនួន ១០០ដើម និងឡុកចាប់ត្រីចំនួន ០៣គ្រឿង ចំណែកឯករណីទី០២ នៅចំនុចព្រែកស្ពត ប្រមូលរបាំងសាច់អួនចំនួន ៥០០ម៉ែត្រ បង្គោលចំនួន ៩០ដើម ឡុកចាប់ត្រីចំនួន០២គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រីឯករណីទី៣ ចំនុចសងអាសារ៉ាយ ប្រមូលរបាំងសាច់អួន៧០០ម៉ែត្រ បង្គោលចំនួន១២០ដើម ឡុកចាប់ត្រី ០៣គ្រឿង ត្រីសរុប ៦០គីឡូក្រាម។

លោកវរសេនីយ៍ឯក​ យី​ យក់សាន នាយការិយាល័យនគរបាលប្រឆាំងបទល្មើសសេដ្ឋកិច្ចបានបញ្ជាក់ថា កម្លាំងរបស់លោកបានបញ្ជូនទៅឈរជើងក្នុងទីបញ្ជាការដ្ឋានស្រាលនាបឹងទន្លេសាប ដើម្បីត្រួតពិនិត្យបទល្មើសគ្រប់ពេលវេលា ឯកម្លាំងមួយចំនួនទៀតត្រូវផ្លាស់ប្តូរវិលជុំជាប្រចាំផងដែរដើម្បីសហការទប់ស្កាត់ឱ្យបាននូវបទល្មើសនេសាទខុសច្បាប់ ដែលកើតមានឡើងក្នុងបឹងទន្លេសាប៕

អត្ថបទ៖ សោ និយមរ័ត្ន