Connect with us

ព័ត៌មានជាតិ

ការធ្លាក់ចុះ​ចំនួន​សត្វព្រៃ​នៅ​ខេត្ត​កំពង់ធំ មកពីកត្តា ៥ យ៉ាង

បានផុស

នៅ


លោក តុប កក្កដា ប្រធានមន្ទីរបរិស្ថានខេត្តកំពង់ធំបានអះអាងថា ការធ្លាក់ចុះប្រភេទសត្វនិងចំនួនសត្វព្រៃនៅក្នុងខេត្តកំពង់ធំគឺបណ្តាលមកពីកត្តា ៥យ៉ាង។

នៅក្នុងយុទ្ធនាការអន្ទាក់សូន្យនៅខេត្តកំពង់ធំកាលពីពេលថ្មីៗនេះ លោក តុប កក្កដា បញ្ជាក់​ថា កត្តា ៥ យ៉ាងដែល​ធ្វើឱ្យការថយចុះទាំងប្រភេទ និងចំនួនសត្វព្រៃ រួមមានសត្វចតុបាទ ល្ហុន ថនិកសត្វ ឧរង្គសត្វ និងសត្វស្លាប នោះរួមមានទី១ ការកាប់បំផ្លាញព្រៃឈើ, ទី២ការបរបាញ់និងការដាក់អន្ទាក់ចាប់សត្វព្រៃ ទី៣ ការអនុវត្តច្បាប់​នៅមាន​កម្រិត, ទី៤ ការអប់រំផ្សព្វផ្សាយអំពីសារៈសំខាន់នៃសត្វព្រៃសម្រាប់ធម្មជាតិនិងសេដ្ឋកិច្ចសង្គម ដល់សហគមន៍នៅមានកម្រិតនិង​ទី​៥ ជីវភាពក្រីក្ររបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានមន្ទីរបានបន្តទៀតថា ក៏នៅមានកត្តារួមផ្សំមួយចំនួនទៀតដែលចូលរួមចំណែក​ក្នុងការ​ធ្វើឱ្យ​សហគមន៍​សត្វព្រៃ​នៅក្នុងតំបន់ការពារធម្មជាតិក្នុងភូមិសាស្ត្រខេត្តកំពង់ធំបានថយចុះ ដូចជាចំនួនមន្ត្រីឧទ្យានុរក្សមានចំនួនតិចធៀបនឹងទំហំ​ផ្ទៃដីដ៏ធំទូលាយ និងស្ថានភាពភូមិសាស្ត្រស្មុគ្រស្មាញនៃតំបន់ការពារធម្មជាតិ ឧបករណ៍ទំនើបប្រើប្រាស់សម្រាប់តាមដាន និងត្រួតពិនិត្យបទល្មើសមិនទាន់មានគ្រប់គ្រាន់ ការខ្វះខាតក្នុងការស្តារ និងធ្វើឱ្យប្រសើរឡើងនូវជម្រកសត្វព្រៃ ជាមួយនិងការចូលរួមរបស់ប្រជាសហគមន៍ក្នុងការគ្រប់គ្រងធនធានធម្មជាតិនៅមានកម្រិត។

ពាក់ព័ន្ធការបង្រ្កាបបទល្មើសបរិស្ថានវិញ លោកបានបញ្ជាក់ថា នៅឆ្នាំ២០២១ មន្ត្រីឧទ្យានុរក្សបានរើអន្ទាក់ចេញបានចំនួន​ ១.៨៧០ ដកហូតអាវុធអាវុធកែច្នៃបានចំនួន ៦០ រឹបអូសនិងលែងសត្វព្រៃមានដូចជាត្រកួត ពស់ថ្លាន់ អាញីទៅក្នុងធម្មជាតិបានចំនួន២៥ក្បាល។ ប៉ុន្តែសម្រាប់ក្នុងឆមាសទី១ ឆ្នាំ២០២២នេះ ការបរបាញ់ និងការដាក់អន្ទាក់ចាប់សត្វព្រៃបានថយចុះប្រហែលជា៧៥ភាគរយ បើធៀបទៅនឹងរយៈពេលដូចគ្នាកាលពីឆ្នាំទៅ។

ខេត្តកំពង់ធំមានតំបន់ការពារធម្មជាតិចំនួន ៦ កន្លែងរួមមាន៖ ដែនជំរកសត្វព្រៃព្រៃឡង់, ដែនជំរកសត្វព្រៃបឹងពេរ, តំបន់រ៉ាមសារបឹងឆ្មារ, តំបន់រ៉ាមសារស្ទឹងសែន, តំបន់ការពារទេសភាពខាងជើងបឹងទន្លេរសាប ដែលត្រូវបានគេស្គាល់ថា ជាតំបន់អភិរក្សសត្វខ្សឹប, និងតំបន់ទេសភាពសំបូរព្រៃគុប គិតជាផ្ទៃដីសរុបទំហំជាង២៨ម៉ឺនហិកតា ដោយមានមន្ត្រីឧទ្យានុរក្ស៨៤នាក់ ក្នុងចំណោមមានមន្រ្តីនគរបាលយុត្តិធម៍ចំនួន២៤រូប និងមន្ត្រីភ្នាក់ងារនគរបាលយុត្តិធម៍៦០រូប ដែលត្រូវបានដាក់ពង្រាយនៅតាមទីស្នាក់ការឧទ្យានុរក្ស១៨កន្លែង៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៦ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៦ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម