Connect with us

ព័ត៌មានជាតិ

ធ្លាប់តែមានឈ្មោះបោះសំឡេង តែឆ្នាំនេះ ក្រូចពោធិ៍សាត់បាត់ដំបង ហាក់ស្ងប់ស្ងាត់ទីផ្សារ

បានផុស

នៅ

ផ្លែក្រូចពោធិ៍សាត់ ដែលធ្លាប់តែល្បីតៗគ្នាថា មានតែក្រូចនៅបាត់ដំបងប៉ុណ្ណោះ ដែលមានឱជារសឆ្ងាញ់ពិសា តែឥឡូវត្រូវបានអ្នកលក់ត្អូញត្អែរថា គ្មានហាងឆេង និងគ្មានទីផ្សារទាល់តែសោះ ខុសពីឆ្នាំមុនៗ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរ​បញ្ជាក់ថា តាំងពី​សម័យ​ដើម​រៀងមក ខេត្តបាត់ដំបង ធ្លាប់មាន​ឈ្មោះ​បោះ​សំឡេង រឿង​ដំណាំ​ស្រូវ និង​ដំណាំ​ក្រូចពោធិ៍សាត់ ដែល​រហូត​ធ្វើឲ្យ​កវី​និពន្ធ រៀបរៀង​ជា​បទ​ចម្រៀង ហើយ​ថែមទាំង​បាន​បង្កើតជា​រូបសំណាក​លោកតា​រែក​ក្រូច នៅ​ឈរ​ចំ​កណ្តាល​ក្រុង​បាត់ដំបង ថែម​ទៀតផង ដែល​ស​.​បញ្ជាក់​ឲ្យដឹងថា គឺជា​ខេត្ត​ដែលមាន​សក្ដានុពល លើ​ដំណាំ​ក្រូចពោធិ៍សាត់​នេះ​យ៉ាងខ្លាំង​ផងដែរ ហើយ​កាលពីដើម គឺ​មានតែ​ក្រូច​មកពី​ស្រុក​បាណន់​ប៉ុណ្ណោះ ដែល​ឆ្ងាញ់​លើស​ខេត្ត​ណាៗ​ទាំងអស់ ប៉ុន្តែ​មួយរយៈក្រោយមក ដោយសារតែ​ដី​ចុះខ្សោយ​ជីរ​ជាតិ ក៏​ត្រូវបាន​ប្រជាកសិករ បំបែក​ទៅ​ដាំ​ដំណាំ​នេះ​ជាច្រើន​កន្លែង​ថែមទៀត និង​មានឱជារស​ដូចគ្នា គឺ​ដូចជា​នៅក្នុង​ស្រុក​ប​វេ​ល ស្រុក​ឯក​ភ្នំ ភូមិ​រូង ភូមិ​អូរ​ស្រឡៅ ភូមិ​អូរ​ខ្ជាយ និង​នៅ​ភូមិ​អូរ​ដំបង ជាដើម ។​ល​។​

នៅក្បែរ​ផ្សារលើ ក្រុង​បាត់ដំបង អ្នកស្រី លួង ខាន់​ទយ បាន​រៀបរាប់ថា គាត់​ប្រកបមុខរបរ​លក់​ក្រូច​នេះ​រាប់សិប​ឆ្នាំ​មកហើយ ហើយក៏​អាច​ស្គាល់​ប្រភេទ​ក្រូចពោធិ៍សាត់​នេះ​យ៉ាងច្បាស់​ផងដែរ ដោយ​គាត់​លក់ដាច់ និង​មាន​ម៉ូយ​ច្រើន​គួរសម ដែល​គេ​អាច​កុម្ម៉ង់​មក​អ្នកស្រី​តាមរយៈទូរស័ព្ទ​ជា​ញឹកញាប់ ដើម្បី​ផ្ញើ​ក្រូច​បាត់ដំបង​នេះ​ទៅឲ្យគេ ដូចជា​នៅ​ភ្នំពេញ ឬក៏​តាម​បណ្តា​ខេត្ត​ផ្សេងៗ​ផងដែរ​។​

អ្នកស្រី​បាន​បន្តថា ដោយឡែក​តែ​ឆ្នាំនេះ គ្មាន​អ្នកទិញ​ទាល់តែសោះ ជួនកាល​មួយថ្ងៃ​លក់​ក្រូច​មិនបាន​មួយ​ផ្លូន​ផង ដែល​ខុសពី​ឆ្នាំ​កន្លងទៅ​ដែល​គាត់​អាច​លក់​ក្នុង​មួយថ្ងៃ​បាន​រហូតដល់​មួយ​ស្លឹក (១០​ផ្លូន​) ក៏មានដែរ​។ ហើយ​ចំពោះ​តម្លៃ គឺ​នៅតែ​ដដែល ដោយ​ក្រូច​ល្អៗ មានតម្លៃ​ចាប់ពី​ ៣ ​ម៉ឺ​ន ទៅ​៤៥.០០០ រៀល ក្នុង​មួយ​ផ្លូន ឯ​ក្រូច​ដែលមាន​រូបរាង​តូចៗ និង​មិនសូវ​មានទឹក គឺអាច​មានតម្លៃ​ ១ ​ម៉ឺ​ន​រៀល ក្នុង​មួយ​ផ្លូន​។​

អ្នកស្រី​បាន​ត្អូញត្អែរ​ថា កុំ​ថា​ឡើង​ក្រូច​វា​គ្មាន​អ្នកណា​ទិញ ឥឡូវ​សូម្បីតែ​ក្រូច​អន់ៗ​ដែល​គាត់​រើស​ចេញ​សម្រាប់​លក់​ឲ្យ​អ្នក​យកទៅ​ច្របាច់ ក៏​គេ​លែង​ទិញ​ដែរ ដូច្នេះ​មានតែ​អង្គុយ​មើល​ផ្លែក្រូច​តែប៉ុណ្ណោះ ព្រោះ​វា​ស្ងាត់​ពេក គឺ​គ្មាន​ទីផ្សារ​តែម្តង ៕

អត្ថបទ៖ សោ និយម​រ័ត្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤៩ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម