ព័ត៌មានជាតិ
លោកអភិបាលខណ្ឌច្បារអំពៅចុះពិនិត្យការស្ថាបនាផ្លូវថ្មីនៅសង្កាត់វាលស្បូវ
សមិទ្ធផលថ្មីមួយទៀតបាននិងកំពុងតែចេញរូបរាងជាបណ្ដើរៗ ហើយ គឺផ្លូវបេតុងមួយខ្សែនិងលូរំដោះទឹក១ខ្សែមានប្រវែងជាង១២០០ម៉ែត្រ ទទឹង៧ម៉ែត្រ ភ្ជាប់ពីផ្លូវជាតិលេខមួយចូលទៅក្នុងភូមិព្រែកជាងព្រំ សង្កាត់វាលស្បូវ ខណ្ឌច្បារអំពៅ ដែលជាគម្រោងអភិវឌ្ឍន៍របស់សាលារាជធានីភ្នំពេញផ្តល់ជូនដល់ប្រជាពលរដ្ឋនៅសង្កាត់វាលស្បូវ។
នៅព្រឹកថ្ងៃទី ២៤ ខែសីហា ឆ្នាំ២០២២ លោក ចេង មុនីរ៉ា អភិបាលខណ្ឌច្បារអំពៅ បានដឹកនាំក្រុមការងារចុះពិនិត្យការស្ថាបនាផ្លូវបេតុងថ្មីនេះ ដែលជាចំណងដៃរបស់សាលារាជធានីភ្នំពេញផ្តល់ជូនប្រជាពលរដ្ឋនៅសង្កាត់វាលស្បូវក៏ដូចជាប្រជាពលរដ្ឋនៅក្នុងមូលដ្ឋានខណ្ឌច្បារអំពៅទាំងមូល។
ក្នុងការចុះពិនិត្យសមិទ្ធផលថ្មី ផ្លូវបេតុងមួយខ្សែរួមនឹងលូ១ខ្សែមានមុខកាត់១ម៉ែត្រប្រវែងជាង១២០០ម៉ែត្រ នេះ លោកអភិបាលខណ្ឌបានណែនាំឲ្យមន្ត្រីជំនាញរួម និងអាជ្ញាធរមូលដ្ឋានសង្កាត់វាលស្បូវ ត្រូវតាមដានជាប់ជាប្រចាំនៅពេលក្រុមហ៊ុនអនុវត្តគម្រោងរហូតដល់ចប់ជាស្ថាពរ។
ជាមួយគ្នានេះដែរ លោកអភិបាលខណ្ឌក៏បានស្នើសុំឲ្យបងប្អូនប្រជាពលរដ្ឋដែលរស់នៅអមសងខាងផ្លូវបេតុងថ្មីនេះ ចូលរួមតាមដានទាំងអស់គ្នានៅពេលដែលក្រុមហ៊ុនកំពុងតែអនុវត្តគម្រោង បើមានការសង្ស័យថាធ្វើខុសលក្ខណៈបច្ចេកទេសសូមរាយការណ៍មកខាងក្រុមមន្ត្រីជំនាញដើម្បីមានចំណាត់ការជាមួយនឹងក្រុមហ៊ុន ព្រោះផ្លូវនេះមិនមែនជារបស់ អ្នកណាម្នាក់នោះទេ គឺជាផ្លូវរួមរបស់ប្រជាពលរដ្ឋសម្រាប់ប្រើប្រាស់ទាំងអស់គ្នា ប្រើប្រាស់រយៈពេលយូរ មានគុណភាពល្អ និងស្របទៅតាមបទដ្ឋានបច្ចេកទេសនៃសំណង់។
ក្នុងនោះដែរ លោកអភិបាលខណ្ឌ លោកបានសុំការយោគយល់ពីបងប្អូនប្រជាពលរដ្ឋដែលពិបាកក្នុងការធ្វើដំណើរនៅគ្រាដែល ការដ្ឋានកំពុងដំណើរការសាងសង់ដូច្នេះហើយ! សូមបងប្អូនមានការយោគយល់ចំពោះក្រុមការងារកំពុងអនុវត្តគម្រោង និងសម្របសម្រួលឲ្យការអនុវត្តគម្រោងនេះធ្វើទៅដោយរលូន។
បន្ទាប់ពីទទួលបានផ្លូវបេតុងថ្មីស្ថាបនាជិតរួចរាល់ ងាយស្រួលក្នុងការធ្វើដំណើរឆ្លងកាត់ បងប្អូនប្រជាពលរដ្ឋរស់នៅអមសងខាងផ្លូវ មានការត្រេកអរយ៉ាងខ្លាំងព្រោះកន្លងមកពិបាកធ្វើដំណើរណាស់ពេលភ្លៀងម្ដងៗទឹកលិចបែកភក់។
ឥឡូវនេះបានផ្លូវបេតុងថ្មី ពិតជាមានមោទនភាពណាស់ ចំពោះកិច្ចខិតខំប្រឹងប្រែងរបស់លោកអភិបាលខណ្ឌនិងអាជ្ញាធរដែនដី ក្នុងការស្វែងរកប្រភពថវិកាដើម្បីស្ថាបនាផ្លូវបេតុងជូនដល់ប្រជាពលរដ្ឋនៅ ក្នុងភូមិព្រែកជាងព្រំ សង្កាត់វាលស្បូវ ខណ្ឌច្បារអំពៅ៕
អត្ថបទ៖ នរា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល