ព័ត៌មានជាតិ

រមណីយដ្ឋានភ្នំសំពៅមានល្អាង ១២ ទាក់ទាញទេសចរយ៉ាងច្រើនកុះករ

បានផុស

៤ years មុន

នៅ

ថ្ងៃព្រហស្បតិ៍ ២២ កញ្ញា ២០២២

ដោយ

នៅទីរួមខេត្តបាត់ដំបងមានរមណីយដ្ឋាន និងកន្លែងទេសចរណ៍ប្រមាណ ១១១ កន្លែងដែលអាចជាគោលដៅទេសចរណ៍សំខាន់ៗសម្រាប់ភ្ញៀវជាតិនិងអន្តរជាតិ។ ក្នុងនោះបើក្រឡេកទៅមើលពីរមណីយដ្ឋានភ្នំសំពៅមួយកន្លែងអាចផ្ដល់កន្លែងកម្សាន្តដល់ភ្ញៀវរហូតដល់ ១២កន្លែង ដោយសារមានឈ្មោះល្អាងប្លែកៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នំសំពៅជារមណីយដ្ឋានធម្មជាតិស្ថិតនៅតាមដងផ្លូវជាតិលេខ ៥៧ ភូមិសំពៅលូន ស្រុកបាណន់ ខេត្តបាត់ដំបង។ ភ្នំនេះមានកម្ពស់ប្រមាណ១០០ម៉ែត្រ និងកាំជណ្ដើរ ១ ០៣០ កាំ ដែលមានចម្ងាយ ១២គីឡូម៉ែត្រពីខេត្តបាត់ដំបង និងមានភ្នំជាច្រើនដែលនៅជិតគ្នាដូចជាភ្នំសំពៅភ្នំទ្រុងមាន់ ភ្នំទ្រុងទា និងភ្នំរំសាយសក់ជាដើម ព្រមទាំងនៅលើកំពូលភ្នំមានវត្តមួយឈ្មោះថាវត្តគិរីរម្យ និងមានល្អាងរូងភ្នំយ៉ាងច្រើនផងដែរ។

ល្អាងទាំង១២នោះរួមមាន ល្អាងផ្កាស្លា ល្អាងគក់ទ្រូង ល្អាងខ្យល់ ល្អាង តែងខ្លួន ល្អាងល្ខោន ល្អាងជ្រៃ ល្អាងពេជ្រ ល្អាងខ្វែង ល្អាងប្រេង ល្អាងស្ថានីយ ឬល្អាងធំ ល្អាងក្បាលខ្មោច ល្អាងប្រចៀវ ក្នុងចំណោមល្អាងទាំង១២នេះល្អាងដែលមានភ្ញៀវទេសចរណ៍ទៅទស្សនាមានច្រើនជាងគេមានតែ២ ប៉ុណ្ណោះ គឺល្អាងផ្កាស្លា និងល្អាងល្ខោន។

ជាមួយគ្នានេះនៅក្បែរភ្នំសំពៅក៏មាននៅភ្នំសំខាន់ៗមួយចំនួនជាច្រើនដូចជាភ្នំក្ដោង ភ្នំក្រពើ ភ្នំអណ្ដើក ភ្នំទ្រុងមាន់ ទ្រុងទា ភ្នំនាងរំសាយសក់ ភ្នំតាគ្រាម និងភ្នំសងក្បាល់។

ប៉ុន្តែអ្វីដែលកាន់តែពិសេសទៀតនោះ ភ្នំសំពៅមិនត្រឹមជារមណីយដ្ឋានធម្មជាតិដ៏មានប្រជាប្រិយភាពមួយនៅក្នុងខេត្តបាត់ដំបងទេ ដែលទស្សនីយភាពនៃហ្វូងសត្វប្រជៀវរាប់លានក្បាលដែលហោះចេញពីល្អាងដែលអ្នកស្រុកតែងហៅថា (កងទ័ពប្រជ្រៀវដ៏ក្លាហាន) ពីព្រោះការហោះហើររបស់ហ្វូងសត្វប្រជៀវទាំងអស់នោះ ប្រៀបបានទៅនឹងចរន្តទឹកហូរនៅផ្ទៃអាកាស។

គួរបញ្ជាក់ថា នៅម៉ោង៥៖៣០ នាទីតែងមានភ្ញៀវទេសចរណ៍ជាតិនិងអន្តជាតិរាប់រយនាក់ក្នុងមួយថ្ងៃ មកពីគ្រប់ទិសទី មកទស្សនាកម្សាន្តអារម្មណ៍នៅរមណីយដ្ឋានភ្នំសំពៅ អង្គុយរង់ចាំមើលហ្វូងសត្វប្រជៀវចាប់ផ្តើមហោះហើរបណ្តែតខ្លួនចេញពីរូងខ្មៅដាស់ពេញមេឃ និងតម្រង់ជួរគ្នាចេញពីរូងធ្វើឲ្យមានការចាប់អារម្មណ៍យ៉ាងខ្លាំង៕

ដោយ៖ ឌឿនចាន់ ថារី