ព័ត៌មានជាតិ
អភិបាលខណ្ឌទួលគោក បញ្ជាលុបបំបាត់ទីតាំងជួសជុលកែច្នៃម៉ូតូនៅឃ្លាំងរំសេវ ដោយទីតាំងខ្លះឈូសលេខតួ លេខម៉ាស៊ីនម៉ូតូ
លោក ជា ពិសី អភិបាលខណ្ឌទួលគោក បានដាក់បទបញ្ជាឲ្យរដ្ឋបាលខណ្ឌទួលគោក ចេញសេចក្តីជូនដំណឹង ដោយត្រូវលុបបំបាត់ឲ្យអស់ ចំពោះទីតាំងដែលជួសជុល កែច្នៃម៉ូតូគ្រប់ប្រភេទ នៅតំបន់ឃ្លាំងរំសេវ ព្រោះវាជាដើមចមបង្កើតឲ្យមានបទល្មើសព្រហ្មទណ្ឌ។
ការដាក់បទបញ្ជារបស់លោក ជា ពិសី បានធ្វើឡើងនៅព្រឹកថ្ងៃទី ៣០ ខែកញ្ញា ឆ្នាំ ២០២២នេះ ក្នុងកិច្ចប្រជុំសាមញ្ញលើកទី ៤០ របស់ក្រុមប្រឹក្សាខណ្ឌទួលគោក ក្រោមវត្តមានលោក ម៉ែន សិរី ប្រធានក្រុមប្រឹក្សាខណ្ឌទួលគោក។
លោក ជា ពិសី មានប្រសាសន៍ថា ដើម្បីឲ្យនៅមុខគ្រឹះស្ថានសិក្សារបស់រដ្ឋនានា នៅក្នុងមូលដ្ឋានខណ្ឌទួលគោក មានសោភណ្ឌភាព និងសណ្តាប់ធ្នាប់ល្អ លោកស្នើឲ្យលុបបំបាត់ឲ្យអស់ ចំពោះការលក់ដូរនៅមុខសាលាទាំងនេះ។ បន្ថែមពីនេះទៀត ចំពោះការបើកអាជីវកម្មជួសជុល កែច្នៃម៉ូតូគ្រប់ប្រភេទ នៅតំបន់ឃ្លាំងរំសេវ គឺមិនអនុញ្ញាតឲ្យធ្វើអាជីវកម្មទៀតទេ ដោយហេតុថា ទីតាំងខ្លះជាទីតាំងកែច្នៃ ឈួសលេខតួ លេខម៉ាស៊ីនម៉ូតូ ដែលជាដើមចមបង្កើតឲ្យមានបទល្មើសព្រហ្មទណ្ឌ។
លោកបញ្ជាក់ថា ម៉ូតូដែលត្រូវចោរលួច ប្លន់ មានជីភីអេស មកបាត់សញ្ញានៅតំបន់ឃ្លាំងរំសេវនេះ តែបើឃើញ ក៏ឃើញតែជីភីអេស ម៉ូតូត្រូវបានគេយកទៅបាត់។ ដូច្នេះ អាជ្ញាធរត្រូវលុបបំបាត់ការបើកអាជីវកម្មជួសជុល កែច្នៃម៉ូតូគ្រប់ប្រភេទនៅតំបន់ឃ្លាំងរំសេវនេះ ដោយទី១. វាកាត់បន្ថយបទល្មើសព្រហ្មទណ្ឌ លួច ប្លន់ម៉ូតូ។ ទី២. វាធ្វើឲ្យមូលដ្ឋានខណ្ឌទួលគោក មានសោភណ្ឌភាព និងសណ្តាប់ធ្នាប់ល្អ ។
លោក ជា ពិសី បន្ថែមទៀតថា សម្រាប់កុងស៊ីបញ្ចាំ នៅក្នុងមូលដ្ឋានខណ្ឌទួលគោក មានចំនួន ៥៤ ដោយក្នុងចំនួននេះសុទ្ធតែមានច្បាប់ តែមិនមានច្បាប់ទីតាំងពីអាជ្ញាធរនោះទេ។ កុងស៊ីបញ្ចាំខ្លះ យកការប្រាក់ស្រេចតែចិត្ត មិនបានអនុវត្តទៅតាមក្រសួងសេដ្ឋកិច្ច និងហិរញវត្ថុឡើយ។ ដោយឡែកសម្រាប់ល្បែងស៊ីសង នៅក្នុងមូលដ្ឋានខណ្ឌទួលគោក អាជ្ញាធរបានពិនិត្យចំនួន ១១៥ទីតាំង បង្ក្រាបបានចំនួន ៤ទីតាំង និងឃាត់ខ្លួនមនុស្សបានចំនួន ១១នាក់៕
អត្ថបទ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង