ព័ត៌មានជាតិ
ពលរដ្ឋស្រុកទឹកផុសត្រេកអរ ក្រោយអាជ្ញាធរបើកផ្លូវ៤គីឡូម៉ែត្រ ដែលគេបិទអស់ពេល៥ឆ្នាំ
ផ្លូវចាស់ប្រវែង៤គីឡូម៉ែត្រ ទទឹង៥ម៉ែត្រ ដែលមាននៅក្នុងប្លង់សុរិយោដី ដែលត្រូវបុគ្គលម្នាក់បិទអស់រយៈពេលជាង ៥ ឆ្នាំហើយនោះ ដោយកាលពីព្រឹកថ្ងៃទី៣០ ខែធ្នូ ឆ្នាំ២០២០ ត្រូវបានក្រុមការងារចម្រុះដឹកនាំដោយលោក សូត សង់ អភិបាលរងស្ដីទី ស្រុកទឹកផុស ចុះបើកឡើងវិញ ដើម្បីទុកជូនប្រជាពលរដ្ឋប្រើប្រាស់ជាសាធារណៈ ក្រោយពីមានការប្ដឹងទាមទារកន្លងមក។
លោក សូត សង់ អភិបាលរងស្ដីទីស្រុកទឹកផុស ក្នុងពេលចុះបើកផ្លូវនេះ នៅក្នុងភូមិខ្វិតទួលឃ្លាំង ឃុំក្បាលទឹក ស្រុកទឹកផុស បាននិយាយទៅកាន់ម្ចាស់ដីលោក ខូវ គាត ថា ក្រុមការងារចុះមកនេះ គឺសំណូមពរឲ្យម្ចាស់ដីបើកផ្លូវចាស់ ដែលមានទទឹង៥ម៉ែត្រ និងបណ្ដោយ៤គីឡូម៉ែត្រ នៅក្នុងប្លង់សុរិយោដីឡើងវិញ ដូច្នេះសូមម្ចាស់ដីសហការជាមួយក្រុមការងាររបស់យើង ដោយមិនអាចធ្វើការបិទផ្លូវសាធារណៈនេះ តទៅទៀតបានឡើយ។ ឆ្លើយតបជាមួយក្រុមការងារ លោក ប៊ុន ចាន់វីរៈ កូនលោក ខូវ គាត់ បានសុំមើលពាក្យប្ដឹង ដែលប្រជាពលរដ្ឋសុំបើកផ្លូវ។ ក្នុងពេលនោះដែរ លោក សូត សង់ អភិបាលរងស្រុកទឹកផុសបានបញ្ជាក់ថា ក្នុងនាមអាជ្ញាធរដែនដីលោកនិងក្រុមការងារចុះមួយនេះ គឺមកសម្របសម្រួលសុំឲ្យបើកផ្លូវចាស់៥ម៉ែត្រ ដែលមាននៅក្នុងប័ណ្ណកម្មសិទ្ធិ។ ដូច្នេះបើលោកទាមទារពាក្យបណ្ដឹងនោះ វាជារឿងផ្សេងដែលអាចនឹងជាប់បណ្ដឹងអាជ្ញារបស់តុលាការ នឹងមានទោសទណ្ឌថែមទៀត ដោយសារករណីបិទផ្លូវសាធារណៈនេះ។
បន្ទាប់ពីមានការពន្យល់ណែនាំជាច្រើន ទាក់ទងនឹងផ្លូវច្បាប់របស់ការងារចម្រុះទើបលោក ប៊ុនចាន់ វីរៈ និងលោក ខូវ គាត យល់ព្រមបើកផ្លូវ ដែលលោកបានបិទជាង៥ឆ្នាំនោះឡើងវិញ ដើម្បីឲ្យប្រជាពលរដ្ឋប្រើប្រាស់ជាសាធារណៈ។ ជាមួយគ្នានេះដែរ មន្ត្រីជំនាញសុរិយោដីស្រុក ក៏បានចុះចុចនិយាមកាមជាក់ស្ដែងទៅតាមប្លង់ដី ដែលមានផ្លូវចាស់ ដើម្បីកំណត់ចំណាំឲ្យអាជ្ញាធរមូលដ្ឋានបានដឹង ដើម្បីទុកផ្លូវឲ្យប្រជាពលរដ្ឋប្រើប្រាស់ជាសាធារណៈ។
តាមការបញ្ជាក់របស់ក្រុមការងារចម្រុះបានឲ្យដឹងថា ផ្លូវចាស់របស់រដ្ឋ ដែលមាននៅក្នុងប្លង់មួយចំនួនស្ថិតនៅលើផ្លូវថ្មី ដែលលោក ខូវ គាត បានជួសជុលកែលំអ មួយចំនួនទៀតស្ថិតនៅក្នុងព្រៃក្នុងអូរ និងមួយចំនួនទៀត ត្រូវបានលោក ខូវ គាត ដាំដុះដំណាំពីលើ និងសំណង់រឹង ផងដែរ។ ករណីខាងលើនេះ ប្រហែលជាក្នុងពេលខាងមុខ តម្រូវឲ្យភាគីពាក់ព័ន្ធទាំងអស់ មានការសម្របសម្រួលគ្នាបន្តទៀត ទើបការបើកផ្លូវចាស់ខាងលើនេះ អាចឲ្យប្រជាពលរដ្ឋធ្វើដំណើរបានដោយរលូន។
ដោយឡែក ក្នុងការបើកផ្លូវចាស់នេះឡើងវិញ ប្រជាពលរដ្ឋដែលជាអ្នកប្ដឹងទាមទារសុំឲ្យបើកផ្លូវ បានលើកឡើងថា ពួកគាត់សូមថ្លែងអំណរគុណយ៉ាងជ្រាលជ្រៅដល់ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងលោក សូត សង់ អភិបាលរងស្តីទីស្រុកទឹកផុស ដែលបានដឹកនាំក្រុមការងារចម្រុះចុះមកបើកផ្លូវចាស់នេះវិញបាន ដោយជោគជ័យព្រោះថា ផ្លូវចាស់នេះ ត្រូវបានគេបិទរយៈពេល៥ទៅ៦ឆ្នាំមកហើយ ដូចនេះ ពួកគាត់គ្មានអ្វីក្រៅពីម្រាមដៃដប់ សូមថ្លែងអំណរគុណ និងសូមបួងសួងជូនពរដល់ ឯកឧត្តមអភិបាលខេត្តកំពង់ឆ្នាំង លោក សូត សង់ អភិបាលរងស្រុកទឹកផុស និងក្រុមការងារទាំងអស់សូម សូមទទួលបាននូវពុទ្ធពរទាំងបួនប្រការនិងជោគជ័យគ្រប់ភារកិច្ច ៕
អត្ថបទ៖ ឈៀង ថារិទ្ធ
សូមចុចអាន៖ ពន្លឿនការដ្ឋានអាងចម្រុះប្រព្រឹត្តិកម្មទឹកកខ្វក់ លែងឲ្យបង្ហូរចូលសមុទ្រ
លោកជំទាវ ទុយ សិរីរតនៈ នេត្រ ភក្ត្រា នាំយកថវិកា និងអង្ករវីតាមីន ជូនកាកបាទក្រហម ក្នុងឱកាសអបអរសាទរទិវា ៨ឧសភា ២០២៥
អាជ្ញាធរស្រុកកោះសូទិនចុះទប់ស្កាត់សកម្មភាពទន្ទ្រានដីរដ្ឋនៅចំណុចឡូត៍លេខ៨
មុនទិវាពលកម្ម សម្ដេចធិបតី កោតសរសើរក្រសួងការងារ ដែលអនុវត្តអនុសាសន៍គន្លឹះ១០ចំណុចជោគជ័យ
ពលរដ្ឋមួយគ្រួសារនៅស្រុកស្រែអំបិល ពុលផ្សិតអំឡុងបះមកចម្អិនធ្វើម្ហូប
ការវាយប្រហារនៅកាស្មៀរធ្វើឲ្យទំនាក់ទំនងឥណ្ឌា-ប៉ាគីស្ថានកាន់តែធ្លាក់ដុនដាបខ្លាំង
មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
ហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
ម្ចាស់គណនីហ្វេសប៊ុក “You Ri” ដែលធ្វើទង្វើអសីលធម៌បង្ហាញលើបណ្តាញសង្គម ត្រូវហៅមកណែនាំ និងធ្វើកិច្ចសន្យា
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៥ ម៉ោង agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៥ ម៉ោង agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ១០ ម៉ោង agoក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ