Connect with us

ព័ត៌មានជាតិ

រកឃើញ​ ផូស៊ីល សត្វសមុទ្រជាច្រើន​នៅតំបន់ភ្នំមន្ត្រីជំនាញប្រាប់ថា ខេត្តបាត់ដំបងជាបាតសមុទ្រកាលពីជាង ២ ពាន់ឆ្នាំមុន

បានផុស

នៅ

ផូស៊ីលគឺជាសត្វរស់នៅក្រោមបាតសមុទ្រមួយប្រភេទដែលប្រជាជនខ្មែរ​មួយចំនួនធំមិនដែល​បានដឹងរាប់សិបឆ្នាំមកហើយ ខណៈទើបតែមន្ត្រីផ្នែកក្រសួងជំនាញបានសិក្សាស្រាវជាបឋមរកឃើញនៅតាមបណ្តាតំបន់ភ្នំមួយចំនួននៅក្នុងភូមិសាស្ត្រខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពនៅមន្ទីរបរិស្ថានខេត្តបាត់ដំបងបានបង្ហាញឈ្មោះ និងឃើញរូបរាងខ្លះៗនៃសត្វសមុទ្រប្រភេទខាងលើនេះនៅក្នុងមន្ទីរបរិស្ថានខេត្តធ្វើឲ្យយុវជនជំនាន់ក្រោយដែលបានចូលទស្សនាមានចម្ងល់ថា មកពីមូលហេតុអ្វីបានជាសត្វសមុទ្រប្រភេទខាងលើនេះបែរជាមកសម្ងំនៅតាមតំបន់ភ្នំក្នុងទឹកដីខេត្តបាត់ដំបងតាមរបៀបណា?

លោក កត បូរ៉ាន់ ប្រធានមន្ទីរបរិស្ថានខេត្តបាត់ដំបងបានពន្យល់ថា ហេតុផលដែលនៅតាមបណ្តាតំបន់ភ្នំក្នុងភូមិសាស្ត្រខេត្តបាត់ដំបងមានសត្វសមុទ្រប្រភេទខាងលើនេះដោយសាតែកាលពីជាង២ពាន់ឆ្នាំមុនភូមិសាស្ត្រខេត្តបាត់ដំបងគឺជាបាតសមុទ្រទើបនៅតាមបណ្តាភ្នំជាច្រើនសម្បូរទៅដោយថ្មកំបោរហើយក៏មានសត្វខាងលើនេះវារស់នៅកាលពីសម័យកាលនោះហើយក៏សត្វទាំងនោះក្លាយជាថ្មតែម្តង។

លោកបន្តថា មានភ្នំជាច្រើនដែលអាចមានសត្វប្រភេទ ផូស៊ីល ជាច្រើនទៀតដូចជាភ្នំប្រាំពីរ ភ្នំសំពៅ និងតាមបណ្តាភ្នំផ្សេងៗទៀតផងដែរ។ ហើយរយៈពេលចុងក្រោយថ្មីៗនេះខាងក្រសួងក៏មានការសហការជាមួយមន្ត្រីពាក់ព័ន្ធចុះសិក្សាស្វេងយល់នឹងរុករកជាបឋមទៅលើតំបន់ភ្នំមួយចំនួនផងដែរ ដែលក្នុងនោះមានភ្នំ ១៥០ គឺស្ថិតនៅក្នុងភូមិសាស្ត្រ ស្រុកបាណន់ ខេត្តបាត់ដំបង ដែលនៅជិតអាងកំពីងពួយ និងភ្នំកំពីងពួយឬ”ភ្នំព្រះ” ភ្នំកែវ ដែលជាតំបន់ភ្នំថ្មកំបោរមានប្រវែងសរុបប្រមាណ ១០គី ឡូម៉ែត្រ ដែលភ្នំទាំងនេះនៅក្នុងភូមិសាស្ត្រតែមួយ។

ហើយការចុះស្រាវជ្រាវនឹងរុករកជាបឋមទៅលើភ្នំមួយចំនួនខាងលើនេះបានធ្វើឡើងកាលពីអំឡុងខែ ឧសភា ឆ្នាំ ២០២២ កន្លងមកនេះ ដោយក្រុមការងារសិក្សា”ផូស៊ីល” នៃនាយកដ្ឋានតំបន់បេតិកភណ្ឌ អគ្គសហគមន៍មូលដ្ឋាន នៃក្រសួងបរិស្ថាន ដែលបានចុះសិក្សាទៅលើប្រភេទសត្វសមុទ្រ”ផូស៊ីល”នេះជាបឋមនៅក្នុងភូមិសាស្ត្រខេត្តបាត់ដំបង។

ហើយក្នុងនោះក្រុមអ្នកជំនាញបានកំណត់ទីតាំងស្ថានីយផូស៊ីលសត្វសមុទ្រនៅតំបន់ភ្នំ ១៥០នៅខេត្តបាត់ដំបង ដែលជាតំបន់កាយយកអាចម៌ដីស្រាប់ទើបក្រុមអ្នកស្រាវជ្រាវបានប្រទះឃើញ ផូស៊ីលខ្យង ផូស៊ីលផ្កាថ្មសំបុកឃ្មុំ នៅរាយប៉ាយតែម្តង ចំណែកជំហ៊ានបន្ទាប់ក្នុងថ្ងៃតែមួយនៅទីតាំងមួយទៀតគឺភ្នំព្រះ បានរកឃើញ ផូស៊ីលផ្កាថ្មសំបុកឃ្មុំ ដែលមានទំហំប្រមាណ ៥០ស.ម ផងដែរ។

មិនខុសពីការលើកឡើងពីលោក កត បូរ៉ាន់ ប៉ុន្មាននោះទេ បើយោងតាមរយៈផែនទីមួយឈ្មោះថា “ភូគម្ពសាស្ត្រ”នៃព្រះរាជាណាចក្រកម្ពុជាបង្ហាញថា តំបន់ភ្នំមួយចំនួនក្នុងភូមិសាស្ត្រខេត្តបាត់ដំបងគឺជាតំបន់ភ្នំមានថ្មកំបោរដែលមានអាយុកាលដែលស្ថិតនៅក្នុងសម័យកាលចាប់ពី ២៥១-២៩៩ លានឆ្នាំ មកហើយ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៤៣ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៦០ នាទី មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ២ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម