ព័ត៌មានជាតិ
សម្ដេចតេជោ ៖ ខ្ញុំគ្រាន់តែប្រាប់បន្ថែមថា បើបោះឆ្នោតឥឡូវហ្នឹងហើយ បោះបន្ថែមនៅឆ្នាំក្រោយទៀត អត់មានអីខុសទេ
សម្ដេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា បានឆ្លើយតបទៅកាន់អ្នកនយោបាយមួយចំនួន ដែលបានលើកឡើងថា សម្ដេចឃោសនាបោះឆ្នោតមុនកាលកំណត់។ សម្ដេចតេជោ ហ៊ុន សែន បានថ្លែងថា ជាក់ស្ដែងប្រជាពលរដ្ឋនៅទូទាំងប្រទេស បោះឆ្នោតគាំទ្រគណបក្សប្រជាជនកម្ពុជាមែន ហើយសម្ដេចគ្រាន់តែបន្ថែមថា សូមបោះបន្ថែមនៅឆ្នាំក្រោយទៀតប៉ុណ្ណោះ។
សម្ដេចតេជោ ហ៊ុន សែន បានថ្លែងក្នុងពិធីសំណេះសំណាល ជាមួយប្រជាកសិករជាង ៥ពាន់គ្រួសារ រងគ្រោះដោយសារគ្រោះទឹកជំនន់ នៅក្នុងខេត្តពោធិ៍សាត់ នាព្រឹកថ្ងៃទី ២៥ ខែតុលានេះថា កាលពីការបោះឆ្នោតកន្លងទៅ នៅខេត្តពោធិ៍សាត់ មានអត្រាប្រជាពលរដ្ឋប្រមាណ ៩៣ភាគរយ បានបោះឆ្នោតជូនគណបក្សប្រជាជនកម្ពុជា ហើយសង្ឃឹមថា ចំនួននេះនឹងបន្តបោះឆ្នោតឲ្យគណបក្សប្រជាជនកម្ពុជា សម្រាប់ការបោះឆ្នោតជ្រើសតាំង តំណាងរាស្រ្ដនីតិកាលទី ៧ បន្តទៀត។
ចំពោះការលើកឡើងរបស់អ្នកនយោបាយមួយចំនួន ដែលថា សម្ដេចឃោសនាបោះឆ្នោត មុនកាលកំណត់នោះ សម្ដេចតេជោ ហ៊ុន សែន បានឆ្លើយតបយ៉ាងដូច្នេះថា «ច្បាស់ណាស់ ពួកប្រឆាំង និងបក្សដទៃ គេថា ខ្ញុំហ្នឹងដើរឃោសនាបោះឆ្នោត…បើកន្លងទៅហ្នឹង គឺការជាក់ស្ដែងប្រជាពលរដ្ឋ នៅកន្លែងហ្នឹងបោះឆ្នោតឲ្យមែន ឥឡូវខ្ញុំគ្រាន់តែប្រាប់បន្ថែមថា បើបោះឆ្នោតឥឡូវហ្នឹងហើយ បោះបន្ថែមនៅឆ្នាំក្រោយទៀត អត់មានអីខុសទេ»។
សម្ដេចតេជោ ហ៊ុន សែន បានថ្លែងបន្តថា នៅពេលជួបសំណេះសំណាលជាមួយប្រជាពលរដ្ឋនៅតាមបណ្ដាខេត្តនានា ដែលបានបោះឆ្នោតគាំទ្រគណបក្សប្រជាជនកម្ពុជា សម្ដេចតែងតែថ្លែងអំណរគុណពួកគាត់ និងសុំឲ្យពួកគាត់បន្តបោះឆ្នោតគាំទ្រ បន្តទៀតដែរ។
នៅក្នុងពិធីសំណេះសំណាលនាព្រឹកមិញនេះដែរ សម្ដេចតេជោ ហ៊ុន សែន បានថ្លែងអំណរគុណដល់ប្រជាពលរដ្ឋនៅខេត្តពោធិ៍សាត់ និយាយដោយឡែក និងនិយាយជារួម ប្រជាពលរដ្ឋនៅទូទាំងប្រទេស ដែលបានបោះឆ្នោតជូនគណបក្សប្រជាជនកម្ពុជា ឲ្យទទួលបានជ័យជំនះភ្លូកទឹកភ្លូកដី ក្នុងការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ កាលពីពេលថ្មីៗនេះ។
សម្ដេចតេជោ ហ៊ុន សែន បានថ្លែងបន្តថា ខេត្តពោធិ៍សាត់ មានប្រជាពលរដ្ឋគាំទ្រគណបក្សប្រជាជនកម្ពុជាខ្ពស់ណាស់ ហើយកាលពីការបោះឆ្នោតជ្រើសតាំងតំណាងរាស្រ្ដអាណត្តិមុន គឺគណបក្សប្រជាជនកម្ពុជា បានឈ្នះរហូតដល់ ៤អាសនៈតែម្ដង។ សម្ដេចតេជោ ហ៊ុន សែន បានថ្លែងទៀតថា «ឥឡូវយោងទៅលើលទ្ធផល ដែលឆ្លុះបញ្ចាំងពីការបោះឆ្នោតឃុំសង្កាត់ យើងអាចទទួលទាំង ៤អាសនៈ នៅក្នុងខេត្តពោធិ៍សាត់»៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង